Hozeia 7:16 - O Mikanda Ikola

¹⁶ Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Hozeia 7:16 ပူးပေါင်းရင်းမြစ်များ

Jisálamu 12:3

Jihova hinu u batula o mizumbu i bhomba kiki, ni dimi ue di zuela ni izala,

Jisálamu 12:4

kuma ala kuila: Dimi dietu diene di tu mbolomona na-diu akuetu; tua dielela o mizumbu ietu, Ngana ietu nanhi muene?

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 17:10

Enhó a bumbu ni kuneta, kʼevu kima; maka ma dikanu diâ ma izala ioso.

Jisálamu 52:2

Eie dimi dié di funha usuéia uoso, o kabódio kê mukuâ ni phoko ia bhutu mu kukuama.

Jisálamu 57:4

Mukonda o muenhu uami ua batukila muʼaxaxi ka jihoje; nga zeka mu kaẋi ka athu a uama túbhia; anʼathu muene edi o mazu kenéne kala jisosa ni matoma, o dimi diâ dia soko ni xibhata iatu.

Jisálamu 73:9

Dikanu diâ dʼila kala diala kuzuelela ku diulu; o dimi diâ di nama kunu mu ngongo.

Jisálamu 78:37

Kuma o muẋima kala na-u ua ku di tuma ni muene, o kikutu kiê kala na-kiu ni ufiiele.

Jisálamu 78:57

A vutuka ku dima, a mu kakula kala kia bhange o jitata jâ; a dianguka kala mufula ua kulueza.

Izaía 3:8

Mbata Jeluzaleme ua di-bhukana, o Juda ua di-bhale; mukonda o uzuelelu uâ ni ibhangelu iâ, ia kubalukila Jihova; mbé o kubheka njinda ku mesu a Jihova ni fuma iê.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 3:10

Hanji-phe, o phèke-phèke ia phangiʼé na Juda, o muʼaxaxi ka ima ioso iii, ngué kuvutuka kokuami ni muẋima ua kidi, maji ua vutuka ngó makutu, Jihova ua ki tange.

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Izekiiele 23:32

Mukonda o Jihova Nzambi, uambe kiki: O nganza ia kota dié, ia zongo i ia zanze, eie ue ua-nda ku i nua muene; ua kà kituka jingolela ni muôndo; o iene, mu ku i zonga, iambata nzungule.

Izekiiele 36:20

O kia zubha kubhiẋila ku miji kua di texila, o dijina diami di kôla a di kasanesa, mbata a kexi mu ku a zuela, exi: O iá ene o mundu ua Jihova, o mu ixi iâ a tundu-mu.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Hozeia 11:5

O mu Ijitu ka-nda kuvutukila-mu dingi, maji mukua Asídia muene u kala sobha iâ; mukonda a di tunu kudiela.

Hozeia 11:7

Mbata o mundu uami uejidila ku ngi baluka; o kia exana kuiza kua Suke-ku, ki bhuala muthu u xikina ku ki bhanga.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Hozeia 7:13

Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Hozeia 9:3

Mʼoxi ia Jihova ka kà nanga-mu; kuma Ifalaíme ua-nda kualukila ku Ijitu, o mu ixi ia Asídia a kà dia-mu makudia a kasana.

Hozeia 9:4

Jihova kanda kuenda dingi ni ku mu bhangela ilumbu ia vinhu, o jisata jâ ki ja-nda ku mu uabhela dingi; o mbolo iâ ia kèla kala mbolo ia thambi, oso a dia-ku a di kasanesa, mbata o mbolo iii ia kà soka ngó phala kudia kuâ, o mʼonzo ia Jihova ki ia kà bokona-mu.

Hozeia 9:6

Mukonda nga mono kuila ene ai mbé o kulenga kibuika, maji o Ijitu-phe ua-nda ku a tambulula, o Mefize ua-nda ku a funda mu kina; o phalata ia solele miẋima iâ, ia kà kituka undundu ua ngene ua kasau-sau, o mu jinzo jâ mua kà sabhuka minha.

Malakiia 3:13

Jihova, uixi: Mua ngi zuela ima iaiibha ni kunonga; maji enu-phe, muexi: Ihi i tua ku zuela ia ku iibhila eie u Jihova?

Malakiia 3:14

Enu muambe, muexi: Ku bhikila Nzambi hadi ia hatu; o kualuka ijila ia Ngana, ni kuenda bhu pholo ia Jihova dia Ifuẋi ni mukondo, tua nganhala-ku mbote iahi?

Matesu 12:36

Ngi mi ambela-phe kuma, maka moso ma ulalu ma tanga athu, a kà ma bhela konda mu kizuua kia kufundisa.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Tiiaku 3:5

Kiene ue o dimi, sumbala kidiandu kiofèle ngó, maji di di hanza ni ima ia makota. Talesenu, muxitu né ua kulu kiavulu, u tambula tubhia ku mulengu uofele ngó!

II Phetele 2:8

Kuma muthu ió uaiuka, kia tungile muʼaxaxi kâ, ua tatesele o muẋima uê uaiuka izuua ioso, mu kuivua ni kumona imbamba ia bhangele jinga athu ió ia kukamba uôma.

Dijingunuinu 13:5

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.