Hozeia 7:13 - O Mikanda Ikola

¹³ Lamba diâ! kia ngi balukʼokio! Kibuika kia a tula muene! mbata a ngi bhukumukina; Eme nga a kula, maji ene a ngi tatela ima ia makutu.

Hozeia 7:13 ပူးပေါင်းရင်းမြစ်များ

Nehemiia 1:10

Athu iá-phe ene hanji abhikʼé, ni kifuxi kié ki ua kula mu kutena kué ni lukuaku lué lua nguzu.

Jobe 22:17

Nzambi a muʼambela jinga, kuila: Tunda bhu mbandu ietu. Ni kuila: O Muteni-a-Ioso ua tena ku tu bhanga kima kiahi?

Jisálamu 106:10

Ua a kudila bhu lukuaku lua ió ua a kanena jinga; ua a tambula bhu maku a ngungu-a-nzumba.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 30:2

Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 59:13

Tuedi ni kulueza, ni ku ta makutu mu ku bilukila Jihova, ni ku ta dikunda kua Nzambi ietu, tuexi ni kuzuela kua ungumba ni kubhukumuka, ni kuimita ni kulusa maka ma mangonha ku muẋima.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Jelemiia 14:10

Jihova uambe kiki, ku mundu iú; kuma ene a uabhela kinéne o kubaluka, inama iâ ka i ximbakatesa dingi, kienhiki Jihova ua di kumu-nâ, maji o kindala ua-nda ku xinganeka dingi o kuiibha kuâ, anga u bhana njumbu ku ituxi iâ.

Jelemiia 42:20

Mukonda enu o mienhu ienu mua i tobhesa, kuma mua ngi tumikisa kua Jihova, Nzambi ienu, muexi: Tu sambele kua Jihova, Nzambi ietu; o iene ioso muene i ku tangela Jihova Nzambi ietu, iene muene eie i u tu tangela, etu ni tu i bhange.

Jelemiia 51:9

Kuma Babilonha tuandelele ku mu saka nʼa disanze maji muene ua lémbua kudisanza; muʼambudisienu, kala muthu aie ku ixi iê; mbata difundisilu diê dia bhixila ku diulu, dia di leka tulé ku matuta a suku-ku bhulu.

Jelemiia 7:15

Hinu ngi mi texi koko, mu ngi bhue ku mesu, kala ki nga texi koko o jiphange jenu joso, o muiji uoso ua Ifalaíme.

Kuditenda 5:16

Kitundu ku mútue kia tu laúka. Kokolo dietu, tata, kuma tua te ituxi!

Izekiiele 16:23

ʼKí kiedi-phe, o ki ua zubha o kubhanga kuiibha kué kuosʼuku (uaué! Uaué! Kokolo dié, tata! Jihova Nzambi ua ki tange).

Izekiiele 18:2

Enu ihi ia mi kuata, enu mua mu zuela o Sabhu iii ku ixi ia Izalaiele, muexi: O jitata ja-di uva ja uisu, o mazu a anʼâ ezala uèngenge?

Izekiiele 18:25

Enu-phe muexi; O njila ia Jihova ki ia iuka kiambote ditônono. Kindala-phe, ivuenu enu mu dibhata dia Izalaiele: Manhi o njila iami ki iala ditônono? Mbé o njila jenu ki jene ja bhengajala?

Izekiiele 34:6

O mbudi jami jì ja mu bunganena ngó mu milundu ioso, ni mu tuthuthulundu tuoso tua di leka; xi, kiene muene! O mbudi jami joso ja muanganena ngoho mu tumbu ni ngongo, ki ji moneka uoso u ji sota, mba uoso u ji takana (ku ja di texiʼoko).

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 11:2

Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Hozeia 7:3

Muenexi a mu sangulukisa ni usuéia uâ, o ilamba iâ a i sangulukisa ni makutu mâ.

Hozeia 9:12

Némbe-phe a sasa ana, eme nga-nda ku a katula-nâ, phala ki bhu subhuke diiala. Ni kidi muene, kokolo diâ! Kioso eme ki nga-nda ku a tunda bhu mbandu iâ.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Jona 1:10

Kienhokio mala iá a kala ni uôma uavulu, hé a mu ambela, exi: Eie phala-hi ua bhange kiki? Mbata a kʼijiia kuma muene uala kulenga Ngana, kuma muene ua a lomboluela-kiu.

Jona 1:3

Jona anga u balumuka phala kulengela ku Talxixi, mukonda dia Ngana; kia kulumuka ku Jope, u sanga-ku naviiu iala kuia ku Talxixi, u futa muômbo uê, anga u di longa momo phala kuia ku Talxixi mukonda dia kulenga pholo ia Ngana.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Matendelelu 15:15

Uxinganeka jinga, ulembalale kuma eie ue ua kexi u mubhika mʼoxi ia Ijito, maji Jihova Nzambi ié muene ua ku kula. Eie ue nga ku tumu kubhanga jinga kienhiki.

I Nzuá 1:10

Se tuedi tuixi ituxi ki tuala na-iu, Nzambi tua mu kuatesa makutu, o maka mê kala moxi dietu.

Dijingunuinu 8:13

Bhenhobho ngi mona hé ngʼívua o holokoko bhu iala kubhitila, iasu o mbambe ni diulu, i zuela ni dízui dia dikota, iexi: Lamba! Lamba! Lamba, dia ene oso a tungu mu ngongo, mukonda dia mázui ma jikoloneta ja anju jitatuʼojo, kiluua ji xika!