Hozeia 7:9 - O Mikanda Ikola

⁹ Akuaʼxi jengi a mu di jinguzu jê, o muene-phe ka kiʼjiia; muene ue uedi kiá kukululu ni jimvi, maji muenephe ua lémbua ku ki ijiia ngó.

Hozeia 7:9 ပူးပေါင်းရင်းမြစ်များ

II Jisobha 13:22

O Hazaiele-phe, sobha ia Sídia, ua bhondeleka jinga Izalaiele mu izuua ioso ia Jouakaji.

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

Jisabhu 23:35

Anga u kuata kuila, uixi: Kua ngi bhela jimbangala ki ngʼevu-ku; a ngi beta muene, maji né ngó kuxiximʼé! Nga-nda kuphaphumuka-phe kithangana kuẋi? phala o uhólua ngiie dingi ku u sota.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Izaía 57:1

Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.