II Kolindo 1:9 - O Mikanda Ikola

⁹ Etu-ene moxi dietu tua tambuile kiá lubhe lua kalunga kala athu a xikamena o ku a jibha. Maji kia tu bhiti kienʼ iki, phala ki tu di fiiale etu-ene, maji tu di fiiale Nzambi, u tena kufukununa o madifundu.

II Kolindo 1:9 ပူးပေါင်းရင်းမြစ်များ

Jobe 40:14

Bheneʼobho-phe kiá, eme ue ngi ki tanga ku mbandu ié kuila o lukuaku lué-eie lua kadilu, lu ku bhana kikóue kia kutolola.

Jisálamu 22:29

Ni iá anete mu ngongo, a kà dia anga a bheza; ni ió oso a tunuka kiá mu mavu, a kà diunda bhu pholo iê, katé ni ió kua mu kambe ngó kuzubha, nʼeha muenhu uê.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Jisabhu 28:26

Muthu uoso ua dielela o muẋima uê-muène, kiôua; muthu uoso-phe uenda ni masunga, ka sukamena.

Izaía 38:10

Eme ngambele, kia ngi-bhu o izuua, ngixi: Nga lungu bhu mielu ia mbila; o mivu ia ngi xedi-ku nga i lémbua kiá.

Izekiiele 33:13

Kioso eme ki nga-nda kuila o muthu ua iuka, ngixi, ni kidi muene eie u kola o muenhu, o muene, mu kudielela kiabhu o kuiuka kuê, anga u ta kituxi, o makuiuka mê moso ma bhanga jinga, ki bhua-nda kukala dingi ku ma banza, maji mu kikuma kiê, kia bhange lelu, muene mua-nda kufuila.

Luka 18:9

Jezú anga u ta dingi o kifikʼiki, kiatokala amoxi a di fiiala o kuiuka, kuma ene abhangi-a-mbote, anga a tènda akuâ, uixi:

Loma 8:36

Kala kia ki soneka mu Mikanda Ikôla, exi: Mukonda diê Eie tuala bhu kibhidi kia kalunga kumbi dioso dia kambamba. A tu kita tu jimbudi jiia bhu matadolo.

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,

II Kolindo 1:8

Kuma ki tua mi mesena, jiphange, kuila mu kamba kuijiia o hadi ioso i tua tale mu Azia. Kuma o hadi i tua bhiti na-iu ia tu xinine koko, ia vudile kinéne, ni kinemenu kiê kia vudile ue, katé ki tua di fikile dingi kuila tu tunda-ku ni kukola muenhu.

II Kolindo 3:5

Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.