Hozeia 9:10 - O Mikanda Ikola

¹⁰ Izalaiele nga mu tuuama kala isaka ia ji-uva mu mikáu ia kukuta, o jitata jenu ki nga a muene, edile kala ibundu ia sambatende ku mufiku ua kindala; maji ene-phe a lengela kua Baale-piiole, ia a di kasanesa ni mahamba a kuatesa jisonhi javulu, ene uâ ia a kasana kiá kala o dihamba diene dia a uabhelele ene.

Hozeia 9:10 ပူးပေါင်းရင်းမြစ်များ

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

II Jisobha 17:11

Iá a bhiti ue ni kuohela uasu ua dizumba ku matala eneʼó kala kia bhanga jinga o ifuxi ia akua jixi jengi ia kaiesa kuala Jihova bhu pholo ia ene; iá a bhanga jinga muene ima ia ufusa, mbé o kubalumuna o njinda ia Jihova.

Jisálamu 115:8

Ki kala o iteka iene, ki kala oso a i bhanga; ki kala ue ene oso a i dielela.

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Mukumbi ua Mikumbi 3:6

Kiki kima kiahʼiki, ki tundila mu kikangalakata kala mufundangala ua dixi, diezala ni uasu ua dizumba, ni ua sumuna ni ua libana ni fufuta ioso i bhana dizumba dia mbote iene mu funa o jingenji?

Izaía 28:4

O kitulu kia lalumuka ku makembu mâ ma fuma, kiala ku sungu ia dikôlo di bhana idima, kia kà kala mukuâ ni kibundu kia mufiku, kia mutômo, kioso o kixibhu kiluua ngó ki bhixila, uoso u ki mona, uila u ki kuata ngó bhu lukuaku, u ki minha lusolo.

Jelemiia 11:13

Mukonda kala kia soko o dialuilu dia jinzambi jé, eie Juda, kiene kia soko o jinzambi jé! O kia soko ue o dialuilu dia jinzunga joso ja Jeluzaleme, kiene ue ki ua tungila jikalatódio ku ima ia jisonhi, o jikalatódio ja kuohela uasu ua dizumba kua Bale.

Jelemiia 24:2

Kinda kimoxi, kia kexile ni jifiku ja uabha muene, kala jifiku ja kisonaxi; maji o kinda kia kamukuá kia kexile ni jifiku ja ibha kia vulu, ki ji xikina ku ji dia, mukonda dia ku ibha kuê ku ja ibha.

Jelemiia 3:24

Mukonda o kutandanganha kuene kuadi o ikalakalu ia jitata jetu tundé mu undenge uetu: ni jimbudi jâ, ni jingombe jâ, ni anʼâ a mala, ni anʼâ ahatu.

Jelemiia 3:25

Tua xalela mu jisonhi jetu; a tu vungina kuala o kavuanza ketu, mbata Jihova Nzambi ietu tua mu te kituxi, nʼetu ni adietu, tundé mu undenge uetu katé mu kizuua kia lelu; etu tua fulu ku bhana matui ku dízui dia Jihova Nzambi ietu.

Jelemiia 31:2

Jihova uambe kiki: O kifuxi kia bhulaka ku xibhata, kia bongo kuzediua mʼoxi ia kisekele; muene Izalaiele, kioso eme ki nga-nda ku mu nhohesa.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Izekiiele 20:8

Maji ene a ngi ẋinukina, nguâ ku ngʼivua; o maufusa oso a a uabhelele ku mesuʼâ ki bhu kexile ngó muthu uandalele ku a texi, mba kuxia o iteka ia Ijitu; bhenhobho-phe ngixi o njinda iami ngi i lundulula ku thandu diâ-ene, phala o kutema kuami ni kutenene kua ene mu kaxi ka oxi ia Ijitu.

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.

Hozeia 13:5

Eme nga kuijidila kioso hanji ki uala mu kikangalakata, mʼoxi ia kukuta.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Hozeia 4:14

Eme, anʼenu a ahatu kia bhanga uuaia, ni akaji a anʼenu ki a ta jiphànda, ki nga-nda ku a kaxtikala-ku; mbata o malʼâ ene, ni jitata jâ, a di texi ni idianzunga, o mu kubhana jisata aia kumoxi ni iuaia; mukonda o mundu ua kambe kilunji ua kʼaia mu dibuikilu.

Hozeia 4:18

A mu kuila kia zubha o kúnua, a di bhakula kiá ku undumbu; o itatakaji iâ u uabhela o lusebhu, kene mu kuinda o kuuabha kua Jihova.

Amoji 4:5

Bhanenu sata ia diximanu ia jimbolo jala ni kifulufulu kia kinanesa; Kolenu muene o mibhaku ia vondadi, tangenu-kiu ku mundu! Mukonda enu ue mu anʼa Izalaiele kiene kia mi uabhela, Jihova Nzambi kiene kia tange.

Mikeia 7:1

Kokolo diami! Kuma ngedi kala kiene mu kukanza o ibundu bhu thembu ia ku muna, ngedi kala ibundu bhu kixibhu iaxala mu a kanze kiá! Ni kisaka kia ji-uva ngó phala kúdia ki ki moneka dingi, mba tufiku ngó tua xalela, tuene kuinda o muenhu uami.

Dialuilu 15:39

ki kale kusangunuka kua kuila ki mu tala-ku mu banza jinga o ijiia ioso ia Jihova, mu i kuata, ki mu kaiele dingi ki mi tuma o muxima uenu, mba ki mu mona ni mesu; kuma kiene ku ki kaiela kiala ku mi bhangesa undumbu.

Dialuilu 18:13

O ibundu ioso ia dianga, ku ima ioso i kala mungongo, ieza-na-iu kua Jihova, i kala ié; uoso ua di zelela uala mʼonzo ié, muene ua kà dia-ku.

Loma 6:21

Thembuʼ oio-phe mua kexile ni kisakidilu kiahi mu imbamba i mua kexi mù bhanga, lelu i mua kuatela jisonhi? Kuma ima ioso ieneʼ oio dizubhilu diê o kufua.

Matendelelu 32:10

Ua mu sange mʼoxi ia kikangalakata kiahatu, ixi ia kukuta ia ngene ni ngene, muala kubuza ngó iama! Ua mu ongeka, ua mu lange, hé u mu sasa mukuâ ni mona diesu.

Matendelelu 32:17

Jisata a ji satela madiabhu, o Nzambi kana. Jinzambi jene jeza leluʼidi, mʼokulu ki ja monekene; jinzambi ka jʼijidile, jabhingi nuka a ji bhezele kuala jitata jenu.

Matendelelu 4:3

Mesu menu ma di muena kioso kia bhange Nzambi kua Bale-piiole; ni kioso Jihova Nzambi ienu kia jimi o mbutu kua ió oso a kexile muʼaxaxe kenu, mu kaiela Bale-piiole.

Afundixi 6:32

Tunde mu kizúua kienhokio Ngidiione a mu luka Jelubaale, kuma Jouaji uedi, uixi: Baale muene a bhânge ni ió uoso ua bulu kalatódio kê.