Hozeia 6:3 - O Mikanda Ikola

³ Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Hozeia 6:3 ပူးပေါင်းရင်းမြစ်များ

II Samuuele 23:4

U kala mukuâ ni kuma kúkia, ki kala mu tunda o dikumbi, mu kimene kia kambe o matuta; mukua ni iangu iauisu i sabhuluka mu ngongo kitua o muanha ua zele, kuila mvula ia tundu mu kunoka.

Jobe 29:23

Aia jinga muene ni ku ngi kinga, kala kiene mu kinga o mvula, a bhana mu kanu, mukua ni bhu mvula ia kauana.

Jisálamu 19:4

maji o njimbuʼiii-phe a ivisa mu ngongo ioso; o hundu iê ia jimbuluka muene katé ku maẋokololo maʼxi. Maúlu Nzambi ua ma bhanga balaka ia dikumbi;

Jisálamu 19:6

U katuka bhu muxinda uaʼxi ni diulu, u banda, hé u boloka, katé ku mbambe iê, tulé; kana-ku kima ki suamena o muanha ue.

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Jisálamu 65:9

Ixi u i zungila, u i tekela; u sueka jimbongo javulu mu mavu, mukonda dia ngiji ia Nzambi iezala menha; athu u a dikila ni masa, ki u zubha kukalakala ku mábhia.

Jisálamu 72:6

Muene a tule kala mvula i noka mu dikèla, mukuâ ni isanga i tekela o mikáu.

Jisabhu 4:18

Maji o njila ia athu a iuka-phe i di bhanga mukua ni mukengeji ua kimene, uia ni ku di bandekeza mu kuzela katé kuma ki ku zubha o kúkia.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 32:15

katé o Nzumbi i tunda bhulu kia kà di-lundulula ku thandu dietu; mu kizuuʼokio, oxi ia kisèkele ia-nda kubiluka mavu a idima, o mukáu uene mu kubhana o idima a kà u kita ditutu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 5:6

Ngi di bilula kikangalakata; ki bhua-nda kukala dingi ku di sola jithangu; ku di tela ue mavu bhu ixina, kana dingi; inda mu sabhuke kiá isasa ni misonge ia minha; ngʼa mbela ue matuta, phala ka noke dingi mvula ku thandu diê.

Izaía 54:13

Anʼé oso a kala maxibulu a Jihova; o kutululuka kua anʼé kua kà di-xala.

Jelemiia 24:7

Anga ngʼa bhana muẋima phala nʼa ngʼijiia, mbata eme ngi Jihova; ene a kà kala mundu uami, eme nga kà kala ngi Nzambi iâ; mbata a kà bilukila kokuami ni muẋima uâ uoso ua muvimba.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Hozeia 14:5

Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Hozeia 14:6

Ua-nda kutandeleka o jithangu jê, anga u di zandela muene kala muẋi ua mudiva, uenda ni kutubhula dizumba diambote kala dia muxitu ua Libano.

Hozeia 2:20

Nga-nda kusakana nʼeie ni kuila eie u kala kiá u fiiele kokuami, eie anga uijiia kiá Jihova.

Mikeia 4:2

Kua kʼàia muene miji iavulu, exi: Izenu, tu bandienu ku mulundu ua Jihova, ku dibhata dia Nzambi ia Jakobo. Muene nda a kà tu longe o jinjila jê, etu phala tuendele mu jihoka jê. Mukonda o kitumu hádia ki tunda mu Ziione, o maka ma Ngana ma kà tunda mu Jeluzaleme.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Zakadiia 10:1

Nga bhingi mvula kua Jihova bhu makumbi a mubatuku ua mvula, mukonda Jihova muene ua bhanga matuta ma mvula, athu u a bhana mvula ia nzungule, kala muthu u mu bhana ni iangu iê ku mábhia.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Matesu 13:11

Muène u a vutuila, uixi: Enu Nzambi ua mi bhana-kiu, o kuijiia ikutu ia Utuminu ua Diulu, ene-phe ka a bhana-kiu.

Luka 1:78

mukonda Nzambi ietu, Nzambi ia jihenda ni mbote! Ua bhangesa Dikumbi-dia-Thunda ku tu zungila,

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Nzuá 7:17

Se muthu u sola kubhanga vondadi ia Nzambi, ió ua-ndu kuijiia ulongelu u nga mu longa, mba ua tundu kua Nzambi, mba nga zuela ngó ima iami ememuène.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.

Jihebeleu 3:14

Kuma o kubhanduluka ni Kristu, ki bhinga o kudielela ku tu andeka na-ku, tu ku jijila katé bhu dizubhilu.

II Phetele 1:19

Mukonda dia kienhiki, o maka ma tanga jinga o misésedi, tua beta dingi o ku ma dielela kiavulu. Enu uenu mua-lu bhanga kiambote, o ku mʼaluka, enhá. Mukonda ene a di bhange mukuâ ni kandeia ka muikina mu kididi kia vundu, katé kikia o kizuua, anga o mukengeji ua thethembua ia kimene, u muikina mu miẋima ienu.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.