II Kolindo 10:1 - O Mikanda Ikola

¹ Kiki eme muène, ngi Phaulu, ngene mu kuila ngixi ngi mulenduki, ngi mutululuki ki ngi kala bhu mbandu ienu, maji ngi muẋinuki ki ngi kala dikanga, nga mi bhingi phe kiki: Nga mi bhingi mu kulenduka ni henda ia Kristu, kuila,

II Kolindo 10:1 ပူးပေါင်းရင်းမြစ်များ

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Matesu 11:29

Di tuikienu jungu iami, mu di longe ko kuami; mbata eme nga belesela, nga batama muẋima, nda mu mone kutululuka kua jinzumbi jenu.

Matesu 21:5

Monʼa Ziione, mu tangele, Sobha ié iu uiza, kindala u ku sanga; Ua belesela, uendela ku búlu, Monde iê seseme ia bûlu.

Jipoxolo 8:32

O kibatu kia maka mu Mikanda ia Ngana muala kutanga Ngolambole, kiambe kiki: Muène a mu sunga kala mbudi i ambatela kuia bhu dijibhilu, ua di xibha mukuâ ni monʼa mbudi ku ió a mu bhuta o kindemba kiê. Mu kienʼiki, uedi ni muène hudi, ka jikula ngó dikanu diê.

Loma 10:20

Izaia-phe u zuela sé uôma, uixi: Nzambi a mu sange kuala athu kà kexi ku mu sota, ua tukulukila kua ió kà kexi ku mu ibhula.

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 15:15

Mu ku mi sonekena-phe o mukanda iú, bhuala ni bhabha ngedi kala nga-bhu uôma mu ku mi ambela makʼ amoxi-mu, u nga mesena o ku mi lembalesa. Nga-bhu uôma mukonda dia kiadi kia ngi bhana Nzambi,

I Kolindo 2:3

Kienhokio, ki ngele ku mi kunda, anga ngi kala mu ʼaxaxe kenu, nga kexi ni nduezu, hé ngi kala mu kuteketa ni uôma uavulu.

I Kolindo 4:10

Etu tuala tu ioua, mukonda dia Kristu, enu-phe mua Kristu mu jinjimu! Etu tua bhuila, enu mua suina; etu tu tambula malebhu, enu mu tambula o fuma.

I Kolindo 4:21

Enu-phe mua mesena kiebhi? Ngi mi sanga ni muxi ua kubeta, inga ngi mi sanga ni muẋima uezala ni henda ni uthu ua mbote?

II Kolindo 10:10

Iâ amba exi: O mikanda ia Phaulu ia neme, ia nguzu. Maji o kia kala ni etu mukua uôma, o maka mé ma kuata usudi.

II Kolindo 10:2

hinu se ngiia kuemʼoko, ki mu ngi bhangese kuẋinuka. Mukonda amoxi-mu a mu fika kuma o uendelu uetu ua ku kaiela ima ia xitu.

II Kolindo 10:7

Enu o ima mu i kaiela ngó o kidifua kia pholo. Muthu-phe se ua di fiiala ku kala mukua Kristu, a xinganeke ngó kienʼiki, kuma kioso kia soko muène ku kala mua Kristu, etu uetu kiene.

II Kolindo 11:21

Nga mu ki zuela muene ni jisonhi javulu, mukonda dia kukamba o kusuina. Maji-phe se sai muthu u di fiiala kima kioso-kioso—nga mu zuelà kala ngi semenhi—eme uami ngi di fiiala-kiu.

II Kolindo 11:30

Se kua bhingi ngi di fiiala, ngi di fiiala o kubhuila kuami.

II Kolindo 12:5

Mukonda dia muthu muenʼiú, eme ngi di hanza muene. Maji ki ngi di hanze mukonda diami eme-muene, ki kale ngi di fiiala ngó o kubhuila kuami.

II Kolindo 3:12

Mukonda-phe dia kukala ni kudielela kala kiki, kiene ki tua bhuila o uôma.

II Kolindo 5:20

Kala kiki, tua mu zuela bhabha mu dijina dia Kristu, kala muene Nzambi uala ku mi ambela mu makanu etu, kuila: Mu dijina dia Kristu, ehelenu Nzambi a mi bilule mu tunde mu kukala mu jinguma jê, a mi bhange mu makamba mê.

II Kolindo 6:1

Uila kiki, ki tuedi tu akuenu mu kikalakalu kia Nzambi, tua mi bhingi kiki: O kiadi kia Nzambi, ki mua tambula kiá, ki mu ki ehele dingi ku di bota.

II Kolindo 7:4

Nga mi dielela kinéne, kienhiki ngi di thatha kiavulu mukonda dienu. Mu axaxi ka hadi ietu ioso, hanji ngezala ni kusuina, nga xamujuka ni ngalasa.

Ngalásia 4:13

Maji mua kʼ ijiia kuma uhaxi ua xitu ua ngi bhekele, o thembu i nga diangele ku mi bokela o Njimbu Iambote?

Ngalásia 5:2

Talesenu! Eme, Phaulu, nga mi ambela kuma, se mua toloka phala ku mi saia, Kristu-phe ka mi bhandulula ni kima.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Efezo 4:1

Uila kiki, eme ngi hutile, a ngi kutu mukonda dia kubhiẋila Ngana, nga mi diondo mu enda kioso kia fuama mu kixanuʼokio kia mʼixana na-kiu Nzambi.

Filipe 4:5

Kalenu mu athu mua tetuluka, athu oso a mʼ ijiie na-kiu. Ngana ua zukama.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

II Tesalonika 3:17

Umenekenu uami eme ngi Phaulu, nga u soneka ni lukuaku luami muene, kiene o kijimbuete mu mikanda iami ioso. Kiene ki nga mu di sonekʼokio.

Filemone 1:19

Eme Phaulu nga ki soneka ni lukuaku luami muene, kuila: Hinu ngi ki futa. Oko ki ngi bhindamena-phe ku ku lembalesa kuila eie-muène o muenhu ué ua u di dikongo ko kuami.

Filemone 1:9

Inda-phe ngi ku dionda, mukonda dia henda ié i nga ku kuatela, maji ngandala ngó ku ku bhinga kima kimoxi. Sumbala ngala ngi Phaulu dia muthu Uokulu kiá, ngunza ia Kristu Jezú, hutile iê.

I Phetele 2:11

Enu akuetu, phange jami, nga mi diondo, mu asonhi, mu jingenji mua tundu mu ixi ienu enu muala ku jixi jengi, kulenga jinga jihânji ja xitu ji lua ita ni muenhu ua muthu.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.