II Kolindo 1:11 - O Mikanda Ikola

¹¹ kiosuʼ iki-phe ni enu uenu mua mu tu kuatekesa ni kusamba kuenu. Kienʼ iki o mu kubhinga kua mu tu bhingila athu avulu, ki bhekele ue kuila athu dingi avulu anda kusakidila Nzambi mukonda dia mabesá Muène a-nda ku tu bhana.

II Kolindo 1:11 ပူးပေါင်းရင်းမြစ်များ

Filipe 1:19

Kuma nga kʼ ijiia kuila muene muoso mu ngʼ ijila o kujituka, kixi mu kubhinga kuenu ku mualù ngi bhingila, kixi mu kukudila kua Nzumbi ia Jezú Kristu.

II Kolindo 4:15

Kuma ima iene ioso iii ia bhitila mukonda dienu. Mu kienhiki o kiadi kia Nzambi ki kale mu kusambuka dingi ku athu avulu, o athu enhá na kale mu vudisa dingi o misambu ia kusakidila, mu kufumanesa Nzambi.

Jipoxolo 12:5

Kienʼiki Phetele a mu jikila mu ʼaleia, ni ku mu langa ku masoladi. Maji o Ngeleja-phe a mu sambela kua Ngana ni kujiza.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

Jihebeleu 13:18

Kolokotenu ni ku tu sambela. Kuma tua di fika kukala ni kitongoluelu kia zele, mbata tua mesena kubhanga mu kidi o ima ioso.

Filemone 1:22

Kiosuʼiki-phe ngi iudikile kizalu, kuma nga fika Nzambi mù kuivua o kusamba kuenu nganda kujituka, phala ni ngi mi sange koko.

II Tesalonika 3:1

O kia xala-ku, enu jiphange, tu sambedienu, phala o maka ma Ngana ma sambuke lusolo, ma fumane, kala ki kia bhiti ku mualʼoko.

I Tesalonika 5:25

Phange jetu, tu sambedienu ue etu.

II Kolindo 9:14

Uila kiki, ene uâ mu ku mi sambela a kà ki bhanga ni huii iavulu, mukonda dia henda ionéne ia Nzambi iene ku mi kuatela enu.

Izaía 37:4

Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.