II Kolindo 1:8 - O Mikanda Ikola

⁸ Kuma ki tua mi mesena, jiphange, kuila mu kamba kuijiia o hadi ioso i tua tale mu Azia. Kuma o hadi i tua bhiti na-iu ia tu xinine koko, ia vudile kinéne, ni kinemenu kiê kia vudile ue, katé ki tua di fikile dingi kuila tu tunda-ku ni kukola muenhu.

II Kolindo 1:8 ပူးပေါင်းရင်းမြစ်များ

Jipoxolo 16:6

Ene anga a bhita mʼ oxi ia Filija, ni mu Ngalata, Nzumbi Ikôla anga u a kidika kulonga maka mu Ázia.

Jipoxolo 19:41

O kia zubha muene kuzuela kiki, iú ua muanganesa o mundu.

Jipoxolo 2:9

Sumbala etu oso tueza, tuedi ni akua Partiia, ni akua Mediia, ni akua Elame, ni iá a tungu mu Mezopotamiia, mu Judeia ni mu Kapadósia, mu Pontu ni mu Azia,

Loma 1:13

Enu phange jami, nga mesena mu kʼ ijiia kuma luavulu kiá nga solele kuia ku mi kunda ku mualʼ oko, maji katé ni kiki sai kia mu ngi fudisa jinga. Kuma nga mesena kuila kikalakalu kiami ki kale ni ibundu mu ʼaxaxe kenu, kala ki nga mono mu ʼaxaxe ka ió ki Jijudé, o akua jixi jamukuâ.

I Kolindo 15:32

Mukonda eme kunu ku Efezu nga bhange mvunda, mukuá ni muthu ulua ni iama ia mukau. O kiki-phe se nga ki bhange ngó mukonda dia ima ia xitu, ngiia-phe kima kiahi ki nga nganhala-ku? Se ni kidi kiene o madifundu ka fukunuka, tu bhangienu kala ki ambe o Sabhu, kuila: Tu dienu-tu, tu nuenu-tu, o mungu tu kane kufua.

I Kolindo 16:9

Kuma kunu nga sange-ku kua ngi jikukila muelu ua dikota, ua nguzu ua kubhanga kikalakalu kiambote, suke o jinguma ue ja vulu-ku.

I Kolindo 4:8

Enu ioso i mua bhindamena, muala na-iu kiá! Muala kiá mu jimvuama! Mua tambula kiá ungana, etu-phe kana! Tamanu mua kexile mu jisobha mu kidi kiene, mbé etu uetu ni tu kale ku ungana mu kutumina kumoxi ni enu.

II Kolindo 1:9

Etu-ene moxi dietu tua tambuile kiá lubhe lua kalunga kala athu a xikamena o ku a jibha. Maji kia tu bhiti kienʼ iki, phala ki tu di fiiale etu-ene, maji tu di fiiale Nzambi, u tena kufukununa o madifundu.

II Kolindo 6:9

kala tu athu ka tu ijiia, manhi a tu ijiia muene kiambote ku athu oso; kala tu athu tua-fu, maji kala ki mua ki mono, etu-etu-ú ni muenhu. Bhu kala ni bhabha a tu bunda ni kibetu, maji ki tu fu.

I Samuuele 20:3

Davidi anga u ta-ku kuloka, uixi: Tatʼenu ua kʼijiia kiambote kuma eme nga sange ngalasa ku mesu mé; iú uambe uixi: Jonata ka kʼijiie kienhiki, imoxi ki mu bhekela dilamba. Kia kidi kiene-phe, ngi loka muene kuila: Kala kiala Jihova ku muenhu, kala ué kiala o muenhu ué eʼmuene moxi, eme kiene ki ngalʼiki, dikanda dimoxi ngó dia ngi xala-ku ni kuia mu alunga.

I Samuuele 27:1

Davidi anga u amba ku muẋima uê, uixi: Hinu bhu kala kizuua ngi buila ku lukuaku lua Saúlo. Ki ngalʼiki kota ngi lengela kʼoxi ia akua Fidíxia; koko-phe Saúlo-phe u ngi lémbua kiá, ka kala dingi mu ku ngi sota mu jimbámbe ja Izalaiele, o miẋima uê ki u dielela dingi ku ngi kuata; kiene ngó ki ngi ẋangumuka bhu lukuaku luê.