Hozeia 9:4 - O Mikanda Ikola

⁴ Jihova kanda kuenda dingi ni ku mu bhangela ilumbu ia vinhu, o jisata jâ ki ja-nda ku mu uabhela dingi; o mbolo iâ ia kèla kala mbolo ia thambi, oso a dia-ku a di kasanesa, mbata o mbolo iii ia kà soka ngó phala kudia kuâ, o mʼonzo ia Jihova ki ia kà bokona-mu.

Hozeia 9:4 ပူးပေါင်းရင်းမြစ်များ

Makatukilu 29:40

Ku mbudi imoxi u kuata ni mbandu ia kakuinhi ia efah ia fuba ia fina, iólunge ni mbandu ia kauana ia hine ia maji òzunze; ni mbandu ia kauana ia hine ia vinhu ia kiamenga.

Makatukilu 40:23

O kuthandu dié anga u ta-ku o jimbolo ja kilumbu ku munôno, bhu pholo ia Jihova; kala kia tumu Jihova kua Mozé.

Izaía 57:6

Dikânda dié diala ku matadi maẋanana mene mu jingiji; enhá ene o undundu ué; ku matadi kuenhuku eie ue kuene ku ua mu lunduluila o mubhaku ué ua maluvu anga u a bhana ima ia maujitu; ima iii mbé eme i ngi sangulukisa?

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Jelemiia 16:7

Né-mbe ku a bhana kima bhu lamba, kia ku a konda malamba bhua bhiti o kalunga: mba ngó ku a nuisa ku nganza ia ku bhuisa mukondo kua tata mba kua mama ia uoso-uoso.

Jelemiia 6:20

Uasu ua dizumba-phe uahi uene, ua mu ngi tundila ku Seba kuná, ni lumbungu lua beta kuiuka lua ima ia mazumba lua tundu ku jixi ja makanga? mibhaku ienu ia kuoha ki ia ngi uabhela, o jisata jenu ue ki ja ngi kala ku vondadi.

Izekiiele 24:17

Mikemu ié suikika-iu; o athu a fu ku a zuatele ndombe; kutila o dizamba dié ku mútue, o inama ié tá na-iu mu jisabhatu; o pholo ié kana ku i sueka, kua kà die ue o mbolo i ku tumikisa o athu.

Izekiiele 24:22

Anga mua kà bhanga uila ki nga bhange eme: Ki mua kà di vunga jipholo mba mua kà dia mbolo i mi tumikisa athu.

Daniiele 1:8

Daniiele anga u ta kikutu ni miẋima uê, uixi: Nguami ku di kasanesa ni makudia ma sobha, mba ni vinho iê iene mu kúnua; iu ua bhingi kua kota dia jingolambole phala a mu ehele kukamba o ku di kasanesa.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Jouele 1:13

Enu mu jinganga di kutienu bhu inhonga, mu te jingololo; di kumunienu, enu mu akunji a kalatódio, bokonenu, bhitenu enu mu akunji a Nzambi iami, o usuku uoso mu zuata kidinhaji; kuma o mibhaku ia makúdia ni ia makúnua a i batula mʼonzo ia Jihova Nzambi ienu.

Jouele 1:9

Mʼonzo ia Jihova o jisata ja makudia ni makunua ja batuka-mu; akuetu jinganga, o jingunza ja Jihova, lamba dia a kuata.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Ijila 17:11

Mbata muenhu ua xitu uala mu manhinga; kiene ki nga mi bhela-u ku thanduʼa kalatódio mu ku mi jimuina ikuma, mienhu ienu phala ibhanduluke; mukonda o manhinga ene ngoho a tena kubhanga kiamenga ki zelesa o mienhu ia athu.

Ijila 21:17

Tangela Alá, kuamba: Ki bhua kàle muthu ku mbutu iê, uala ni unema, anga uiza mu kubhana mubhaku ua kúdia kua Nzambi iê.

Ijila 21:21

Ki bhu kale muthu ku mbutu ia Alá, o nganga, uala ni unema kala iú, anga uiza mu kubhana mubhaku ua kubhakula ni túbhia ua tokala Jihova; kuma ka tenena, sai kia mu kambe; ió ka tena kubhiẋila mu kubhakula o musa ua Nzambi iê.

Ijila 21:6

Jinganga-phe a kale ku ujitu ni Nzambi iâ, o dijina dia Jihova Nzambi iá ka di sebulule, mbata ene axikamena kubhana jisata kua Jihova, ja kubhakula ni túbhia, ene ala kubhakuila Nzambi iâ o musa; ki bhinga-phe a zela muene.

Ijila 21:8

Kala kiki, eie u mu kôlesa muene; kuma muene ua xikamena kutela Nzambi iê o mbolo ku meza. Muthu u kala kiki, a mi kale muthu ukôla, kuma Eme Ngi Jihova, ngene ku mi bhana o kuzela, nga zela.

Amoji 5:22

Né-mbe mu ngi bhakuila jisata jenu ja kuoha, ni mibhaku ia makudia, ki ngi tena ku i tanena; o ku jisata jenu ja uembu, ja ibhaku ia nete, ki ngi suu-ku, mba ngi tala-ku diesu.

Malakiia 2:13

Enu-phe mua te-ku dingi kiki: Mu izalesa ni masoxi o kalatódio ka Jihova, ni kukuata kudila ni kukema; ijiienukiu-phe, kuma muene ka kà xikina dingi kutala ku ujitu uenu, mba ujitu uenu uẋikina ku u tambula ni kusanguluka bhu maku menu.

Dialuilu 19:11

Uoso u kuata ku file ioso-ioso, mba ku kimbi kia muthu, u kasana mu sambuadi dia kizuua.

Dialuilu 28:2

Tuma anʼa Izalaiele, ua a tangela, kuma: Ujitu uami, kúdia kuami kua jisata ja kuoha, ni dizumba diami diambote mu kala ni muanu ua ku ngi bhakuila-ju mu thembu ioso ia tokala.

Dialuilu 4:7

O ku meza a kilumbu kuala o jimbolo ja sata, a futa-ku ue thanga ia azulu, a ta ku thandu diê malonga ni jingutu ni jímbia ni jinganza ja kulunduluila; ni mbolo iabhingi ki iene kukamba dingi, kuene ku i kala;

Nzuá 6:51

Eme ngi mbolo ia muenhu ia tuluka mu diulu. Se bhu kala muthu u dia o mbolo iíi, muenhu uê ki ua kà bhua dingi. O mukutu uami, iene o mbolo i nga-nda kubhana, phala o mundu ni u kale ni muenhu.

Matendelelu 26:14

Kioso kia ngiza o thambi, ku madijimu ki nga nomona-ku kima ki nga dila dilamba diami, lémbue, mba ngala ni kuxila, anga mu kuxila kuami ngi nomona-ku kima anga ngi ki dila ku ufusa uami, mba nga ki te ku muthu ua fu, kana! Inda nga tumaka ngoho o dízui dia Jihova Nzambi iami eme. Nga bhange kala kioso ki ua ngi lekelela eie.