Hozeia 8:7 - O Mikanda Ikola

⁷ Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Hozeia 8:7 ပူးပေါင်းရင်းမြစ်များ

Dimatekenu 41:23

maji kithangana, ngi mona dingi sambuadi dia masa ma xoueta, ma tolo, mʼaúka ni kitembu kia thunda, ma kaiela ku akuá mu kusabhuka.

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

Jobe 4:8

Ku uialelu uami, ngene mu mona kuma oso a bhanga ikuma, a kuna ima ia ibha, iene muene ia bhongolola.

Jisabhu 22:8

Uoso u kuua usuéia, u bhongolola phulu; o ku pholo ku aia, a mu iokojola.

Ndongixi 5:16

Kienhiki ue kima kia ibha kiavulu muene, ki katesa ku muẋima, kuila o muthu kioso kiezʼê, hádia ue kiene muene kia kà vutukʼê; o ku kalakalela-phe ngó o kitembu, kua kalakala, kia mu bhandululaʼhi?

Izaía 17:11

o mu kizuua ki ua kà i phapha, u i bhangesa kusabhuka ni kukula, o ki kúkia mu kemene hé ua ká bhangesa kuila mbutu iê ime; hanji, o idima iòbhongolole ia kà di bota mu kizuua kia malamba ni misusu ia vulu ki i xikina ku i saka.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Jelemiia 12:13

A kuu tiliku, a munu minha; a di tutumbisa ngó, maji ka katula-ku kima; idima i mua bhongolola ia mi kuatesa jisonhi, mukonda dia kutema kua njinda ia Jihova.

Kuditenda 5:2

Undundu ua muiji uetu uai ku athu engi; jinzo jetu akua makanga a ji tambula.

Hozeia 2:9

Kala kiki, eme ngiʼzó, phala bhu thembu ia tokala, ngi mu tambula o masa mami, bhu thembu ia tokala o kubela kuê; ngi mu tambula o maluvu ami a kúmua; nga-nda kuolola ue o lâ iami, ni linhu iami, ia kexi kudivungila O tuẋi iê.

Hozeia 7:9

Akuaʼxi jengi a mu di jinguzu jê, o muene-phe ka kiʼjiia; muene ue uedi kiá kukululu ni jimvi, maji muenephe ua lémbua ku ki ijiia ngó.

Hozeia 9:16

Ifalaíme a mú kuama, O jindanji jê joso ja kukuta; muene ka kà bhana dingi ibundu; xi, né-mbe hanji a vuala ana, Eme ana oso a matunda a tunda mu vumu diê, nga-nda ku mu jibhila-u.

Nahumu 1:3

O Ngana ua kokoloka kutema, maji o nguzu iê iavulu; ka xikina o muêdi ku mu lungisa; O Ngana njila iê ia kuendela i bhita mu kibhungu ni kitembu kia kita-phephe; o matuta ene o fufutila ia inama iê.

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.

Ngalásia 6:7

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.

Ngalásia 6:8

Uoso u kuuila ima inda o xitu, ku xitu iê uandù bhongolola kalunga. Maji uoso u kunina ku ima iandala o Nzumbi ia Nzambi, ku Nzumbi uandù bhongolola muenhu ki uabhua.

Matendelelu 28:33

Idima itunda mʼoxi ié, ni ima ioso kiá i u talela hadi, a i dia kuala povo iengi eie-muène kua ejiia ngó, anga a ku bhondelekʼé ngó kienhiki izuua ioso.