II Kolindo 2:1 - O Mikanda Ikola

¹ Kuma mu kuxikana muene mu muemana. Mukonda ku mbandu iami nga solele kiki, kuma nguami ku mi sanga dingi ni ku mi kuatesa mukondo.

II Kolindo 2:1 ပူးပေါင်းရင်းမြစ်များ

Jipoxolo 11:29

Kieniokio jixibulu joso, kala muthu kioso kia soko na-kiu, a sola kusanga ngasu ia kutuma kubindumuna jiphange ja tungu mu Judeia.

Jipoxolo 15:2

Anga ki bhekela Phaulu ni Barnabé kukuata jiphata ni mala enʼió, hé ku kala kufunda kuavulu. Bhenhobho, o jiphange anga a sola Phaulu ni Barnabé, ni akuâ dingi, phala a bande ku Jeluzaleme ku Jipoxolo ni adiakime, phala a tetulule o makʼ ama.

Jipoxolo 15:37

Barnabé anga u inda ambate-nâ Nzuá, a mu ixana Marku.

I Kolindo 2:2

Kuma kioso ki nga kexile kumoxi ni enu, ki ngi solele dingi kuijiia kima kiengi mudienu, kikale ngó Jezú Kristu, kota-kota dingi o kufua kuê kua fuile ku dikulusu.

I Kolindo 4:21

Enu-phe mua mesena kiebhi? Ngi mi sanga ni muxi ua kubeta, inga ngi mi sanga ni muẋima uezala ni henda ni uthu ua mbote?

I Kolindo 5:3

Ni kidi kiene, eme sumbala ku mukutu ngala kuengi, maji mu nzumbi eme koko ku muala enu. O ki ngedi ngala kuenhoko ni enu, mu dijina dia Ngana Jezú, ngêlesa kia muenʼ ió ua bhange o kima kiaiibha kiosuʼ iki.

II Kolindo 1:23

Eme-phe Nzambi a ngi kale mbangi ku thandu dia muenhu uami, kuma kia ngi fudisa kuia kindala ku Kolindo mukonda enu nga mi fikixila.

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Kolindo 2:4

Kuma hadi ia ngi vudile kumoxi ni kikote kia muẋima, thembu i nga mi sonekenʼoio ni masoxi mavulu. Inda ki nga mi sonekena mu ku mi kuatesa mukondo, maji phala ku mʼijidisa o henda i nga mi kala na-iu kiavulu enu oso.

Tito 3:12

Kioso ki nganda ku ku tumikisa Artema, mba Tixiko, eʼmuène kuata muanu ua ku ngi sanga bhu Nikopolo, mukonda bhene bhu nga solo bhu ngi bhitila o tembu ia mbambi.