II Kolindo 3:1 - O Mikanda Ikola

¹ Manhi kioso ki tu zuela kiki, tuandeka dingi o ku di ximana etuene? Inga tu bhinga tu kala ni mikanda, kala athu amoxi-moxi-mu, ia ku tu ximana, i tu mi sanga na-iu, mba i tu tunda na-iu ku mualʼenu?

II Kolindo 3:1 ပူးပေါင်းရင်းမြစ်များ

Jipoxolo 18:27

O kioso Apolo kia mesena kuzauka ku Akaia, jiphange mu Efezo ja mu kuatekesa, anga a sonekena jixibulu koko phala ku mu tambulula. Muene kia bhixila koko, ua a kuatekesa kiavulu oso a xikana mu kiadi kia Nzambi.

Loma 16:1

Nga mʼ ijidisa Fibe, pangʼ ietu ia muhatu, mukalakadi mu Ngeleja ku Senkeleia.

I Kolindo 10:33

Bhangenu uila ki ngene mù bhanga eme-muène. Athu oso ngi sota ku a uabhesa miẋima mu ima ioso i ngi bhanga, kuma ki ngi bhindamena eme-muène ngó kubhanduluka, maji nginda ue ene oso a bhanduluke, phala nʼ a bhuluke.

I Kolindo 16:3

Kumbi di nga kà tula kuenhoko, oso mua a solo, ene u nga kà tuma ni mikanda phala a bheke o ujitu uenu ku Jeluzaleme.

I Kolindo 3:10

Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.

I Kolindo 4:15

Kuma né-mbé mu kala ni kuinhi dia midi dia jimesene ji mi longa mua Kristu, ki mu vudila kukala ni jitata, mukonda muala ngó ni tata imoxi iene. Kuma eme nga mi vuala mua Kristu Jezú, kioso ki nga mi bhekela o Njimbu iê Iambote.

II Kolindo 10:12

Kia kidi kuila etu ki tu bhumina ku di sokesa, mba ku di fikisa ni amoxi-moxi a di fika ku kala athu onéne. Athu kʼejiia kima! A di sokesa ene mudiâ mu matala ma bhange ene.

II Kolindo 10:18

Kuma muthu u lunga ki ió u di ximana muène, maji ió uoso a mu ximana kuala Ngana.

II Kolindo 10:8

Eme ki ngala ni jisonhi, né mbe ngi ta thathe ia kijingu kietu kia tu bhana Ngana. O kijingu kiki, kia ku mi kudisa enu mu nzumbi, ki kia ku mi muanga, kana.

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

II Kolindo 12:19

Enu mua mu fika kuma etu tua mu di lungisa bhu pholo ienu. Ki ki xikina! Tua zuela kala kia tu tumu Kristu, bhu pholo ia Nzambi. Ima ioso-phe i tu bhanga, enu akuetu, ia ku mi kuatekesa.

II Kolindo 2:17

Kuma etu ki tua sokela ni athu avulu, a bhinga kuila kia tanga o Maka ma Nzambi ela kala ala ngo mu kuta uenji uâ uosouoso. Maji etu-phe Nzambi muene ua tu katula, kiene kia tu bhekela kuila mù tanga o Maka mê, ki tu zuela ni mangonha bhu mesu mê, kuma tu akalakadi a Kristu.

II Kolindo 5:12

Ki tua kuata dingi ku di ximana etu-ene ku mesu enu. Maji tua ki zuelela o ku mi bhana enu kia ku di thâthela ngó o ukembu ua pholo, kana ua muẋima.