Hozeia 9:1 - O Mikanda Ikola

¹ Kana-phe kutumbujuka ni ngalasa, eie Izalaiele! Kana kukala mu kutana kala o miji ia mukuá kʼejiia Nzambi! Mbata eie Nzambi ié ua mu baluka kala muhatu ua kidianzunga; o futu ia kidianzunga iene i u a fulamena bhu mazanzu oso a kuanekena o tiliku.

Hozeia 9:1 ပူးပေါင်းရင်းမြစ်များ

Jisálamu 73:27

Ió-ze a ku baluka eie u Ngana, a solo kutexika; a kà fua muene, oso a tunda bhu kinama kié mu sendukila ima iengi.

Izaía 17:11

o mu kizuua ki ua kà i phapha, u i bhangesa kusabhuka ni kukula, o ki kúkia mu kemene hé ua ká bhangesa kuila mbutu iê ime; hanji, o idima iòbhongolole ia kà di bota mu kizuua kia malamba ni misusu ia vulu ki i xikina ku i saka.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 44:17

Kota-kota tua-nda kutumaka kizuelu kia tundu mu kanu dietuʼetuene, tuenda ni kuoha jinga o uasu ua dizumba kua sobha ia diulu ia muhatu, ni ku mu bhakuila makúnua, kala ki tuene mu kubhanga kiá etu, ni jitata jetu, ni jisobha jetu, ni ilamba ietu, mu jimbonge ja Juda ni mu jinzunga ja Jeluzaleme; etu tuene mu kala ni kúdia kua di xala ni kusanguluka, kana-ku ue kuiibha kuoso-kuoso ku tua mono.

Kuditenda 4:21

Eie-phe, monʼa kilumba kia Edomo, ua tungu mʼoxi ia Uze, tana-ku, u sanguluke! Dikáu-ze hádia dia-nda kubhiẋila ue kokué, hinu-phe ukodiua na-diu anga u di vungununʼê eʼmuene-muène hé u xala tuẋi.

Izekiiele 16:15

Maji eie ua dielela ngó o kuuabha kué, eie ua di-kasananesa mukonda dia fuma ié; ua bhanga jinga undumbu ni ene oso a bhita, phala nʼu kala u uâène.

Izekiiele 16:30

Jihova Nzambi phe, uixi: Muẋima ua ku bhuila kinéne, tata! eie ua mu kuenda ni kubhanga ima kala iii, ia tokala ngó muhatu uala kiuaia kia kukamba o sonhi!

Izekiiele 20:32

O kia mʼiza ku muẋima uenu, ki mungu kia-nda kubhita, ki mua mu kuila muexi: Tua mesena kukala mukuâ ni akua jixi jengi, kala o miji mu ngongo, a mu bhikila o miẋi ni matadi.

Izekiiele 21:10

A i zuika phala kujibha, a i seke phala i benhe; o ki tualʼiki mbé tu sanguluka? O mbasá ia monʼami ki i xikina muẋi uoso-uoso.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Hozeia 4:12

Mundu uami a zambuila ku kiximbu kia muẋi, o mbangala iâ anga ienda ni ku a lomboluela; mukonda o nzumbi ia uhabhu iala kuia ni ku a nganala, ene anga aia ni ku di kasanesa, o Nzambi iâ a mu xisa dikanga.

Hozeia 5:4

Ngua-uâ kuiukisa o ikalakalu iâ phala nʼa vutukile kua Nzambi iâ; mbata o nzumbi ia undumbu iene iala muaxaxi kâ, o Jihova a tokoka ku mu ijiia.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Amoji 4:5

Bhanenu sata ia diximanu ia jimbolo jala ni kifulufulu kia kinanesa; Kolenu muene o mibhaku ia vondadi, tangenu-kiu ku mundu! Mukonda enu ue mu anʼa Izalaiele kiene kia mi uabhela, Jihova Nzambi kiene kia tange.

Amoji 6:13

Enu-phe mua akua kusangulukila kingoho, muamba muexi: Etu manhi kia tu jingisa kʼo nguzu ietu?

Amoji 8:10

O jifesa jenu nga kà ji kitula jithambi ja kuteka ndômbe; o mimbu ienu ioso ia kà kituka jingololo. Bhua kàla ku di kuta jisaku bhu inhonga ioso, o mu mítue ioso mua kàla mabhaia kala mua bhiti phoko ia bhutu. Nga kà bhangesa kuila ima iii lamba diê dila kala thambi ia mona umoxièlele a mu vuala ngûmba; zubhilu diê mukua ni kizuua kia kubhondalala.

Tiiaku 4:16

Maji enu-phe mu di thatha mu jinzabala jenu, mukonda dia kudizangeleka kuenu. O kudithatha kuosuʼoko-phe, kuaiibha!

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!