II Kolindo 10:7 - O Mikanda Ikola

⁷ Enu o ima mu i kaiela ngó o kidifua kia pholo. Muthu-phe se ua di fiiala ku kala mukua Kristu, a xinganeke ngó kienʼiki, kuma kioso kia soko muène ku kala mua Kristu, etu uetu kiene.

II Kolindo 10:7 ပူးပေါင်းရင်းမြစ်များ

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Nzuá 7:24

Kana kubatula jinga maka kala ki mua fika, inda mu batula mu kidi.

I Kolindo 1:12

Nga ki ambela mukonda kala muthu mudienu ua mu zuela ni kiê. Sai-ku ni iú, uixi: Eme ngi mukua Phaulu; o iú uixi: Eme ngi mukua Apolo; o iú uixi: Eme ngi mukua Phetele; o iú uixi: Eme ngi mukua Kristu.

I Kolindo 14:37

Se bhuala muthu ua di fika kukala mukunji ua Nzambi mba uala ni uhete ua nzumbi, a tume ku kʼ iijiia kuma ima i nga mi sonekenʼ iii, ijila iene Nzambi.

I Kolindo 15:23

Maji ene oso mu umoxi-umoxi: Kristu muene ua diangela kua ene oso, hé kukaiela oso akua Kristu, muène hinu kià kèza.

I Kolindo 3:23

Enu mu athu a ngene a Kristu, o Kristu muthu ua ngene ua Nzambi.

I Kolindo 9:1

Manhi eme ki ngi di vu? Ki ngala ngi Poxolo? Ngana ietu Jezú, manhi ki ngi mu mono mesu? Manhi enuʼ enu ki mu ibundu ia kikalakalu kiami mua Kristu?

II Kolindo 10:1

Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 11:18

Kuma sai avulu a di fiiala mu ima ia xitu, eme uami ngi di fiiala.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 11:4

Mbata enu mu tambulula ni ngalasa ioso muthu uoso-uoso u mi sanga, hé u kola Jezú iengi, ki muène Jezú tua mu kola etu. Anga mu xikana nzumbi iengi, mba njimbu iengi ki iene ia Nzumbi ia Nzambi i mua tambuile ko kuetu-etu!

II Kolindo 12:11

Eme nga zuela kala ngi semenhi, enu-enu-phe mua ngi bhinjika o ku ki bhanga. Nga fuamene enu mu ngi ximana. Kuma jipoxolo jojo ja tundu akuʼâ, ki ja ngi tundu ni kima, sumbala ki ngi kima.

II Kolindo 13:3

Kienioko enu mua kà kala ni polova i muandala, kuila Kristu muène ua mu zuelela momuami. Muène-phe kia mi zuelela kène ni kubhuila, maji uidikiza kusuina kuê muʼaxaxi kenu.

II Kolindo 5:12

Ki tua kuata dingi ku di ximana etu-ene ku mesu enu. Maji tua ki zuelela o ku mi bhana enu kia ku di thâthela ngó o ukembu ua pholo, kana ua muẋima.

Ngalásia 3:29

O ki kala enu oso mua tokala Kristu, muala mu mbutu ia Mbalahamu; mu ibinganu ia polomesa ia bhele Nzambi kua Mbalahamu.

I Nzuá 4:6

Maji etu-phe tua tokala Nzambi. Uoso uejiia Nzambi, u tu ivua; maji uoso ka tokala Nzambi, ka xikina ku tu ivua. Mu kiki, bhene bhu tu ijidila o Nzumbi ia kidi ni nzumbi ia makutu i bhekela kutexika.

I Samuuele 16:7

Jihova-phe u ambela Samuuele, uixi: Kana kutala o pholo iê, mba o kitala kiê kialebha, mukonda eme nga mu ditunu. Kuma Jihova kene kutala kala ki tala o muthu; mbata o muthu u tala kidifua kia kanga, Jihova-phe u tala ku muẋma.