Hozeia 6:5 - O Mikanda Ikola

⁵ Kiene-phe ki nga a tozela ni nguzu iavulu mu kanu dia jipolofeta, eme nga a jibha muene ni hundu ia tundu mu kanu diami; o mabatuilu mami kokué, a-nda kutunda muene mukuâ ni mukengeji.

Hozeia 6:5 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

I Jisobha 14:6

Anga ki bhita-phe kuma, Ahiia mu kuívua o mixindu ia inama ia muhatu a Jelobouamu, ua mu bokona bhu dibhitu, u mu ambela, uixi: Bokona, mukajʼa Jelobouamu. Ua mu di suekelaʼhi kiki? Mbata eme ngi phunga ié ia ku ku tudila njimbu ja bhuiza.

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

I Jisobha 18:17

Anga ki bhita kuma, Akabe kia mono Elija, Akabe uambela Elija, uixi: Eie-muène u muzukutixi ua Izalaiele?

I Jisobha 19:17

Anga kia kà kala-phe kuma, uoso u subhuka ku xibhata ia Hazaiele, a kà mu jibha kuala Jehu; o uoso u lenga ku xibhata ia Jehu, a kà mu jibha kuala Ilizeu.

II Jisobha 1:16

Anga u mu ambela, uixi: Jihova uambe kiki: Eie ua tumikixina-hi jiphunga mu kuibhula kua Bale-Zebubu, nzambi ia Ekolone? Mbé mukonda dia kuila kana-mu Nzambi mua Izalaiele, nʼa mu ibhule o kizuelu kiê? Kala kiki, o ku hama iii ku ua sambela, kua-nda ku tuluka-ku dingi, maji ni kidi muene ua-nda kufua.

II Malunda 21:12

Anga ku muiza kisoneke kia tundu kua Elija, polofeta, kuila: Jihova, Nzambi ia tatʼenu Davidi, uambe kiki: Kuma eie ua fulu kuenda mu jinjila ja tatʼenu Jozafate, ni mu jinjila ja Aza, sobha ia Juda,

Jobe 15:30

Ka kà tena kubhulaka ku kitombe; o milengu ia túbhia ia kaùla o jithangu jê; o ku mulenge ua dikanu dia Nzambi ua kèndelela.

Jobe 34:10

Mu kienhiki-phe, enu mu athu, mu jinjimu, ngʼivienu: Lu ku suke, eie Jobe! kuma Nzambi ka tena kubhanga kia ibha! o Muteni-a-Ioso ka tena kubhanga mangonha!

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 37:6

Muene u idikiza o kidi kié kala muanha; kulunga kué ku moneka muene kala kumbi dia mediia.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 58:1

Dikole ni dízui dia suina, ku dixibhe, zangumuna dízui dié kala koloneta, uidikize athu ami o kikuma kiâ, o dibhata dia Jakobo ue idika-diu o ituxi iâ.

Jelemiia 1:10

Iala! lelu dienhidi, ngala ku ku imika ku thandu dia akua-jixi, ni ku thandu dia mautuminu, phala u thathumune, u lundumune, u buikise, ni u bhange jingundu; luamukuá ue, phala u tungise u kunise.

Jelemiia 1:18

Mbata, talesaze, lelu ngala ku ku bhanga u mbonge ia difikidila, u ngunji ia felu u imbaka ia ngondo, ulue ni oxi iosololo, jisobha ja Juda u ji lue, makota mâ u ma lue, jinganga jê u ji lue, povo iaʼxi u i lue,

Jelemiia 13:13

Eie-phe a tangele: Jihova uambe kiki: Talenu, athu osololo a tungu moxiʼumu, nga-nda ku a kodiuisa katé kia zezuka, ni jisobha ja tokala ku kixina kia Davidi, oso a xikama bhu kiandu kiê, ni jinganga ni jipolofeta ni oso kiá a tungu mu Jeluzaleme.

Jelemiia 23:29

Jihova ua ki tange, uixi: O maka mami manhi kasoko ni túbhia, kʼedi kala malatelu i sasujula ditadi?

Jelemiia 5:14

Kala kiki Jihova, o Nzambi ia Ilombo Ieta, uambe kiki: Kala kiki, o ki uazuela maka ió, talesa, maka mami mu kanu dié ngi ma kitula tubhia, o mundu iú ngi u kitula jihuinhi, ene-phe a-nda kubuika.

Izekiiele 11:4

Uila kiki: Zambuila-nâ ima ia ku a bilukila; zambula, monʼa muthu, zambula.

Izekiiele 3:9

O dibhomo dié nga di bhange kala utadi ua diiamande mu kukola, diene dia beta kukola o ditadi dia fijilu ndenge; uila kiki-phe, kana ku a kala ni uôma, mba u teketa ki u mona o jipholo jâ, mbata ene ala dibhata dia bhukumuka.

Izekiiele 32:18

ʼE monʼa diiala, o mundu ua Ijitu tela-u jingololo, u u bhangese o kutuluka, ni uene ni anʼa ilumba ia akua jixi ja makembu, aie mu ixi iala bhoxi kinéne, kua ió ene mu kutuluka mu kina.

Izekiiele 43:3

O kidifua kia kisunji ki nga mono, kiedi kala o kisunji ki nga muene kioso ki ngʼeza mu kusengulula o mbonge; anga o isukila iê i di fuangana kala i nga muene bhu mbanduʼa ngiji ia Kebale; hé ngi di ṗhudikila o pholo bhoxi.

Sofoniia 3:5

Jihova-phe muene ngó o kidi ni kuiuka muʼaxaxi kê, ka moneka kikuma; kimene ni kimene ubheka kufundisa kua kidi ku mukengeji, nuka a lueza; maji o semenhi-phe ka moneka ngó sonhi mukonda kejiia ki kala o sonhi.

Jipoxolo 7:31

Mozé kia ki mono, ua di uana kisuma! O kia sota kuzukama-ku mu kutalesa kiambote, ku tunda dizui dia Ngana, uixi:

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Efezo 6:17

Tambulenu ue o kubhuluka kala kapasete, ni Maka ma Nzambi kala xibhata ia mi bhana kuala o Nzumbi Ikôla.

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.

Dijingunuinu 1:16

Bhu lúkuaku luê lua dilu ua kuata sambuadi dia théthembua, o mu dikanu diê mu fomoka xibhata iatu, ia mazu aiadi. O pholo iê i benha mukuâ ni dikumbi ki di kala mu nguzu iê ia kumuika mu mediia.

Dijingunuinu 2:16

Dielenu-phe kiá! O ki mu kamba ku ki bhanga, hinu ngi mi sanga kindala, anga enhó ngi lua-nâ ni xibhata i tunda mu kanu diami.

Dijingunuinu 9:15

Anju jiuana anga a ji jituna. Jene ja di polondala phala ola ienhiʼii, ni kizuua, ni mbeji, ni muvu, mbé a jibhe mbandu ia katatu ia mundu mu ngongo.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.

I Samuuele 13:13

Samuuele anga u ambela Saúlo, uixi: Ua bhange uoua; ua kambe kubhaka o kijila kia Jihova Nzambi ié, kioso kia ku tumu; kuma Jihova hinu ueje kukolesa o utuminu ué mu Izalaiele ni u nangenena.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.

I Samuuele 15:32

Samuuele anga u zuela, uixi: Ngi bhekedienu bhabha, Akake, sobha ia akua Amaleke. Akake anga uiza ni kudikenha. Kuma Akake, uixi: Kidi muene kulula kua kalunga kua ngi somboka kiá.

I Samuuele 15:33

Samuuele-phe, uixi: Kuma o xibhata ié ia bhangesa ahatu kukamba anʼâ, kiene ue kimoxi mamʼenu ua-ndu kamba ana muʼaxaxi ka akuâ. Samuuele anga u sesa Akake, u mu bhanga ku idiandu-idiandu, bhu pholo ia Jihova bhu Jidingale.