II Kolindo 2:11 - O Mikanda Ikola

¹¹ Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

II Kolindo 2:11 ပူးပေါင်းရင်းမြစ်များ

Jobe 1:11

Maji zènga hanji ngó o lukuaku lué, u mu kuate ku ioso iala na-iu, utale se ka-nda ku ku ẋonguena bhu pholo iê.

Jobe 2:3

Jihova anga uambela Satana, uixi: Mubhikʼami Jobe ua mu mono? Mukonda mu ngongo kana-mu muthu ua di fu ni muene, muthu ua kidi ua iuka o muẋima, mukua uoma ua Nzambi, o ia ibha u i lenga. Sumbala eie ua ngi funhisa phala ku mu jikinisa sé kikuma, maji muene hanji a jijila kuiuka kuê.

Jobe 2:5

Sunununa ngó lukuaku lué, u mu kuate hanji mu ifuba ni mu misuínhi, u mone mba muene ka-nda ku ku ẋonguena muène bhu pholo ié!

Jobe 2:9

Bhenhobho muhatuʼê u mu tangela, uixi: Hanji ua jijila o kuiuka kuê? Nzambi mu xinge, u fue kiá.

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Luka 22:31

Ngana uixi dingi: Ximá, Ximá, ivua kiambote: Satana ua mi binghi mbé ni a mi lole. Muène ua-nda ku mi bhiata mukuâ ni kidimakaji kia bhiata o tiliku mu ku i uanununa ni ibhiate.

Nzuá 13:2

Jezú ni maxibulu mê, kia kala mù seiala, o Diabhu ua ki te kiá ku muẋima ua Juda, mukua Kadiota, monʼ a Ximá, o ku mu sumbisa.

Jipoxolo 1:25

phala a tambule kididi mu kukalakala ni etu ku ukunji iú ua upoxolo. Mukonda o Juda kikalakalu ʼiki ua ki tokoka, iu uaii ku kididi kiê kia mu tokala.

I Kolindo 7:5

Kiiadi kiâ kana muthu u di tuna mukuá, kikale ngó se kiiadi kienu mua bangana ku ki bhanga mu kithangana, phala mu te miẋima mu kusamba. Kithangana-phe kuila kia bhiti, mu takana dingi kala ki mua mu bhanga kiá, phala Satana ka mi diangule mukonda dia kukamba o nguzu ia ku di langa.

II Kolindo 11:14

Ki kima kia ku di uana. Kuma katé ni Satana mukuâ ku di bhangesa kala anju ia mukengeji.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 2:24

Nga mi ambela-phe, enu mua xala-ku mu Tiiatila, oso ulonge-lu iú uaiibha ki muene na-u, mua kambe kuijiia o ima iazongo ia Satana, uila kia mu tanga ene, enu ki ngi mi xina dingi kimbamba.