Hozeia 9:3 - O Mikanda Ikola

³ Mʼoxi ia Jihova ka kà nanga-mu; kuma Ifalaíme ua-nda kualukila ku Ijitu, o mu ixi ia Asídia a kà dia-mu makudia a kasana.

Hozeia 9:3 ပူးပေါင်းရင်းမြစ်များ

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jelemiia 16:18

Kima kia dianga nga-nda kua bhana futu luiadi mu kuiibha kuâ ni kituxi kiâ, mukonda oxi iami a i kasanesa ni imbi ia ima iâ iaiibha kinéne i kuatesa fuokoso, ni undundu uami a uizalesa ni isunji iâ.

Jelemiia 2:7

Emiʼeme nga mi bokuesa mu ixi ia idima nda mudie o kibundu kiê ni mbote iê: maji enu-phe ki mua zubha kubokona-mu, oxi iami mua i kasanesa, o undundu uami mua u bhange kima kia ufusa.

Kuditenda 5:6

Tua leka o maku etu ku akua Ijito ni ku akua Asídia, phala a tu ikutise ni kúdia.

Izekiiele 4:13

Jihova anga uila, uixi: Kienhiki ue anʼa Izalaiele kia-nda kúdia o mbolo iâ ia kasana, mu kaxi ka miji iengi muanda ku a takuila.

Daniiele 1:8

Daniiele anga u ta kikutu ni miẋima uê, uixi: Nguami ku di kasanesa ni makudia ma sobha, mba ni vinho iê iene mu kúnua; iu ua bhingi kua kota dia jingolambole phala a mu ehele kukamba o ku di kasanesa.

Hozeia 11:11

Akua Ijito a kʼèza ni kuteketa kala tunjila, o akua ixi ia Asídia a kʼèza ue mukuâ ni diembe, anga eme ngi a bhangesa kutunga mu jinzo jâ ene,—kiene kia tange Jihova.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Hozeia 9:6

Mukonda nga mono kuila ene ai mbé o kulenga kibuika, maji o Ijitu-phe ua-nda ku a tambulula, o Mefize ua-nda ku a funda mu kina; o phalata ia solele miẋima iâ, ia kà kituka undundu ua ngene ua kasau-sau, o mu jinzo jâ mua kà sabhuka minha.

Ijila 18:28

Enu dilangienu-phe sumba enu uenu ixi i mi lusa, kuila mua i fukuila, kala ki ia lusu o athu a mi diangelele kukala-mu.

Ijila 20:22

Bhakenu o jingonge jami joso jenhiʼji ni mabatuilu mosoʼama ku miẋima ienu, muende ni ku ji bhanga, phala oxi iná ku ngala ku mi bheka, mu kutunga ni kusoma, enu uenu ki i mi luse.

Ijila 25:23

Kana kusumbisa mavu anga mendelela ku maku ma ngenji ua ma sumbu, mbata oxiʼii ixi iami-Eme ia ngi tokala; enu muala mu asonhi ngó mueza kutunga nʼEme, mu jinzuángiza.

Amoji 7:17

Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Mikeia 2:10

Katukenu nda muende, mbata bhabha ki bhene bhu kididi kienu bhu mua-nda kunhohena; mukonda dia ituxi i zangiuisa, i zangiuisa muene kiavulu.

Jipoxolo 10:14

Phetele-phe, uixi: Ki ki xikina, Ngana!—Eme kiluua ngi dia kima kiaiibha mba kiaxidi!

Matendelelu 28:63

Kala mʼokulu Jihova ki kia mu uabhelele kiavulu o ku mi suua, ni ku mi banga mbote, ni ku mi sokolola, kiene ue ki kia kà mu uabhela kiavulu o ku mi sengulula ni ku mi jikinisa, katé ki mu bhua-ku; nda oxi i ua-nda kuvuʼiii, u mi vuza-mu katé mua kukumuka-mu.

Matendelelu 28:68

Jihova ua kà mi bhangesa ku vutukila dingi ku Ijitu mu jinaviiu, ku njila iene ia kuambelele kiá, kuila: Njila iii ki mungu dingi u i kengelela. Kuenhoko-phe mua kà di bhakula ku jinguma jenu, muexi: Tu sumbienu phala tu kale tu abhikʼenu a mala ni abhikʼenu a ahetu, maji muthu ua kà mi sumba ka kà moneka.

Matendelelu 4:26

Eme-phe lelu ni oxi ni diulu, akale jimbangi jami; mukonda, nga tange kidi kuma, mua-nda kutukumuka mua jimi o mbutu, mʼoxiʼomo anga mu bhua-mu, anga mu ila Njolodá mua mu záuka kiua, maji oxi ki mua xialela na-iu, kuma ki mua-nda kunakina-mu; mua-nda kujikinina muene kindala.

Josuué 23:15

O kiedi-phe, ima ioso ia uabha kiki mua i tambula muene, ioso ia mi ambelele Jihova Nzambi ienu, kiene ue kimoxi, Jihova ua kà mi bhekela ue o mabhebhu oso a ima ia iibha katé ua mi jimi mbutu, o ixi ia uabha ia mi bhele Jihova Nzambi ienu, anga mu i xa muene.