Hozeia 9:14 - O Mikanda Ikola

¹⁴ Jihova, Ngana, a a bhane; maji ihi-phe i uanda ku a bhana? A a bhane, Ngana, divumu di kamba kuvuala ni mele a kukuta muene uokón!

Hozeia 9:14 ပူးပေါင်းရင်းမြစ်များ

Jobe 21:10

O ngombe iê ia ndumbe i vualesa muene, ki i kambe; o ngombe iê ia mukaji i teta muene, ki i seluka, lémbue.

Makatukilu 23:26

Mʼoxi ienu ki mu kala muhatu u seluka, mba u kala mbaku; o konda ia izuua ienu ngi i tenesa muene.

Hozeia 9:11

O Ifalaíme-phe kijingo kiê kia-nda kutuka mukuâ ni njila; ki bhua-nda kukala luvualu, ki bhua-nda kukala mona, ki bhua-nda kukala kuimita mba ngó kusangita, lémbua.

Hozeia 9:13

Kala ki nga ki mono, Ifalaíme ua di bhange kala Tilu, kuma a mu phaphe bhu kididi kia matunda; maji o Ifalaíme-phe anʼê ua-nda kuia ni ku a tutila kua mubuikixi uenda ni ku a katula o muenhu bhu xingo.

Hozeia 9:16

Ifalaíme a mú kuama, O jindanji jê joso ja kukuta; muene ka kà bhana dingi ibundu; xi, né-mbe hanji a vuala ana, Eme ana oso a matunda a tunda mu vumu diê, nga-nda ku mu jibhila-u.

Matesu 24:19

Lamba dia ahatu ió oso a kà kala ni mavumu, a ka kala mu kuamuisa, mu izuua ienhoio!

Marku 13:17

Lamba dia ahatu ió-phe oso a ka kala ni mavumu, mba a kala mu kuamuisa mu izuuʼomo!

Luka 21:23

Lamba dia ahatu oso emita, mba amuisa tuana tua uisu, mu izuua ioio! Mukonda kua-ndu kala kutata kuavulu mʼoxi ioso, ni njinda ia Nzambi ku thandu dia mundu iú.

Luka 23:29

Kuma kù kuiza izuua, anda kuila: Azediua ahatu a jimbaku, ni mavumu ma kambe kuimita, ni mele ma kambe kuamuisa!

I Kolindo 7:26

Eme nga fika-phe kuma ki uabha, o diiala kuxala kioso ki ala, mukonda dia ibhidi mu izuʼ umu, i tua mu bhita.

Matendelelu 28:18

Mbutu i tunda mu divumu dié ikala ue ni uíndua; o mbutu i tunda mu díbhia dié i kala ue ni uíndua; o ibhanga ié ia jingombe, ni ilunga ié ia jimbudi, ikala ue ni uíndua.