II Kolindo 10:2 - O Mikanda Ikola

² hinu se ngiia kuemʼoko, ki mu ngi bhangese kuẋinuka. Mukonda amoxi-mu a mu fika kuma o uendelu uetu ua ku kaiela ima ia xitu.

II Kolindo 10:2 ပူးပေါင်းရင်းမြစ်များ

Loma 8:1

Kiki kiá kana-ku dingi kuêla kua ió ala mua Kristu Jezú.

Loma 8:4

Nzambi ua bhange kiki phala kioso kia iuka kia xindi o Kitumu, tu ki kumbidile etu oso tua kambe kukaiela o xitu mu kuenda kuetu, maji tua kaiela o Nzumbi ia Nzambi.

Loma 8:5

Kuma oso a tokala ku xitu, a suua imbamba ia xitu, mukonda o ilunji iâ a mu i tumina ku kikexilu kieneʼ okio. Maji oso-phe a tokala ku Nzumbi, a suua imbamba ia Nzumbi, kuma o ilunji iâ a mu i tumina kuala o Nzumbi ia Nzambi.

II Kolindo 1:17

O ki ngambele kubhanga kiki kifua ngedikiza kulungujuka mba ima i ngi kana ku bhanga kifua ngi i kanena mu xitu, phale ngi kale ngi mukua kuila, hinu kiene kiene, hinu kana kana?

II Kolindo 11:21

Nga mu ki zuela muene ni jisonhi javulu, mukonda dia kukamba o kusuina. Maji-phe se sai muthu u di fiiala kima kioso-kioso—nga mu zuelà kala ngi semenhi—eme uami ngi di fiiala-kiu.

II Kolindo 13:10

Mukonda dia kiki kiene ki nga mi sonekena imʼiii kiosuʼiki eme ngala kuengi, phala hinu ki ngi mi sanga ki ngi mi temene mu kijingu kia ngi bhana Ngana. Kuma kijungu kia ngi bhana kia kutunga, ki kia ku muanga, kana.

II Kolindo 13:2

Nga mesena ku mi tangela enu mua diangele kuta ituxi, ni oso dingi amukuá. Ki nga kexile kuenioko lua kaiadi nga mi tangelele-kiu kiá, ni kiki ki ngala kuengi, ngi tona dingi ku mi tangela kuila hinu ki ngi mi sanga, ki ngi mi fikisila dingi, kana.