Hozeia 9:12 - O Mikanda Ikola

¹² Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Hozeia 9:12 ပူးပေါင်းရင်းမြစ်များ

II Jisobha 17:18

Kiene kia bhekesa Jihova ku thathamena kiavulu Izalaiele, iú ua a sondolola ene oso ku mesu mê; ka xisamu dingi kima, kikale ngó o muiji ua Juda, kuabhu!

II Jisobha 17:23

katé Jihova kia sondolola Izalaiele bhu pholo iê, kala kia ki tangele ku ukunji ua abhikʼê oso, o misesedi; kienʼiki Izalaiele kia mu balakala ni ku mu katula mʼoxi iê phala ku mu tumikisa ku Asídia katé mu kizuua kia lelu.

Jobe 27:14

Se anʼê a di sokolola, a kà buila ku xibhata; o muiji uê ki ua-nda kua kà mona kúdia nʼekuta.

Jelemiia 15:7

Nga-nda ku a bhiata ni mbangu bhu mielu ia oxi; o mundu uami nga u buba, o ana nga a katula-nâ; maji ene o kuvutuka ku jinjila jâ ja iibha, nguâ.

Jelemiia 6:8

Diiukise, eie Jeluzaleme, phala muenhu uami ki u kuxie, hé ngi ku bhanga u ngundu, nʼu kituka ixi ia kamba dibhata.

Kuditenda 2:20

Tala Jihova, u tongolole, muthu kuii ua mu bhange kiki! Abha-phe, ahatu mbé adia muene o kibundu kiâ eneʼâ muene, o tuana tuâ tuavuala, tua sase ene bhu jihata jâ? A jibha o nganga ni polofeta monzo ié iangene bhu dibhezelu dia Jihova?

Kuditenda 2:22

Eie ua bhiti ku mbandu joso ni ku kolomona ima ioso i ngi kuatesa uoma, kala bhu kizuua kiene kubhongolola mundu ku fesa. Mu kienhiki, bhu kizuua kia bhixila o njinda ia Jihova, né ngó muthu ka bhuluka-bhu, mba usubhuka, lémbue. Athu oso u nga sase, eme nga a dikila, nguma iami-phe ua a jimisa o mbutu.

Hozeia 7:13

Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Hozeia 9:13

Kala ki nga ki mono, Ifalaíme ua di bhange kala Tilu, kuma a mu phaphe bhu kididi kia matunda; maji o Ifalaíme-phe anʼê ua-nda kuia ni ku a tutila kua mubuikixi uenda ni ku a katula o muenhu bhu xingo.

Hozeia 9:16

Ifalaíme a mú kuama, O jindanji jê joso ja kukuta; muene ka kà bhana dingi ibundu; xi, né-mbe hanji a vuala ana, Eme ana oso a matunda a tunda mu vumu diê, nga-nda ku mu jibhila-u.

Malakiia 2:12

Mu jibalaka ja Jakobo, Ngana ua kà buidisamu ene oso a bhanga ima kala iii, kikale mesene kikale xibulu, né ió uoso u bhana maujitu kua Jihova dia Ifuẋi.

Dialuilu 14:34

Ki kaiela mu izuua i mua bhangele mu kulonda ixi, makuinhi auana a kizuua, mu makuinhi auana a muvu, kizuua muvu, kizuua muvu, muambata mulonga uenu mu makuinhi auana a muvu, muijiie ki kala o kuẋimbuka kuami.

Dialuilu 26:65

Mukonda Jihova ua ki ambele, uixi: Enhá kidi muene a kà fuila mu kikangalakata. Ni muthu ngó ka subhuka-ku, kale ngó Kalebe dia Jefune ni Josuué dia Nune; ene ngó a subhuka.

Matendelelu 28:18

Mbutu i tunda mu divumu dié ikala ue ni uíndua; o mbutu i tunda mu díbhia dié i kala ue ni uíndua; o ibhanga ié ia jingombe, ni ilunga ié ia jimbudi, ikala ue ni uíndua.

Matendelelu 28:32

Anʼé a mala ni anʼa ahatu a ku bua-u, anga a a bhanʼê ku miji iengi; eie-phe u talé ngo mesu, uambuka muene kumbi dioso dia kambamba, nguzu ia kubhanga kima kioso-kioso ku i mono.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

Matendelelu 32:25

Anga mu ila: ku kanga xibhata i ídia, dia, moxi kimbuua kijeja. Ki kala o munzangala ua diiala, ki kala o mona-kilumba kiluua ejiia diiala; ki kala o mona bhu maku, ki kala o velu mukua jinvi,

Afundixi 4:16

Balake-phe uia ni kukaia makalu, ni kukaia kilombo kioso kia kifuẋi kia Xixela katé bhu Halosete ia matumbu; kifuẋi kioso kia Xixela anga a ki leleka ku mazu a xibhata; ki bhuala diiala dia xala-bhu, né umoxi ngó.

I Samuuele 16:14

Nzumbi ia Jihova anga kua Saúlo i tunda-ku; anga bhu kala nzumbi iaiibha ia tundu kua Jihova hé i kala mu mu kuatesa uoma.