II Kolindo 12:4 - O Mikanda Ikola

⁴ O kuenioko anga u ivua ima ki i xikina ku i lombolola mu maka, ima i kola ki i xikina ku i zuela ni mizumbu ia muthu.

II Kolindo 12:4 ပူးပေါင်းရင်းမြစ်များ

Izekiiele 31:9

Ki nga mu bhange, ua uabha muene ni ndumba dia jithangu jê; o miẋi ioso ia Edene, ia kexile mu díbhia dia Nzambi, ia mu kexile ni luimbi.

Izekiiele 8:3

Anga u sunununa bheneʼobho kima kiedi kala lukuaku, ki ngi kuatela mu jindemba ja mútue; O Nzumbi ia Nzambi anga u ngi zangumuna mu dingani-dinga, hé u ngi bheka mu Jeluzaleme katé bhu muelu ua dibhitu dia lumbu lua mʼoxi, ua talela ku mbandu ia kusuku, bheneʼobho bhua tudila o kiteka kia difuba, ki bhangesa muthu ku kala ni difuba.

Luka 23:43

Jezú anga u mu ambela, uixi: Kidi ngi kuambela: Lelu muene ua kà kala ni eme ku kididi kiambote mu Palaízu ia Nzambi.

Jipoxolo 8:39

O ki a kala mu zauka mu menha, Nzumbi ia Ngana u katula-ku Felipe anga uia-nê. Ngolambole ka mu mono dingi mesu, maji uia ni kuenda njila iê ni kusanguluka.

I Kolindo 13:1

Eme né-mbe ngi zuela jimbimbi ja athu, katé ni ja ji-anju, maji ngi kamba o henda, ioso i ngi zuela, nga di bhange ngi utadi u bhana mutendu, ngi ngoma ia ngondo i ngulungunda.

II Kolindo 12:2

Ngejiia muthu, ua kexi kidistá, kua bhiti kiá kuinhi dia mivu ni iuana, muenʼiú a mu ambatele katé ku diulu dia katatu. Hé mba ua kexile mu mukutu, mba mu mukutu ua tundile-mu, ki nga kʼijiia—Nzambi ngó ua kʼijiia.

I Tesalonika 4:17

O kia kà zubha o kufukunuka, ni etu tuala ku muenhu, tua xala-ku, tua kà zangumuka kumoxi ni ene ku matuta, phala kutakana ni Ngana mu dimbinza. Kieniokio tuà kaiela-ku kiá kumoxi ni Ngana.

Dijingunuinu 12:5

Muhatu anga u vuala monʼa diiala, ió ua-nda kutumina akua jixi ni mbasá ia felu. Maji-phe o mona anga a mu zangumuna, hé a mu bheka ku diulu kua Nzambi, bhu kiandu kiê.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.