II Kolindo 2:13 - O Mikanda Ikola

¹³ Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

II Kolindo 2:13 ပူးပေါင်းရင်းမြစ်များ

Daniiele 6:19

Mu kimene-mene kia kalaji muná, sobha ubalumuka, uia lusolo ku muelu ua ngenda ia jihoje.

Marku 6:46

O kia zubha ku di lekela-nê, iu ua bande ku mulundu mu kusamba.

Jipoxolo 21:6

Etu anga tu di longa mu naviiu, ene a vutuka ku mabhata mâ.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

II Kolindo 12:18

Nga bhingile Tito kuia ku mi kunda, kumoxi ni phange ia mukuâ mu kuxikana. Manhi Tito ua mi bhange kudimuka? Ki kia kidi muene kuma kiiadi kietu, o muẋima uetu uene umoxi, o uendelu uetu ue uene umoxi?

II Kolindo 7:13

Mukonda dia kiki tua suina dingi. O ku thandu dia kutululuka kuku ku tua tambula, kua di te o kutana dingi kiavulu mukonda dia ngalasa ia Tito. Kuma enu oso mua mu kuatekesa mu ku mu nhohesa o muẋima.

II Kolindo 7:14

Mbata eme nga mu telele thathe ienu kua muène, ia ku mi zuela kiambote, o enu ue-phe ki mua ngi kuatesa jisonhi. Etu ima ioso i tuene ku mi tangela, ia kidi. Kiene ue ni thathe i tua tele bhu pholo ia Tito, ia ku mi ximana enu, a i mono kuma ia kidi.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

II Kolindo 8:23

Se bhu kala muthu uibhula Tito, muène mukua kisangela kiami, mukalakadi ni mukuetu mu ku mi kuatekesa enu. Se ebhula o jiphange jetuʼiji a mùia ni muène, ene akunji a a katula kuala o jingeleja, athu ene mù bhana ujitu kua Kristu.

II Kolindo 8:6

Katé Tito tua mu bhingile, mukonda muène ua mi matekesa o kikalakalu kiki, phala a mi kuatekese o kuzubha ujitu uenʼiú.

Ngalásia 2:1

Kia zubha o kubhita kuinhi dia mivu ni iuana-phe, nga bandele dingi ku Jeluzaleme kumoxi ni Barnabé, ni Tito ue ngele-nê.

Ngalásia 2:3

Maji-phe né Tito, mukuetu nga kexi-nê, sumbala Ngeleku, ka mu bhinjikile ku mu saia.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.