II Kolindo 3:12 - O Mikanda Ikola

¹² Mukonda-phe dia kukala ni kudielela kala kiki, kiene ki tua bhuila o uôma.

II Kolindo 3:12 ပူးပေါင်းရင်းမြစ်များ

Nzuá 10:24

Jijudé anga ji mu kondoloka, jexi: Katé bhebhi bhu u suka, ni ku tu bokuesa mu jiphata? Ki kala eie-muène u Kristu, tu tangele-kiu-phe.

Nzuá 16:25

Mu kuzubha, jezú u zuela, uixi: Imʼiíi nga mi ambela jinga-iu mu ifika. Kumbi dí diza-phe dia kuila, ki ngi mi zuelela dingi mu ifika, suke ngi mi lomboluela kiambote o maka ma Tata.

Nzuá 16:29

Jixibulu jê, exi: Tala! Kiki uala kulombolola kiambote mu kuzuela, kuahi ta dingi ifika.

Jipoxolo 14:3

Kienʼiki Jipoxolo anga a bhanga thembu iavulu mu Ikônio mueniomo. Ene a bhua uôma ni kutanga o maka ma Ngana. Muène Ngana anga u kala mbangi ia maka ma kiadi kiê, kuma o jipoxolo ua a bhesa o kubhanga isuma ni madiuanu ni maku mâ.

Jipoxolo 4:13

Kienʼiki o adiakime bhu Kionge Kiadikota, kia zubha ku mona o kúbhua uôma kua Phetele ni Nzuá, ni ku a tongolola kuma athu akua-tutu, ka zubha ku dilonga madivulu, a diuana, anga ki a lombolokela kuma ende ni Jezú.

Jipoxolo 9:27

Barnabé-phe uiza ku mu kuatekesa, anga u mu bheka ku Jipoxolo. Muene anga u a jimbuila kioso Ngana kia tukulukila Saúlu mu njila, iú ua zuelanê. U a kundila ue kuma Saúlu muene, mu Damásku ua tangele maka mu dijina dia Jezú ni kubhua-uoma.

Jipoxolo 9:29

Jijudé ja akua Ngelexa anga u zuela-nâ, a kuata jiphata, maji ene-phe a sota ndunge ia ku mu jibha.

I Kolindo 14:19

Sumbala kiene, maji kioso ki tu bhongoloka mu Ngeleja, nginda ngi zuela ngó izuelu itanu athu oso i evua ni kilunji, ni ngi longe akuetu, nguami kuzuela kuinhi dia midi dia izuelu mu mbimbi jengi.

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 3:11

Uila kiki, o kiokio kia nange ngó kathangana se kiejile ni kubenha, kota-kota dingi mu kubenha kiokio ki xalela-ku kiá katé ku hadia ni hadia!

II Kolindo 4:13

Mukonda-phe muẋima ua kuxikana uene umoxi, kala ki a ki soneka, exi: Eme nga xikana, kiene ki nga zuelela, etu uetu tua xikana, kiene uetu ki tua zuelela.

II Kolindo 7:4

Nga mi dielela kinéne, kienhiki ngi di thatha kiavulu mukonda dienu. Mu axaxi ka hadi ietu ioso, hanji ngezala ni kusuina, nga xamujuka ni ngalasa.

Filipe 1:14

O ku jiphange mua Ngana, avulu muene mukonda dia upelezu uami, abhu dingi o hele mu kubeta kudielela Ngana. Kieniiki, a suina dingi kiengi ni kutanga o Maka ma Nzambi sé uôma.

Filipe 1:20

Mukonda eme o kia ngi kate kiavulu, ki ngendi ni kudielela kuami kuoso, o kuila ki ngi lémbue kubhanga kioso kia ngi tokala, kala ki ngene kiá mù bhanga tunde ukulu, kota-kota mu kindala mumu, mbé ngi kale muene ni kubhua o uôma, phala ngi tene kufumanesa Kristu ku mukutu uami, kixi ku muenhu, kixi mu kufua.

Kolose 4:4

Uila kiki, endenu ni kusamba phala o kijinganuʼiki ngi ki lombolole kala kia tokala, athu oso nʼa kijiie kala kia fuama.

I Tesalonika 2:2

Muejiia ue kuila kioso kiluua tu bhixila koko ku Tesalonika, tua diangele-phe kutala hadi ni kulebhuka mu Filipe. Luavulu muene a sotele ku tu fudisa, maji etu-phe tu bhua uôma mua Nzambi ietu mu ku mi tangela enu o Njimbu Iambote ia Nzambi ni kubângama kuoso.

I Timote 3:13

Mukonda oso a sedivila kiambote ku udiiakono, a nganhala ditala diambote, kuma a soko-bho kùbhua uôma mu kubhana umbangi ua kuxikana kuâ kuene na-ku mua Kristu Jezú.

Filemone 1:8

Uila kiki, kuma ngi phangʼié mua Kristu, nga-bhu uôma ni ngi tene ku ku tumina kioso ki ua tokala kubhanga.