Hozeia 9:7 - O Mikanda Ikola

⁷ Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Hozeia 9:7 ပူးပေါင်းရင်းမြစ်များ

II Jisobha 9:11

O Jehu kioso kia tundu ku kanga kuala o jiselevende ja ngana iê, a mu kumbulula, exi: Kiebhi? Ioso ialʼé muene kiambote? O dilaji didi uejile kokué, ihi kia mu bheka? Muene ua a vutuila, uixi: O muthu iú enu mua muʼijila kiambote ni uzuelelu uê.

Izaía 10:3

O kiki-phe enu mua-nda kubhanga kiebhi, mu kizuua ki nga-nda ku mi endela, anga kuiza o kibuika ki tunda makanga? Mua kà lengela kua nanhi mu sota o disuamenu? O kijingo kienu ue muanda kuá ki tula bhebhi?

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 34:8

Kuma-phe kiene o kizuua kia phonzo ia Jihova, uene o muvu ua kufuta o jinguma joso jene mu kuzoka ni Ziione.

Izaía 44:25

Ngi mukua ku tungununa o iphata ia akua kuzambula o makutu, akua kusuma ngó a kituka maioua; jinjimu ngʼa vutula kuema, unjimu uâ ngi u kitula uôua-mu-uôua.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 11:23

Ki bhuanda kuxala masubhu, mukonda eme nga-nda ku bheka divuua ku athu akua Anathothe, bhu muvu ua kua ebhula o mulonga.

Jelemiia 16:18

Kima kia dianga nga-nda kua bhana futu luiadi mu kuiibha kuâ ni kituxi kiâ, mukonda oxi iami a i kasanesa ni imbi ia ima iâ iaiibha kinéne i kuatesa fuokoso, ni undundu uami a uizalesa ni isunji iâ.

Jelemiia 23:13

Mu jipolofeta ja Samádia nga di uana-mu lusebu; a kuata ku zambuila kua Bahale ia a luezesa o mundu uami ua Izalaiele o njila.

Jelemiia 25:14

Mukonda ene uâ a-nda ku di uanena na-u kuala miji ia vulu ni sobha ja makota; kienhiki-phe nga-nda ku a vutuila kala ima iâ ia bhanga jinga ni kioso kiala ikalakalu ia maku mâ.

Jelemiia 29:26

Jihova ua ku lumbu unganga bhu kididi kia nganga Joiada, phala ni u kale u katúmua ka inzu ia Jihova ku muthu uoso u sota ku ki tundisa, ni ku di bhanga polofeta, eie u mu te muʼaleia ni bhu ditaka.

Jelemiia 46:21

Katé ni masoladiʼé a ku futila, edi kala tungombe tua nete, tuʼòbhange mu kaxi ké; maji enhá ue a bhe-ku makunda ia a lengela kumoxi; a lémbua kuimana, kuma o kizuua kiâ kia kusenguluka kia bhiẋila kumoxi ni kithangana kiâ kia ku a zungila.

Jelemiia 6:14

Hê a tumba o fidila ia mona kilumba kia mundu uami ni mangonha moso, exi: Kuatululuka, kuatululuka, mbé kuma kuene kana-ku kutululuka.

Jelemiia 8:11

Hé a tumba o fidila ia monʼa kilumba kia mundu uami ni mangonha moso, exi; Kua batama, kua batama, manhi kuene kana-ku kubatama kua kima.

Kuditenda 2:14

Misesedi ié, a ku zambuila makutu ni usemenhi; ka ku tukuluila o ufusa ué, phala ku ku dimuna; hinu ki kua kuiza kuia ku ubhika; maji ene a ku zambuila imbamba ia makutu ni usemenhi, iene ia bhangesa ku ku bheka ku ubhika.

Izekiiele 13:10

Mukonda-phe, èué, mukonda a mu kuenda ni kutobhesa o mundu uami, ni kuila, exi: Kuatululuka, kuatululuka, manhi o kutululuka kuene ki kuala-ku; mundu uami a tunga o kipena kia malôua, o misesedi a uesa-ku o hála ki iòtoue.

Izekiiele 13:3

O Jihova Nzambi uambe kiki: Kokolo dia misesedi ia maioua, a mu kaiejela ngoho o muẋima uâ ni ima ka i mono!

Izekiiele 25:17

Hé nga kà a vutuila phonzo ia dikota, ni ku a talesa hadi ni njinda, kiene kia kà kʼijiia kuila eme-muène ngi Jihova, kioso ki nga kà zubha o ku a vutuila o phonzo iami ku thandu diâ.

Izekiiele 38:23

Mu kienhiki eme nga-nda ku di kudisa anga ngi di kolêsa, anga ngi bhangesa kuila a ngʼijiia bhu mesu a miji ia vulu; hé a kà kʼijiia kuila eme-muène ngi Ngana.

Izekiiele 9:10

Kala kiki, eme uami ue, diesu diami ki dia-nda kukondeka muthu mba ngi kuatela henda; nga-nda kulunduluila o njila iâ ku thandu dia mítue iâ.

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 5:9

Ifalaíme ua-nda kubhondalala, bhu kumbi dia ku mu bazela, kuma ua kà xala ngùndu; kienhiki-phe nga ki tende muʼaxaxe ka ibuka ia Izalaiele, kuila kia-nda kubhita muene.

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Hozeia 9:8

O polofeta, ku mbandu ia Nzambi iami ua di bhange mulangidi ua kubilukila Ifalaíme, mukua ni mubhetu ua dinhanga dia jinjila, mu uendelu uê uoso, kifua kisuéia mʼonzo ia Nzambi iê.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Mikeia 7:4

O uala kota mu kuiuka mudiâ, uadifuʼê ngó ni muinha; o ua beta ku uabha o muẋima muʼaxaxe kâ, kota mu kuiibha o muxitu ua misonge ndenge; maji o kizuua kia ku ku ta diesu ni kia ku ku vutuila o phonzo kia bhiẋila; kindala hadi ia ku tula.

Sofoniia 3:4

O jiplofeta jê ala phuku-phuku ja hatu, ka moneka kilunji; jinganga jê axidisa kididi kikôla, kijila kia Ngana a ki bhengeleka.

Marku 3:21

O jindandu jé kia zubha ku kʼivua, aia ku mu kuata, mukonda, exi: Ua tekuka.

Luka 21:22

Kuma ioio iandu kala Izuua ia Kaxtiku. Mu izuʼomo muene mua-nda kubhitisa ima ioso iòsoneke mu Mikanda Ikôla.

II Kolindo 5:13

Kuma o ki tu kala tua tekuka, tua tekukila Nzambi; maji o ki tu kala tu athu a kilunji, enu-enu tua mi kalela na-kiu.

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.