II Kolindo 11:6 - O Mikanda Ikola

⁶ Né mbe ngi kala ngi ṗhoxi mu kuzuela, ki ngi kambe kuijiia, kana. Enu-enu tua mʼidikiza-kiu kiambote mu ima ioso.

II Kolindo 11:6 ပူးပေါင်းရင်းမြစ်များ

I Kolindo 1:17

Kuma Kristu ka ngi tumikisa mu kubatizala. Maji muène ua ngi tumu kukola o Njimbu iê Iambote, kana ku i kola ni kuzuela kua unjimu ua athu, mbebhu o dikulusu dia Kristu phala ki di biluke dia ngoho.

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 12:8

Kuma sai iú a mu bhana kuala Nzumbi Ikôla, hundu ia kutongolola; sai iú a mu bhana hundu ia kuijiia, maji ienda ni Nzumbi iene imoxi.

I Kolindo 2:13

Iene kiá o ima i tuene mú tanga, kana ni maka ma longesa o unjimu ua muthu, maji ni maka ma tu longesa o Nzumbi ia Nzambi. Kienʼ iki ima ia kidi ia tokala o nzumbi tu i lombolola ni maka ma nzumbi, kua ió ala mu nzumbi.

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 12:12

Kidi kiene, o ima iedikiza o upoxolo uami, iokalakale mu ʼaxaxe kenu ni muanu uoso. Ijimbuete ia isumua ni madiuanu, ni jinguzu javulu.

II Kolindo 4:2

Imbamba ioso-phe ia kubhanga ni kusueka ni ioio ia jisonhi, tua i dila hunji. Ki tu bhange kudimuka, o maka ma Nzambi ki tu a lungulule mu mangonha. Inda tu bhanga jinga ima ia fuama o kidi, kiene kia bhekela o ku tu tumbula kuala enhoso, bhu pholo ia Nzambi.

II Kolindo 5:11

Ki tualʼiki, tuejiia kioso ki kala o uôma ua Ngana, kienhiki athu tu sota ku a ejidisa o kidi. Maji o Nzambi ua tu ijiia muene kiambote, tamanu enu ue mu tu ijiia muene kiambote mu miẋima ienu.

II Kolindo 6:6

O mu kuzela kuetu, ni kuijiia, ni mu kuxididika, ni mu kulenduka kuetu ku tuala na-ku, tu edikiza kuma tuala tu jingunza ja Nzambi. Imʼiii tua idikizila mua Nzumbi Ikôla, ni mu henda ietu ia kambe ku di bhangesa,

II Kolindo 7:2

Iudikenu kididi phala etu mu miẋima ienu. Kana-ku muthu tua mu bhange phulu, kana-ku muthu tua mu di mangonha, kana-ku muthu tua sota ku mu bhanga kudimuka.

Efezo 3:4

se mu tu tanga kiambote muanda kuijiia kuma o kikutu kia Kristu eme kia ngi jimbulukila).