II Kolindo 2:12 - O Mikanda Ikola

¹² Kioso ki nga bhixidile-phe mu mbonge ia Tolouade mu ku kola o Njimbu Iambote ia Kristu, nga muene kuila Ngana ua ngi jikuila njila phala kubhanga-bhu o kikalakalu.

II Kolindo 2:12 ပူးပေါင်းရင်းမြစ်များ

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Jipoxolo 16:11

Mu Tolôua tua di longo mu naviiu, tuenda ni kitembu katé mu kikôlo kia Samotrasia. O mu kizuua kia kaiadi anga tu kuaka ku Neiapolo.

Jipoxolo 16:8

Anga a somboka mu Mixa, hé a kulumuka ku ditabhu dia Tolouade.

Jipoxolo 20:8

Anga mu kala tundeia tuavulu mu sabhalalu mu tua di bhongoluela.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

I Kolindo 16:9

Kuma kunu nga sange-ku kua ngi jikukila muelu ua dikota, ua nguzu ua kubhanga kikalakalu kiambote, suke o jinguma ue ja vulu-ku.

I Kolindo 9:12

Se ku kala akuetu ala ni ukota uenʼiú ua kukinga o ima iambote kokuenu, etu kifua ki tu beta kota? Sumbala-phe ukota uenʼ iú etu na-u, maji ki tu solo ku ki bhanga. Inda ima ioso tua soko na-iu, mbebhu o Njimbu Iambote ia Kristu kana ku i fudisa.

I Kolindo 9:14

Kiene-phe ue kia lekelela Ngana, kuma oso a kola o Njimbu Iambote, mu kukola o Njimbu Iambote kuene ku a dia.

I Kolindo 9:16

Kuma né-mbe ngi kola Njimbu Iambote, ki ki ngi bhana kuta thathe. Kuma katé bhu ngezʼ abha, kiene kia ngi fuama kubhanga. Kokolo diami se ngi kamba kukola o Njimbu Iambote!

II Kolindo 10:14

Ki tua bhitile mu mbambe, kana, kala tua sukile ngó mu njila, kuma etu-ene tua bhiẋikile o Njimbu Iambote ia Kristu, katé ku mualʼenuʼoko.

II Kolindo 11:4

Mbata enu mu tambulula ni ngalasa ioso muthu uoso-uoso u mi sanga, hé u kola Jezú iengi, ki muène Jezú tua mu kola etu. Anga mu xikana nzumbi iengi, mba njimbu iengi ki iene ia Nzumbi ia Nzambi i mua tambuile ko kuetu-etu!

II Kolindo 11:7

Kioso ki nga mi tudila o Njimbu Iambote ia Nzambi, nga ki bhange sé ku ngi futa. Nga di tolesa eme-muène, phala ku mi zangeleka enu. Manhi kituxi ki nga te?

II Kolindo 4:3

Mukonda o ki kala Njimbu Iambote i tua mu kola ia futama uandanda, ia futama ngoho phala ió oso ala mù texika.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Kolindo 8:18

Tua katula ue kumoxi ni muène, phange ietu ene ku mu xila mu jingeleja joso, mukonda dia kikalakalu kiê kia kukola o Njimbu Iambote.

II Kolindo 9:13

Ene a kà fumanesa Nzambi, mukonda dia kubhindumuna kuenu kuenʼiúku, kijimbuete kia kuila enu mua kaiela o Njimbu ia Kristu. A kà fumanesa ue Nzambi mukonda dia ujitu ua henda u mua bhana mu mukungu u muala ku a tumikisa ene ni mundu uoso kiá.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

I Tesalonika 3:2

Hé tu kana kuxala ubheka uetu mu Atena. Anga tu katula phangʼ ietu Timote, ngunza ia Nzambi, mukalakadi ni mukuetu mu kutula o Njimbu Iambote ia Kristu, tua mu tumu phala ku mi suinisa mu kuxikana kuenu,