II Kolindo 10:4 - O Mikanda Ikola

⁴ O mata metu ma ita ki ma tokala mu ngongʼumu, maji mata ma nguzu ni kutena kua Nzambi ma tena kubula o imbaka. Tu lundumuna ikutu ia makutu,

II Kolindo 10:4 ပူးပေါင်းရင်းမြစ်များ

Jisálamu 110:2

Jihova u ku tumikisa o mbasá ié ia nguzu tunde mu Ziione, uixi: Enda ni kutumina o jinguma jé.

Izaía 30:25

O ku milundu ioso ia di-leka ni ku tu-thuthulûndu tuoso tua zanguka, kua kà fuáfua jihonga ni jihungulule ja menha, bhu kizuua kia kihaxi kionéne, kioso kia-nda kulundumuka jimbonge ja matala.

Jelemiia 1:10

Iala! lelu dienhidi, ngala ku ku imika ku thandu dia akua-jixi, ni ku thandu dia mautuminu, phala u thathumune, u lundumune, u buikise, ni u bhange jingundu; luamukuá ue, phala u tungise u kunise.

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Jipoxolo 7:22

Kieniokio Mozé anga a mu longa unjimu uoso ua akua Ijitu, anga u kala mesene mu ima ioso ia zuela, ia bhanga.

Loma 13:12

O usuku iú batuka, kua kambe ngó kuma kukia. Kala kiki, tu ehiʼenu kubhanga o imbamba ia usuku. Tu maneke o mata ma kulua-nâ mu muanha.

Loma 6:13

Ni idiandu ienu kana ku i bhakula ku ituxi kala falamenda ia kubhanga kima kioso-kioso kiaiibha. Maji-phe di bhakudienu kua Nzambi, kala mu athu mua fuile kiá, maji mua tambula dingi muenhu, ni idiandu ienu bhakuilenu-iu Nzambi i kale falamenda ia kubhanga ima ia kuiuka.

I Kolindo 2:5

Kala kiki, o kuxikana kuenu ku muala na-ku, ki ku imanena mu unjimu ua athu, maji mu nguzu ia Nzambi.

I Kolindo 9:7

Dikuenze kuẋi ki aia ku ita, muene u sota o huta iê? Mba nanhi u phapha dibhia dia ji-uva nʼ a kambe kudia ku idima iê? Mba nanhi u bhila kilunga nʼ a kambe kutambula ku lete i bhana o kilunga?

II Kolindo 10:8

Eme ki ngala ni jisonhi, né mbe ngi ta thathe ia kijingu kietu kia tu bhana Ngana. O kijingu kiki, kia ku mi kudisa enu mu nzumbi, ki kia ku mi muanga, kana.

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Kolindo 3:5

Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

II Kolindo 6:7

ni mu maka ma kidi, ni mu nguzu ia Nzambi. Mu kumaneka tuala ni ivunga ietu ia kubatula mu kidi, kuene mu batula Nzambi, iene ia kuama na-iu o nguma ni kudibhangela.

I Tesalonika 5:8

Etu-phe tua tokala ku muanha, tu kadienu ku mesu azele. O kivunga-thulu kia ita ki tu zuata, o kuxikana ni henda; o kudielela o kubhuluka, kene o kapasete.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

II Timote 2:3

Kolokota o kutala hadi kumoxi ni eme-muène, kala u dikuenze diambote dia Kristu jezú.

Jihebeleu 11:30

Kiejila mu kuxikana, kia lundumuka o imbaka ia Jedikó, anʼa Izalaiela kia zubha o ku i kondoloka mu sambuadi dia kizuua.

Josuué 6:20

Kala kiki, kifuẋi a kola, jinganga ja xiki jimbungu. Bhenhobho o kifuẋi kioso kievu jimbungu ja bhana dízui, ene uâ a dikola ni dízui diasuina, lumbu anga lu lundumuka, lu zeka muene bhoxi, o mundu anga enda ni kubokona, muthu ni muthu bhuoso bhua lulamena, mbonge, ia di bhange ia ene, kuma a i tambula.