Hozeia 9:17 - O Mikanda Ikola

¹⁷ Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Hozeia 9:17 ပူးပေါင်းရင်းမြစ်များ

II Malunda 18:13

Maji-phe Mika, uixi: Ki kôla! Jihova a laie! Kuma kioso ki ngi tangela Nzambi iami, kiene ki nga kà zuela.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Nehemiia 5:19

Ngi te-phe muẋima, eie u Nzambi iami, tata, u ngi bhange o mbote, ku ima ioso i nga bhange athu iá.

Jisálamu 31:14

Maji eme-phe, nga dielela ko kué, u Jihova, ngixi: Eie, eie u Nzambi iami.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 48:18

Uaué! Tamanu ua bhele mátui ku ijila iami! O paze ié ieje kuila kala ngiji, o kulunga kué kueje kuila kala mabhuku ma Musanza ua Kalunga.

Izaía 7:13

Muene-phe, uixi: Kindala ivuenu, enu mu dibhata dia Davidi: O ki mua mu tatesa athu ki kia mi soko, hanji mu tatesa dingi Nzambi iami?

Jelemiia 6:30

A-nda kua kà exana phalata iò jine, mbata Jihova ua a tènde.

Jelemiia 7:13

Kindala-phe, kuma enu ima ioso iii, iene i mua mu bhanga, eme Jihova, o ki nga zuela, nga mi tela maka, enu o kuivua nguenu, o ki nga mʼixana, nguenu kuitaia.

Jelemiia 7:15

Hinu ngi mi texi koko, mu ngi bhue ku mesu, kala ki nga texi koko o jiphange jenu joso, o muiji uoso ua Ifalaíme.

Hozeia 4:10

O mundu kudia, a dia, maji a kà lémbua kuikuta; a kà di bhakula muene mu kubhanga undumbu, maji ka tena kusokoloka; mukonda a ditunu kusuua Jihova, ni ku mu bheza.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 7:13

Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Amoji 8:2

Uixi-phe: Eie, Amoji, ihi i ua-lu mona? Eme ngixi: Kinda kia ibundu iabhi ia kixibhu. Bheneʼobho Jihova ua ngʼambela, uixi: Dizubhilu-phe dia Kifuẋi kiami kia Izalaiele, dia bhiẋila! Tundé kiá lelu ni ku pholo dia kuia, ki nga-nda ku a kuatela dingi henda mu kithangana kia dikota.

Amoji 9:9

Mukonda nga kà xika ngonge, o dibhata dia Izalaiele nga kà di kukumuna mu miji ioso, mukua ni kiene mu kùsesa jimbundu bhu mbàngu, ni lumbundu lumoxi ngó ki lu sonoka bhoxi.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Nzuá 20:17

Jezú u mu ambela, uixi: Ku ngi kuate; kuma ki ngi bande luua kua Tata iami. Ndé-phe ku jiphange jami kà ambele kuma eme nga-nda kubanda kua Tata iami, kua Tata ienu; kua Nzambi iami, kua Nzambi ienu.

Nzuá 20:28

Tomé uetaiua, uixi: Ngana iami, Nzambi iami!

Nzuá 7:35

Jijudé anga ji di ambela mudiâ, exi: Kuebhi kuene ku aia, kua bhingi tu lémbua ku mu sanga? O kuila ua-nda kuia kua ió a di muange mu Jingèleku? Inga ua ka longa Jingèleku?

Jipoxolo 3:23

Muenhu uoso-phe hádia ua kà kamba kuívua o polofeta ioio, a kà mu muangununa ku athu a Nzambi, hé a kà mu jimisa mu kaxi ka mundu.

Matendelelu 32:26

kifua ngeje kuila: ku hota joso ngi mi muanganesa-ku, katé a mi jimbi muʼaxaxi ka mundu.

Matendelelu 4:25

O kioso-phe ki mu vuala ana ni aláula, anga muiza ku uadiakimi, ni jimvi mu mútue, mʼoxi muenhomo, hé ku mʼiza lufuku lua ku di songela kiá iteka mba ima ikala ni kidifua kioso-kioso, o Jihova kia kʼila sûi, anga ki mu ibhila kuma mua mu lokalala.

Matendelelu 4:27

Anga Jihova u mi muangena muʼaxaxe ka ifuẋi iengi, o kuenhoko ue mua kà kala ngó kakibuka kófele, muʼaxaxe ka akua jixi, muoso mua-nda ku mi xinjikila Jihova.

Filipe 4:19

O Nzambi iami ue, u mi dikila enu mu kubhindama kuoso ku mu kala na-ku, kala kia fuama mu jinzungule jê mu fuma mua Jezú Kristu.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.