Hozeia 9:8 - O Mikanda Ikola

⁸ O polofeta, ku mbandu ia Nzambi iami ua di bhange mulangidi ua kubilukila Ifalaíme, mukua ni mubhetu ua dinhanga dia jinjila, mu uendelu uê uoso, kifua kisuéia mʼonzo ia Nzambi iê.

Hozeia 9:8 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:1

Anga ki bhita kuma, mu kubhita izuua iavulu, kizuelu kia Ngana kiza kua Elija, ku muvu ua katatu, kixi: Ndé, ka di tukulule kua Akabe; mukonda nga-ndu bhana o mvula mu ngongo.

I Jisobha 18:19

Kala kiki-phe, tuma ku ngi bhongoluela Izalaiele ioso ku mulundu ua Karmelo ni hama jiuana ni makuinhʼatanu a jipolofeta ja dihamba dia Bahale ji bhongoloke ue, ni hama jiuana ja jipolofeta ja dihamba dia Asela ala kudia o makudia a tunda ku mezʼa Jezabele.

I Jisobha 22:11

Anga Zedekiia, monʼa Kanaana, u di bhangela jimbinga ja felu, uixi: Ngana uambe kiki: Akua Sídia ua kà a lua ni jimbinga jiji, katé u a zubhidisa osololo muene:

I Jisobha 22:22

Muene uixi: Nga kà tunda, anga ngʼà kala ngi nzumbi ia makutu mu ʼkanu dia jipolofeta jê joso. Eme Ngana: Eie ua-nda kua kà mu tobhesa muene, hé ua kà mu tolola; tunda-phe, u ki bhange.

I Jisobha 22:28

Anga Mika u zuela, uixi: Eie ku vutuka ni uembu, kale o Ngana ka zuelela moʼmuami. Uixi dingi: Enu athu oso ivuenu-kiu!

I Jisobha 22:6

Bhenhobho sobha ia Izalaiele u bhongolola nzungule ia jiplofeata, manhí mba kukamba ngó bhuòfele mu kutenesa hama jiuana ja jipolofeta, anga u a ebhula, uixi: Enu kiebhi-ze, ngiia ma kúlua ni Lamote dia Ngiliiade, mba ki ngiii-ku? Kuala ene: Banda, mukonda Ngana ua kà mu bhana bhu lukuaku lué, u sobha.

II Jisobha 13:21

Anga ki bhita kuila, bhua kexi athu a kexile mu ku funda kimbi; o kia mono kibuka kia masoladi, kimbi a ki takuila mu mbila ia Ilizeu; muthu ió kia laukila mu mbila, ua tuta ku ifuba ia Ilizeu, anga u kala dingi ni muenhu, hé u balumukʼé kiá muene ku inama iê.

II Jisobha 2:14

Anga u zangula o divunga dia Elija dia mu sonuena, anga u di vunda menha, uixi: O Jihova, Nzambi ia Elija, iú kué? Bhenhobho kia di vundu ku menha, ene a di muange mu mbandu jiiadi; anga Ilizeu u bhita.

II Jisobha 2:21

Muene anga uia bhu otho, bhua mu fuafua o menha, u takuila-bhu o môngua, uexi: Jihova uambe kiki: O menha iá nga-nda ku a saka; ki muanda kala dingi kalunga né umbaku.

II Jisobha 4:41

Maji muene-phe, uixi: Ngi bhekedienu-ku, fuba. Hé u i kuua mʼombia, uixi: Tombolenu o kúdia, phala athu a die. Kuabhu-phe; mu imbia ki mu kexile dingi kima kioso-kioso kia ibha.

II Jisobha 4:43

Kuala mubhikʼê: O hama ia muthu, ngʼa tela kiebhi kudiʼuku? Maji muene-phe, uixi: Bhana-ku o mundu phala a die; mukonda Jihova uambe kiki: Anda kúdia hé a lémbua.

II Jisobha 5:14

O ki evu kiki, u tuluka mu dikalu u boba lusambuadi mu Njolodá kala kia tange o kizuelu kia muthu ua Nzambi, o xitu iê anga i vutuluka, ila kala xitu ia kamona ka ndenge, hé u di sanza.

II Jisobha 5:27

Kala kiki, o dibhute dia Naamane dia-nda ku ku naminina eie ni mbutu ié katé ku hádia, ni hádia. Hé u tunda kiá ni dibhute bhu pholo ia polofeta, uazele ni muene phé kala neve.

II Jisobha 7:19

O kabhitangu muenʼió anga u vutuila o muthu ua Nzambi, uixi: O bhabha kiá né-mbe hanji o Nzambi ua bhangele jinjanena ku diulu, o kienʼiki muene ki xikina ku di bhanga, kala kia tange o kizueluʼiki? O polofeta anga u muʼambela, uixi: Tala, ua-nda ku ki mona muene ni mesuʼé, maji o kuene kua-nda kudia-ku.

II Jisobha 7:2

Maji-phe, kabhitangu kamoxi, muthu ene ku mu xamenena ku lukuaku luê kuala sobha, u vutuila muthu ua Nzambi, uixi: Tala, né-mbe hanji Jihova ua bhangele jinjanena ku diulu, o kiki ki xikina ku di bhanga? Muene-phe, uixi: Tala, ua-nda ku ki mona ni mesu mê, maji o kuene-phe kua-nda kúdia-ku.

Jisálamu 124:7

Tua bhulaka mukuâ ni kanjila ka sukunuka bhu mubhetu ua dinhanga; ngoji ia mubhetu ia batuka, etu étu tua tuka.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Mukumbi ua Mikumbi 3:3

Kienhokio alangidi a kexi mu langa mbonge, a ngi sange; eme hé nga ebhula, ngixi; O ió a mu zola kuala o muenhu uami, enu mua mu mono?

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Jelemiia 11:19

Eme-phe ngedile kala kambudi ka belesela, kaia bhu dijibhilu; mbata ki nga kʼijidile kuamba ala ku ngi ta kikutu, exi: Tu jikinisienu o muxi ni ibundu iê; tu mu batudienu mʼoxi ia athu a muenhu, phala ki bhu kale dingi kulembalala o dijina diê.

Jelemiia 14:13

Eme-phe ngixi; Uá! Jihova, Nzambi, tata! Talesa o jipolofeta jala ku a ambela kuma: Kana, ki mua-nda ku mona-ku xibhata, ki mua-nda kala ue ni nzala; o kiala-bhu nga-nda ku mi bhana kutululuka kua kidi bhu kididi kiki.

Jelemiia 23:13

Mu jipolofeta ja Samádia nga di uana-mu lusebu; a kuata ku zambuila kua Bahale ia a luezesa o mundu uami ua Izalaiele o njila.

Jelemiia 31:6

Mbata hádia kua kà kala kizuua kia-nda kudikola akua kulanga ku thandu dia mulundu ua Ifalaimi. Balumukenu tu bande ku Ziione kua Jihova, Nzambi ietu.

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 6:17

Nga mi tela ue alangidi, ngixi: Ividilenu dízui dia koloneta: ene-phe exi: Ki tua-nda kuividila.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Kuditenda 4:13

Kima kiki kieza mukonda dia ituxi ia misesedi, ni phulu ia jinganga, a ẋiamuine o manhinga ma athu aiuka, a ma ẋiamuina muene mu kaxi ka Jeluzaleme.

Izekiiele 3:17

Eié monʼa muthu: Eme nga ku bhana u kale u mulangidi ua dibhata dia Izalaiele; eie uenda ni kuívua o maka a tunda mu dikanu diami, anga ku mbandu iami uenda ni ku a dimuna.

Izekiiele 33:7

Eie-phe, monʼa diiala, tata, nga ku bhange u mulangidi ua dibhata dia Izalaiele; eie ua-nda kuívua jinga o kizuelu kia dikanu diami, anga ku mbandu iami ua kà a dimuna.

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Mikeia 7:4

O uala kota mu kuiuka mudiâ, uadifuʼê ngó ni muinha; o ua beta ku uabha o muẋima muʼaxaxe kâ, kota mu kuiibha o muxitu ua misonge ndenge; maji o kizuua kia ku ku ta diesu ni kia ku ku vutuila o phonzo kia bhiẋila; kindala hadi ia ku tula.

Nzuá 15:24

Eme se nga kambele kubhanga mu ʼaxaxe kâ o ikalakalu iíi, kana muthu luua a i bhanga, keju kala ni kituxi. Maji kala kiki-phe, a i mono, ia a jiji ni ku ngi zemba, ni ku zemba ue Tata iami!

Loma 3:7

Maji-phe se o makutu mami ma bhangesa o kidi kia Nzambi ku mu vudisa dingi o fuma, eme u ngʼ êleselahi kala ngi mukua ituxi?

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.