III Nzuá 1:11 - O Mikanda Ikola

¹¹ Kamba diami, mukuetu, kana kufikisa phulu, inda o kufikisa mbote. Uoso u bhanga mbote, muène mukua Nzambi; o uoso u bhanga phulu, ió kala kumona Nzambi.

III Nzuá 1:11 ပူးပေါင်းရင်းမြစ်များ

Jisálamu 34:14

Ku phulu, tunde-ku, u bhange o mbote; sota o paze, ni ku i jijila.

Jisálamu 37:27

Ku ituxi tunde-ku, u bhange o mbote; u tunge kididi ni ku mululu ni ku mulaula.

Makatukilu 23:2

Kana kukaiela kizulututu kia mundu, mu bhanga kima kiaiibha; né mu kufúnda, kana ku kaiela o mundu a mesena kudiodia mulonga.

Jisabhu 12:11

Uoso u dima o mukáu uê, u kala ni kúdia kuê kua nzungule; uoso-phe u kaiela o ima ia kingoho, ió ua kambe kilunji.

Nzuá 10:27

O jimbudi jami, jʼívua dízui diami. Eme ngi jʼijiia, o jene ue ji ngi kaiela.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

I Kolindo 11:1

Kalenu-phe mu afikixi ami eme, kala eme ki ngala ngi mufikixi a Kristu.

I Kolindo 4:16

Uila kiki, nga mi diondo-phe, kalenu mu afikixi ami eme.

Efezo 5:1

Endenu-phe ni kufikisa Nzambi, kala mu anʼ ê a muẋima.

Filipe 3:17

Enu jiphange, suinenu mu kukala mu afikixi ami eme, mu tongolole ue oso akua kuenda kienkiki, kala etu ki tua mi bhana o phangu.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Tesalonika 2:14

Kuma enu, jiphange, o kia mi bhiti enu, kiene kia bhiti ku akua Judeia. Enu mua bokona mù fikisa o Jingeleja ja Nzambi ku Judeia, mua Kristu Jezú. Mukonda mua tale jihadi jene jimoxi, ni ku mi zukutusa ku akua ʼxi ienu, kala ja tale ene ku Jijudé.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

Jihebeleu 6:12

Ki mu kale-phe ni usudi, inda mu fikisa ió oso a xikana, ni muanu uâ, phala mu tambule jipolomesa mu kuxikana Nzambi ni kinhenge.

I Phetele 3:11

Ku phulu a tunde-ku, a bhange o mbote a sote o paze ni ku i kaiela.

I Phetele 3:13

Nanhi-phe u tena ku mi kuama, se enu mua suina kubhanga mbote?

I Nzuá 2:29

O kiedi muene Kristu mua mu ijiia kuma muthu uaiuka, mu kʼijiia ue kuma uoso u bhanga ima iaiuka, muène muthu a mu vuala kua Nzambi.

I Nzuá 3:10

Muene mu di monekena o anʼa Nzambi ni anʼa Diabhu. Uoso u kamba kubhanga iaiuka, ni ió kiá uoso u kamba kuzola phangʼiê, ka tokala Nzambi.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.