II Kolindo 13:5 - O Mikanda Ikola

⁵ Di lodienu enu-enu mba mu kuxikana enu momo. Inga ki mua kʼijiia kuma Kristu u kala moxi dienu? Kukamba kukala moxi dienu, kikale mua sekala.

II Kolindo 13:5 ပူးပေါင်းရင်းမြစ်များ

Jisálamu 119:59

Nga xinganeka kuoso ku ngi bheka o jinjila jami, ngixi-phe kota inama iami i kutuke mu kaiula ké.

Jisálamu 17:3

Eie ua lola kiá muẋima uami; ua ngi tokuesa mu usuku; ua ngi sale, maji kua ngi mono isenga; nga dixibhʼami, kanu diami ki dia tondala.

Jisálamu 26:2

Ngi tokuese, Johova, u ngʼijiie; ngi tekule muẋima ni ilunji.

Jelemiia 6:30

A-nda kua kà exana phalata iò jine, mbata Jihova ua a tènde.

Kuditenda 3:40

Jinjila jetu tu ji tongolole kiambote, tu ji lole muene kioso ki jala, tu alukile kua Jihova.

Izekiiele 18:28

Mbata muene ua xinganeka iu ua diela ku itondalu iê ioso ia bhange, ni kidi kiene ia kà kola muenhu, ka kà fua, kana.

Ajeu 1:5

Kiki-phe Jihova dia Ifuẋi uambe: Mixima ienu i tongolole hanji kiambote o uendelu uenu.

Ajeu 1:7

Kiene kiambe Jihova dia Ifuẋi, uixi: Mikima ienu i tongolole hanji kiambote o uendelu uenu.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 15:4

Xalenu mo muami, Eme ngi xale mo muenu. Kala thangu ki itena kuima ibundu kʼ ubheka uê, ia kambe ku di kuatenena ku muxi, kiene ue, enu ki mu tena kuima ibundu, se mua kambe kuxala mo muami.

Nzuá 17:23

Eme mua ene, eie mo muami, ene a zubhe ku di bandeka mu umoxi, mbé o mundu ni u xikane kuma Eie ua ngi tumu, kuma ue ua a zola ene, kala ki ua ngi zola eme.

Nzuá 17:26

Eme nga ejidisa o dijina dié, hanji ngi dʼ ijidisa dingi, phala o henda i ua ngi zola na-iu eme, ni i kale mua ene, ni eme-muène mua ene.

Nzuá 6:56

Uoso u dia o xitu iami, hé u nua manhinga mami, muène u xala momuami, eme ue ngi xala mo-muê.

Nzuá 6:6

(Jezú uambela Filipe, kiki, ku mu tala kioso kia vutula, mukonda Muène uejiia kiá kioso kia-ndu bhanga).

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 8:10

Maji Kristu-phe se iuué moxi dienu, kia lomboloka kuila, suke o mukutu uanda kufua kidi muene mukonda dia ituxi, phala enu-phe o Nzumbi ia Nzambi uene o muenhu, mbata enu a mi lungisa kiá kua Nzambi.

I Kolindo 11:28

Kala kiki, muthu-phe a diange ku di tekula o muẋima uê moxi, nʼ a diê kiua o mbolo, nʼ a nue ku kopho.

I Kolindo 11:31

Se tuedile etuʼ ene tu di tongolola hanji, hinu ki tueji kutambula kaxtiku kua Nzambi.

I Kolindo 3:16

Ni kidi kiene, nga fika mua kʼijiia kuma enu muala mu Tembulu ia Nzambi, o Nzumbi ia Nzambi iú ua tungu moxi dienu!

I Kolindo 6:15

Kifua ki mu kʼijiia, kuma mikutu ienu idiandu ia ngene ia Kristu? O ki ngalʼ iki kifua ngi katula idiandu ia ngene ia Kristu, hé ngi i bhanga idiandu ia muhatu ua kidianzunga? Kana, ki kiene!

I Kolindo 6:19

Inga ki mu kʼ ijiia kuma o mukutu uenu tembulu ia Nzumbi Ikôla, uene moxi dienu, mua mu tambula kua Nzambi? Enu-uenu ki mua di vu, (ki mu di tokala dingi enu-uenu).

I Kolindo 6:2

Inga enu ki mua kʼ ijiia kuma athu a Nzambi hadi a kà fundisa o mundu? Se muedi kuma ene a kà fundisa o mundu, kifua tumilonga tuofele tutu mu tu tokoka?

I Kolindo 9:24

Enuʼ enu mua kʼ ijiia kuma bhu dikanga bhua di kuata o makuenze mu kulenga, ene oso a lenga muene, maji muthu umoxi ngó u tambula o kijimbuete kia kikoue. Kiene ue, enu uenu lengenu, phala mu tambule o kikoue.

I Kolindo 9:27

O mukutu uami-phe ngi u bhana jihuxi katé ki ngi u tolola, hé uenda ni kubelesela, mbé kuiengesa kuila, ku thandu dia kulonga athu o maka ma Njimbu Iambote, eme-muene hinu ngi dianguka.

II Kolindo 6:16

O kididi kia Tembulu ia Ngene ia Nzambi, ki bangana kiebhi ni iteka ia akua mundu? Kuma etu tuala tu tembulu ia Nzambi ia muenhu. Uila kiambe muène Nzambi, uixi: Eme ngiia mu kutunga, hé ngi kala-nâ kumoxi. Ngi kala ngi Nzambi iâ, ene a kala mundu uami.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

Ngalásia 6:4

Kala muthu a lole o uendelu uê, mbé o kia ta nzabala, i kale ia kibhangelu kiê-muene, sé kubhindamena kudifikisa mu uendelu ua athu engi.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Kolose 1:27

Nzambi kia mu uabhela kienhiki: O kuila mundu uê u a ejidisa o jimbongo ja kijinganu kiê, o kijinganu kiokio kia fuma ni ujitu kia bhake Nzambi phala o miji ioso mu ngongo. Kijinganu kiki: Kuila Kristu u tunga moxi dienu, o mu kubhanga kiki, ua mi dielelesa kutambula mbandu ku fuma ia Nzambi.

Kolose 2:19

Ka kuatenena dingi kua Kristu, o Mutue ió ua tokala mukutu uoso. Mukonda mu kutena kua Kristu, mukutu uoso uivua kuila ua di sokejeka kiambote, ua takana ni mu masokuelu ni mixibha, anga u kala mu kukula o ukudilu ua mesena Nzambi kuila kiene ki u kula.

Kolose 2:7

Mu ta jindanji jenu mua muéne, anga mu sabhuka mua muène, mua di sokejeka mienhu ienu mua muène, mua kolo mu kuxikana kuenu, kala kioso kia mi longo na-ku. Hé muizala ue ni ku mu sakidila jinga muène.

I Timote 2:15

Kiene ue kimoxi, muhatu hàdia ua kà bhulukila mu kuvuala ana, se u jijila kuenda mu kuxikana, ni mu henda, ni mu kukuata kilunji, ni mu kuzela moxi.

II Timote 3:8

Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.

Tito 1:13

Umbangi uenhú ua tange o musésedi uâ, ua kidi. Mukonda dia kiki, eie a bazele ni kutema, phala, a disanze mu kuxikana.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Tito 2:2

Ambela adiakimi kuma a kale ku mesu azele, a kale ajitu, a kuate kilunji, a di sanze mu kuxikana kuâ, ni mu henda, ni mu kukolokota.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Jihebeleu 6:8

O ki kala-phe ma bhana ngó minha ni holokoso, ma kuata usudi; kua kambe ngó a ma ta mazui kuala Nzambi, o hinu kua suka a ma ta mu tubhia.

Tiiaku 4:4

Mu akua jiphànda! Kifua ki mua kʼijiia kuma o ukamba ua mundu unguma kua Nzambi? Uila kiki, uoso ua mesena kukala kamba dia mundu, ua di bhange nguma ia Nzambi.

I Phetele 5:9

Kolokotenu-phe mu kuxikana, mbé mu tene kubhânga ni Diabhu, kuma mua kʼijiia kuila jiphaxʼojo jene jimoxi ni jala kubhita-naju o jiphange jenu ja xikana, jala mu ngongo.

Dijingunuinu 2:5

Xinganeka ditala di ua di bhale, u diele o ituxi ié ni kubhanga ima ia tokala mu kuandekela! Ki u kamba ku ki bhanga, hinu ngi ku sanga hé ngi ku sondolola o kandeia bhu kididi, se u kamba kudiela.