II Kolindo 11:9 - O Mikanda Ikola

⁹ O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.

II Kolindo 11:9 ပူးပေါင်းရင်းမြစ်များ

Nehemiia 5:15

Nguvulu ja dianga-phe, ja ngi diangelele eme, a kexi mu tatesa kifuxi, ni ku a tambula kúdia ni vinhu, anga ku thandu diê, a ta-ku ku futa makuinhiʼauana a xikulu ia itadi ia phalata; o minzangala iâ hanji ue a kuata kubhikisa o kifuxi; maji eme-phe ki kiene ki nga bhange, mukonda dia kuxila Nzambi.

Jipoxolo 18:3

Phaulu anga u a kana ene, mukonda ufunu uâ uene umoxi, anga u xala-nâ, hé a kala mu kalakala, kuma o ufunu uâ kutunga jibalaka.

Jipoxolo 18:5

Kia mu sange-phe Sila ni Timote, a tundu ku Masedonia, Phaulu u jijila ngo kutanga o maka. U kala mu kuambela o Jijudé kuma Jezú muène Kristu.

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

Loma 15:26

Kuma o jingeleja ja akua Masedonia ni akua Akaia kia a uabhela kubhanga mukungu ua kubhindumuna jingadiama ku mundu ua akua Ngana ala mu Jeluzaleme.

I Kolindo 16:17

Nga sanguluka kia ngi sange Setefano ni Fortunato, ni Akaiuko, kuma ene mukonda dienu-enu mua kambe-bhu, kioso kia ngi kambele ku mbandu ienu, a ngi zubhila-kiu.

II Kolindo 6:4

Inda-phe tu idikiza mu ima ioso kuila tuala tu jingunza ja Nzambi, mu ʼkolokota kiavulu ni muanu uoso mu jihadi, mu makubhindama ni mu jiphaxi.

II Kolindo 9:12

Kuma o kiki ki muala kubhangʼiki, ki ki bhandulula ngó o mundu ua Nzambi ua bhindama, maji ki bhekela ene kuximana kiavulu Nzambi.

Filipe 2:25

Nga ki mono-phe kuila kia bhingi ngi tuma ue Epafrodito kueniʼoko, phangʼ iami, mukalakadi, disoladi ni mukuetu mu ita, oko muène mukunji uenu mua mu tumine o ku ngi bhindumuna.

I Tesalonika 2:6

Kiluua tu sota fuma ia ku tu ximana kuala athu, né ko kuenu enu, né ku athu engi. Sumbala se tuambele ku ki bhanga, tuejù tena ku mi nemena ue, kuma tu jipoxolo ja Kristu.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

Jihebeleu 11:37

Amukuâ a a buba ni matadi, amukuâ a a sesa mu ʼaxaxe, o amukuâ a a jibha ni xibhata. A nhunga mbandu ni mbandu, a zakela ibha ia jimbudi ni ia jihombo, a bhindama, a a zukutisa ni ku a bhana malebhu.