II Kolindo 1:7 - O Mikanda Ikola

⁷ Mu kienʼ iki, ni kudielela kuetu ku tua mi kala na-ku, kua di fikidila kiambote. Kuma tua kʼ ijiia kuila o ki mua nomona ku jiphaxi jetu, mua nomona ue ku dikuatekesu dioso di bhana Nzambi.

II Kolindo 1:7 ပူးပေါင်းရင်းမြစ်များ

Matesu 23:30

muixi: Se tua kexile-ku, mu izuua ia jitata jetu, hinu ki tuejile ku di bhaka-nâ kumoxi mu kuzunza o manhinga ma misèsedi.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

II Kolindo 1:14

mu ima ioio kindalʼiki i muejiia ngó mbandu, phala o mu kizuua kia Ngana ietu Jezú Kristu mu zangalale mukonda dietu, uila etu mukonda dienu.

II Kolindo 12:20

Kuma ngala ni héle, sumba ku matelu-matelu, hinu ki ngi mi sanga, ki mu kala uila ki nga mi mesena kukala, eme uami ki ngi kala uila ki mua ngi mesena kukala. Ngala ue ni hele, sumba ku matelu-matelu hinu nga kà sanga jimvunda ni madixinga, kizembu ni luimbi, makulokalala, kutangelela, ukumbu, ni jikavuanza.

II Kolindo 7:9

Maji kiki-phe nga sanguluka, kana mukonda mua kuatele mukondo, mukonda dia mukanda uami, maji mukonda o mukondo uenhó ua mi bhekela kudiela. Kuma o mukondo u mua kuatele, ua u uzala phala enu ki mu tunuke ni kima mukonda dietu etu.

II Timote 2:12

Se tua jiji ni kukolokota mu hadi, tua kà hinga-nê kumoxi o ungana. Se etu tua mu ditunu, Muene ue ua kà tu dituna.

II Timote 3:11

Eie uejiia kiambote ioso ia ngi bhitile mu Andiokia, ni mu Ikonio, ni ku Listra; jihadi jahi ngó ji nga talele! Maji mu ima ioso-phe Ngana ua ngi kudila-mu.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.