Hozeia 7:14 - O Mikanda Ikola

¹⁴ Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Hozeia 7:14 ပူးပေါင်းရင်းမြစ်များ

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Izaía 52:5

Kiki-phe ngi bhanga kiebhi, eme Jihova? Kuma o mundu uami a u bhundile sè kikuma; O oso a mu u tumina aia ni kuhunza, Jihova muene ua ki tange; o dijina diami a kuata ku di lebhula kumbi dioso dia kambàmba.

Izaía 65:14

Talesa, jiselevende jami ja kà kala mu kuimba mukonda o miẋima iâ ia sanguluka, maji enu-phe mua kà ta jingololo mbé o ngongo; muʼá kala ni kukumba mukonda dia kikote kia muẋima uenu.

Jelemiia 12:2

Eie ua a phaphe, ene ia a te jindanji; ia a suluka muene ku pholo, kuma a bhana ibundu; eie uala muene mu kanu diâ, maji uala dikanga ku miẋima iâ.

Jelemiia 3:10

Hanji-phe, o phèke-phèke ia phangiʼé na Juda, o muʼaxaxi ka ima ioso iii, ngué kuvutuka kokuami ni muẋima ua kidi, maji ua vutuka ngó makutu, Jihova ua ki tange.

Kuditenda 2:18

O muẋima ua Jeluzaleme ua di kola kua Jihova; eie kimbaka kia kilumba, monʼa Ziione, tata! Masoxi mé ma kunguluke muene kala ngiji, ni mu usuku ni mu muanha! Ku nhohe! O anʼa mesuʼé ka zumbuke mu kudila.

Hozeia 13:16

O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Hozeia 3:1

Anga Jihova u ngʼambela, uixi: Ndé dingi luamukuá, u zole muhatu, a mu zola kuala kamba dié, suke muene-phe kiuaia, (uene mu ta jiphanda), mukua ni Jihova kia zola anʼa Izalaiele, Sumbala-phe ene a landukila kutala ku jinzambi jengi, a uabhela jimbolo jabhange ni ji-uva.

Hozeia 8:2

Hádia a-nda kudikola ko kuami, exi: Nzambi iamiʼé! etu tu akua Izalaiele tua ku ijiia.

Amoji 2:8

U sanga a zeka kumoxi bhu mbanduʼa kalatódio koso-koso, ku thandu dia izuatu ia a ximbikila; o monzo ia jinzambi jâ muene mua nuina o vinhu ia kubhûnda.

Amoji 8:3

Maji-phe o mimbu ia Tembulu mu kizuʼokio ia kà di bhanga jingololo. Jihova Nzambi ua ki tange; o imbi ia kà vula; ku jimbandu mu ididi ioso a kà texila-mu imbi ia athu mu kasuèkele. Anga mʼoxi ioso muila ni muene hudí!

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Filipe 3:19

O dizubhilu diâ kutexika mu infernu; nzambi iâ o imbamba ioso inda o mukutu uâ. Thathe iâ, o imbamba i kuatesa jisonhi; a xinganeka ngó ima ia bhoxi.

Tiiaku 4:3

O kioso ki mu bhinga mu kamba kutambula, mukonda mua bhingi kiaiibha. Kuma enu mu bhinga ima, phala mu i bhuise ngó mu jihânji jenu.

Tiiaku 5:1

Kindala, enu mu jimonhi, ivenu! Ndokuenu mu dile, mu di kole, mukonda dia usébhue ua-nda ku mi tula!

Afundixi 9:27

Anga aia ku mábhia, a muna mivide iâ, a titidila jiuva mu ditangi, a keta vinhu anga a kala mu bhanga kizokola, a bokona mʼonzo ia nzambi iâ, o mu fesa, Abimeleke enda ni ku mu longolola ni ku mu xinga.