Hozeia 8:9 - O Mikanda Ikola

⁹ Mbata a bandele ku Asídia mu kukuata-nê ukamba; ua di bhange mukua ni mukete ku milundu ubheka uê mu ku dʼimanena; maji Ifalaíme uala kuta uenji ua jisaii.

Hozeia 8:9 ပူးပေါင်းရင်းမြစ်များ

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

Izaía 30:2

Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 30:6

Muzambu ua iama ku sulu: ku ixi ia mukondo ni jingongo a kàmbata jimbongo jâ a ji tuika ku makunda a tujumenda, umvama uâ a kà u ambatela ku milumba ia jikamelu, aia kubheka ima ioso iii ku athu ka tena ku a bhandulula ni kima, muene Ijitu.

Jelemiia 2:24

Mukete ua mukaji uejidila mikáu ia kukuta ia ditutu, kuoso kua mu tumu o muẋima uê, ufuenha kitembu; bhu kumbi diê mukuahi u mu fudisa o ku di bonga ni jindumbe? joso ji mu sota muene, ki ji bhinga ku di huha; kabasa mbeji iê ieza-bhu a di bonga-nê.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Hozeia 2:10

O kiki lusebu luê ngi lu tadika muene ku mesu ma jisaii jê; kana muthu u tena ku mu kudila bhu lukuaku luami.

Hozeia 5:13

Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.