III Nzuá 1:6 - O Mikanda Ikola

⁶ Asonhi enʼ ió, ene muène ene ku ku bhela umbangi ua henda ié bhu pholo ia Ngeleja kunu. Ki uabha ue o ku a kuatekesa ku njila iâ, kala kia fuama o muthu ua Nzambi, nga ku diondo.

III Nzuá 1:6 ပူးပေါင်းရင်းမြစ်များ

Dimatekenu 4:7

Se u bhanga kia-mbote, manhi ka ku ẋikina? Ki uila-phe u bhanga kiaiibha, kituxi kia ku batamena bhu muelu; kia ku hamena muene, maji eie ua tokala u ki tumina.

Jona 4:4

Ngana anga u mu kumbulula, uixi: Kifua eie uà lungu, kukala ni njinda?

Jipoxolo 15:29

Kana kudia xitu ia iama iojibhe phala ku i satela iteka. Kana kudia manhinga moso-moso, mba xitu ia kiama kiokuenhe. Ki mu bhange ue undumbu. Ima ieniʼii se enu muenda ni ku i lenga, mua bhange kiambote Tua mi menekena! Mahezu.

Jipoxolo 15:3

Ene-phe kia a xinjikila kuala o Ngeleja ia Andiioka, a bhita mu Fenixa, ni mu Samádia, ni kukunda kioso kia biluka o matumbu, kua Nzambi, anga ki bhekela jiphange kusanguluka kiavulu.

Jipoxolo 21:5

Maji o ki tua zubha kubhanga izuuʼ oio, tua katuka dingi o njila ietu. Ene oso ni ahatuʼ â, ni anʼ â, hé a tunda mu mbonge mu ku tu xinjikila, anga tu fukama-nâ ku ndundu, anga tu samba, tu di xalesa.

Loma 15:24

nga kinga ku ki bhanga kiá kindala. Kioso ki ngenda njila iami ia kuia ku Xipânha, nga mesena ngi mi mona mu kubhita, enu ue phala mu ngi xinjikile mu kuia koko, ki ngi mona kuila o vondadi ia ngi sosoloka kiá ia ku di mona ni enu.

II Kolindo 1:16

Mukonda ngambele ku mi somboka mu kuia ku Masedonia, ni ku mi sanga dingi mu kuvutuka ku Masedonia, phala mu ngi xinjikile njila iami ia kuia ku Judeia.

Filipe 4:14

Maji-phe, enu ue mua bhange kiambote, kuma muala mu kisangela ni eme mu jihadi jami.

Kolose 1:10

Phala mu kale mù kuenda kioso kiandala Ngana, ni kubhanga jinga ioso ia mu uabhela kiambote muène. Muandù kuima ibundu mu ikalakalu iambote, hé muenda ni kukula mu kuijiia kua Nzambi.

I Tesalonika 2:12

Mbebhu enu phala muende kioso kia fuama kuuabhela Nzambi ua mʼixana kuzuama ku Utuminu uê ni ku fuma iê.

Tito 3:13

Ngambi ia maka, na Zena, ni Apolo, a xinjikile ni muanu ku njila iâ, mbé ki bhu kale kima kia a kamba.

I Phetele 2:20

A ki ximana kiebhi, se mua bhange kiaiibha, nʼa mi bhana jihuxi, anga mu xididika? O ki kala-phe mua bhange kiambote, anga mu tala hadi, anga mu xididika, kienhiki, Nzambi u mi bhela-kiu dibesá.

III Nzuá 1:12

Demétrio, athu oso ata ku mu zuela kiambote; oso muène ata jimbangi jê, o kidi kiene ue, ki ata mbangi iê. Etu uetu tua mu mu zuela kiambote, kuma tuala tu jimbangi jê, eie-muène ua kʼijiia kuma o umbangi uetu ua kidi.