Hozeia 6:7 - O Mikanda Ikola

⁷ Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Hozeia 6:7 ပူးပေါင်းရင်းမြစ်များ

Dimatekenu 3:11

Kuala Nzambi: Nanhi ua ku tangela-kiu, kuma eie uala tuẋi? O kuila uadi ku muẋi u nga ku kidika, ngixi kana kudia-ku?

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

II Jisobha 17:15

Iá a tènde o jingonge ni kikutu kia Jihova, kia tele ni jitata jâ, kiene ue kimoxi ni maumbangi mê ma a bazela jinga na-u kuala Muene; iá a kaiela ngó ukumbu, a kituka kingoho; a kaiela ue miji ia matumbu ia kexile mu jimbandu jâ, ioio ia ambelele Jihova, kuila: Kana ku a fikisa ni kubhanga ima kala ene.

Jobe 31:33

Se ngedi kala Adá, nga sueka ikuma iami, mulonga uami anga ngi u sueka bhu homba iami;

Izaía 24:16

Ku maẋokololo maʼxi tuevu-ku ià emba mikumbi ia kufumanesa Muthu Uaiuka; maji eme ngedi: Uaué, enu malʼé! Nga bhele, nga tunuka! Akua-mangonha a bhange ufe! kiene muene, akua-mangonha a bhange muene ufe ua nzungule!

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Jelemiia 3:7

Eme, o kia zubha kubhanga ima ioso iii, ngixi-phe: Vutuka kokuami; muene phe ka vutuka: o phèke-phèke-phe ia phangiʼé na Juda ua ki mono.

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Jelemiia 34:18

Athu a bulu kikutu kiami nga-nda ku a bhakula, ió a kambe ku kuatesa kizuelu kia kikutu kia te bhu pholo iami ni monʼa ngombe, a mu uane mu mbandu jiiadi ni ku mu sesa muene mu kaxi ni kaxi.

Jelemiia 5:11

Mbata dibhata dia Izalaiele ni dibhata dia Juda a ngi kitukila ni ufumbe uavulu, Jihova ua ki tange.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Loma 5:14

Kiene kimoxi, o kalunga kene ka kexile kutumina-ku tunde kua Adá katé kua Mozé, ni ku thandu dia ió ka tele kituxi ki di fangana kala kia Adá. Kala kiki-phe Adá ua di bhange ngó kijimbuete kia mukuâ ua xedi mù kuiza-ku.

Matendelelu 31:20

Mbata kioso ki nga-nda ku a tula mʼoxi i nga lokela jitata jâ, oxi i zunzumuka lete ni uiki, kia-nda kúdia, kia-nda kúnua, anga a neta mukonda dia jimbote ji nga-nda ku a bhana a-nda kulungulukila ku jinzambi jengi, anga a ji sedivila, a-nda ku ngi thathamesa, o kikutu kiami ki nga te-nâ a-nda ku ki bula.

Jihebeleu 8:9

Ki kia kà kala uila o kikutu ki nga tele ni jitata jâ, kizuua ki nga a kuatele mu lukuaku, phala ku a katula mʼoxi ia Ijitu. Kuma ene ka nangene-mu mu kikutu kiami, eme uami ki nga a suuile—eme ngi Ngana.