Hozeia 8:10 - O Mikanda Ikola

¹⁰ Né-mbe-phe ene a ta mauenji muʼaxaxe ka akua jixi phala kuia ni ku a kuatekesa, eme nganda ku a bhongolola; kuma andeka-ku kiá o kubhondalala ni kutunuka mukonda dia sobha ni ilamba ala ku a phopheka.

Hozeia 8:10 ပူးပေါင်းရင်းမြစ်များ

II Jisobha 14:26

Mukonda o Jihova ua mono kuila o hadi ni mbûnda ia Izalaiele, ia tundu kinéne, ia lulu, kuma ki bhuala mubhika, ki bhuala ngana, mba muthu ngó uosouoso u kuatekesa Izalaiele.

II Jisobha 17:3

O Salamanazale, sobha ia Asídia, hé u banda mu kulua-nê; Ozeia hé a mu kitula mubhika ua Salamanazale anga uenda ni ku mu bhana lubhaku.

II Jisobha 17:4

Maji o sobha ia Asídia kia muedi sui, ua mu mono kuila ua-nda ku mu tunda ufe, mukonda Ozeia ua tumikisa jiphunga kua Só, sobha ia Ijitu, o kufuta ue o mubhaku, kua sobha ia Asídia, ku muvu ni muvu kala kia kexe mu kubhanga jinga, ua ki eha; o sobha ia Asídia-phe kia ki mono, ua mu kutu iú ua mu jikila mu kiboiongo.

I Malunda 5:26

Kiabhekela Nzambi ia Izalaiele ku a balumuina o nzumbi ia Phulu, sobha ia Asídia, ni nzumbi ia Tikalate-Pilinesele, sobha ia Asídia, ua a kuika, iu ua ambata ku uhutile, o ana a Lubene ni ana a Ngade ni kaxaxe ka muiji ua Manasa; ia a a balakala ku Hala, ni ku Hambole, ni ku Hada ni ku ngiji ia Ngozane, ia ala kuenhoko katé mu kizuua kia lelu.

Izaía 10:8

kuma, uamba uixi: Abha, ilamba iami ioso ki jisobha?

Izaía 30:2

Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 36:13

Labesaki bhenhobho uimana, anga u dikola ni dízui dia suina mu mbimbi ia Juda, uixi: Ivenu maka ma muenexi ua dikota, sobha ia Asídia.

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Izekiiele 16:33

Idianzunga ioso ene mu ku a futa, maji eie, èie dingi uia ni kubhana o maujitu ku jisaii jé joso; anga uia ni ku a bhana o maujitu, mbé a tunde ku mbandu joso mu kuiza kokué, mukonda dia maundumbu mé.

Izekiiele 16:37

Tala, o jisaii jé joso, ji ua sungila jinga na-ju, nga-nda ku a bhongolola, kumoxi ni iá u ua zolo, ni iá u ua zembe, nga-nda ku a bhongolola ku jimbandu joso nʼa ku kondoloka mu ku ku bilukila, hé ngi ku zula tuẋi-a-thakala bhu pholo iâ, ene nʼa ku mono muene kioso ki ua kala.

Izekiiele 22:20

Mukua ni kia bhongoluela o phalata, ni ngòndo, ni felu, ni ximbu, ni xitanhu, bhu kaxi ka dijiku, phala ku i zukutila katé ki i di zunza kumoxi, kiene ue ki nga-nda ku mi bhongolola mu njinda iami ni kutema kuami, anga ngi mi xá bhenhobho hé ngi mi zunza.

Izekiiele 23:5

Ohola hé u di bhanga kidianzunga kioso kiala hanji uami; anga u di uabhela ni jisaii jê, o akua Asídia, a zukamene na-u.

Izekiiele 26:7

Mukonda, o Jihova Nzambi uambe, kiki: Talenu, eme mu kuzoka ni Tilu, nga-nda ku mu bhekela Nabukodonozolo, sobha ia Babilonha, tundé kusuku, sobha ia jisobha u mu endela ni jikabalu, ni makalu, ni akua kusambela tubalu, ni masoladi, ni kifuẋi kia mundu uavulu.

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Hozeia 10:10

Eme o mundu nga-nda ku a bhana kaxtiku katé ku muẋima uami kua zele; akua jixi a-nda ku a bhongolokela mu kúlua-nâ mvunda, kioso eme ki nga-nda ku a bhana kaxtika mukonda dia kutondala kuâ mu luiadi.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Ajeu 2:6

Mukonda kiene kiambe Ngana Jihova dia Ifuẋi, uixi: Kua kambe ngó bhuòfele hinu ngi tungutisa dingi oxi ni diulu, ni menha ma kalunga, ni oxi ioso ia kukuta.