Hozeia 8:14 - O Mikanda Ikola

¹⁴ Mbata o Izalaiele ua jimbi Mubhangi uê, uoso ua mu bhanga, iú uala kuia ni ku di tungila mazemba; Juda ue ua di tungila jimbonge ja kolo; maji eme o jimbânza jâ nga-nda ku ji ta túbhia, o túbhia tu bhuikisa o mazemba mâ.

Hozeia 8:14 ပူးပေါင်းရင်းမြစ်များ

I Jisobha 12:31

U bhanga ue jinzo ja kubhezela mu ididi iala matala a di leka; anga u bhanga ue o jinganga ku athu a ngoho oso-oso mu kifuxi, kʼa tokalele ku anʼa Levi.

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

II Jisobha 18:13

Maji ue, ku tula mu muvu ua kuinhi ni kiuana ua utuminu ua sobha Ezekiia, o Senakedibe, sobha ia Asídia, ua bande mu kúlua ni jimbonge ja nguzu, ja di xitila imbaka mua Juda, ií ua ji tolola.

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

II Malunda 27:4

Ua tungu ue jimbonge mu milundu ia Juda; o mu mikáu ua te-mu jimbonge ni jinzu ja matala.

Jisálamu 106:21

Nzambi, Mubhuludi uâ, a mu jimbi; Ió ua bhange o ima ia matunda mu Ijito;

Jisálamu 95:6

Ndokuenu tu bhetame, phala tu bhezienu, tu fukame bhu pholo ia Jihova ua tu bhanga.

Izaía 17:10

Mukonda o Nzambi ié ia Kibhamuenhu ua mu jimbi, kua te dingi muẋima ku Ditadi dié diene ku ku xitila. Kienhiki né uedi u phapha mixi ia uabha kiambote, hé u i tela kikanzo kia kathathala,

Izaía 29:23

Kioso kia kà mona muiji uê, kikalakalu kia maku mami muʼaxaxi kâ, euá, dijina diami a kà di kôlesa; Dilemba dia Jakobo a kà mu xila; Nzambi ia Izalaiele a kà mu kala ni uoma.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Izaía 43:21

Povo ienhiʼii nga i solo phala ende ni ku ngi ximana.

Izaía 9:10

Matijolo a di lundumukina kiua, maji tu tunga-bhu kiá jinzu ja matadi ma songa jihete; mikuzu a i batujula, maji tu bhinganesa-bhu misédulu.

Izaía 9:9

Ni mundu uoso uenhú ua kà kʼijiia muene, mukonda akua Ifalaimi ni iá a tungu mu Samádia, ala kuzuela ukumbu ni ku di zangeleka kua muẋima, exi:

Jelemiia 17:27

Maji o ki mu fula ku ngi bhana o mátui, phala ni mu kolesa o kizuua kia Sabhalu, mbé mu fule o kubheka kimbamba kioso-kioso, mu ku bokona bhu mielu ia Jeluzaleme mu kizuua kia Sabhalu, bhenhobho-phe eme nga-nda ku bambula túbhia ku mabhitu mê, anga tu buikisa mazemba ma Jeluzaleme, o tuenhutu ki tua kà jima dingi.

Jelemiia 2:32

Manhi monʼa kilumba u jimba makembu mê, inga dibhanga u landuka izuatu iê ia ubhanga? Eme phe o mundu uami a ngi jimbi muene, mu ndumba dia izuua ki i xikina ku i tanga.

Jelemiia 23:27

A fika kuila mundu uami a u jimbisa dijina diami mukonda dia jinzoji jâ jala mu kuia ni ku di tangela mudiâ, kala jitata jâ ki ja jimbi dijina diami mukonda dia Bahale.

Jelemiia 3:21

Mu ididi ia di-leka evu-mu dizui, evu-mu ngololo ni kudionda kua vulu kua anʼa Izalaiele; mukonda njila iâ a i lungulula, o Jihova Nzambi iâ a mu jimbi.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Izekiiele 23:35

Kala kiki, O Jihova Nzambi uambe, kuma: Mukonda eie ua ngi jimbi, eie ua ngi takuila kuema dié, kuabhu-phe, ua-nda kuambata ue ni phulu ié ni maundumbu mé.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Amoji 1:10

Mukonda dia kiki, kimbaka kia Tilu nga kà ki ta mu túbhia, tuene ni tu jikinisa jinzu jâ ja matala.

Amoji 1:12

Mukonda dia kienʼiki Temane ngi mu ta mu túbhia ni tua kà jikinisa jinzu ja matala-matala mu Bozola.

Amoji 1:14

Mukonda dia kiki, kimbaka kia Labá nga kà ki ta mu túbhia, tuene ni tu jimisa jinzu jâ ja matala-matala, ni ku di kola mu kizuua kia ita, ni kibhungu mu kizuua kia kubhondalala.

Amoji 1:4

Kiene ki bhangesa kuila inzu ia Hazaile nga kà i ta túbhia, anga tu dia ni jinzu ja matala jala mu Bene-Hadade.

Amoji 2:5

Mu kienʼiki Juda ngi mu ta túbhia, phala tuene tu jikinise o jinzu ja matala-matala mu Jeluzaleme.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?