II Kolindo 11:7 - O Mikanda Ikola

⁷ Kioso ki nga mi tudila o Njimbu Iambote ia Nzambi, nga ki bhange sé ku ngi futa. Nga di tolesa eme-muène, phala ku mi zangeleka enu. Manhi kituxi ki nga te?

II Kolindo 11:7 ပူးပေါင်းရင်းမြစ်များ

Jipoxolo 20:33

Kana muthu nga mu kuatela luimbi lua phalata iê, mba ulu, mba izuatu.

Jipoxolo 20:34

Enʼuenu mua kʼijiia kuma o maku ami iá, ene a ngi bhandulula mu ioso i tua bhindamene na-iu, ni eme ni akuetu u nga di nhengene-nâ.

Loma 1:1

Eme Phaulu, nga soneka o mukanda iú—eme ngi selevende ia jezú Kristu, a ngʼ ixana kuala Nzambi kukala Poxolo, ià a ngi lumbila kutula o Njimbu Iambote.

I Kolindo 9:12

Se ku kala akuetu ala ni ukota uenʼiú ua kukinga o ima iambote kokuenu, etu kifua ki tu beta kota? Sumbala-phe ukota uenʼ iú etu na-u, maji ki tu solo ku ki bhanga. Inda ima ioso tua soko na-iu, mbebhu o Njimbu Iambote ia Kristu kana ku i fudisa.

I Kolindo 9:6

Inga eme-muene ngó ni Barnabé, ki tu tena kufula kukalakalela o huta ietu?

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 10:16

Katé tua kà bheka Njimbu Iambote ku jixi jengi, katu-ku koko ku mua tungu enu. Mu kubhanga kiki, ki ki kale kala tua mu ta thathe mu kikalakalu kia bhange athu engi.

II Kolindo 12:13

Kima kiahi kia mi bhangesa ku kala ndenge ku jingeleja ja mukuá? Hé kima, mukonda eme muène nga kambe ku mi nemena mu ku mi bhinga dikuatekesu.

II Kolindo 2:12

Kioso ki nga bhixidile-phe mu mbonge ia Tolouade mu ku kola o Njimbu Iambote ia Kristu, nga muene kuila Ngana ua ngi jikuila njila phala kubhanga-bhu o kikalakalu.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

II Tesalonika 3:8

Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.