Hozeia 6:1 - O Mikanda Ikola

¹ A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Hozeia 6:1 ပူးပေါင်းရင်းမြစ်များ

II Malunda 30:6

O mikanda ia lukuaku lua sobha ni lua ilamba iê, hé a i ambata kuala o jingambateʼa-mikanda mua Izalaiele ioso ni mua Juda, kala kia tumu sobha, kuila: Enu mu anʼa Izalaiele, Vutukilenu kua Jihova, Nzambi ia Mbalahamu, ia Izake ni ia Izalaiele, phala o muene ue a talele o pholo kua ió oso momuenu a bhulaka, ia a subhuka ku lukuaku lua jisobha ja Asídia.

Jobe 16:9

Ua ngi sanujuna mu njinda ié; ua ngi luualela muene; ua ngi kokotela ku mazu; kia ngi tala u xikulula muene kala nguma iami.

Jobe 22:23

Se u biluka kua Muteni-a-Ioso, muene ua-nda ku ku tungisa dingi, se o kubhanga kia ibha eie u ku sandula monzo ié.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jobe 5:18

Mbata muene se u bhanga fidila, muene-muène u i tumbʼê dingi: muene se ua kuama, maku mê ene muene a saka.

Jisálamu 30:7

Mukonda eie, Jihova, ua ngi bhake kididi, ua ngi fikidila kala mulundu; maji o ki uedi-phe, u sueka o pholo ié, kutata kueza, nga bhondalala!

Jisálamu 6:2

Ngi kuatele henda, u Jihova, kuma nga bhele, nga xoueta; u Jihova, ngi sake; kuma ngala kukata katé ni mu ifuba.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Ndongixi 3:3

Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Izaía 17:7

Bhu kizuua kieneʼokio, muthu ua kà ta muẋima kua Mubhangi uê, mesu mê ma kà talela kua Dilemba dia Izalaiele.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 30:22

Divunga dia iteka ié ia phalata, dianda ku ku iibhila kiá, o divunga dia iteka ié ia ulu ua kuzunza, eie ua-nda ku di kita dixidilu; ua-nda ku di texe kala ditele, ua-nda ku i tangela mu kimoxi-kimoxi, kuila: Tu-nda bhabha.

Izaía 30:26

O mueji ua mbeje ua kà soka ni muanha, o muanha uene ua kà di bandekeza lusambuadi mu kútua, mukuâ ni muanha ua sambuadi dia izuua ua di lunjika kumoxi; kiki ki bhita bhu kizuua kia Jihova, kia-nda ku sokejeka o mundu uê ua budijika, ni kia tumba o kilônda kiâ.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 30:12

Mukonda Jihova uambe, uixi: Uhaxi ué, ki u xikina ku u saka; o fidila ié iia ni kuxixima.

Jelemiia 30:17

Mukonda o kudisanza kué nga-nda ku ku vutuila-ku anga ngi saka o itoto ié, eme ngi Jihova, kuma ala ku kuixana: Na kahukunhu, ni kuila exi: Na Ziione, mukonda ka moneka dingi muthu u muʼibhula.

Jelemiia 33:5

Ene anga a di lukula mu kubhânga ni akua Kaldeia, maji-phe phala ngoho ku a ezalesa ni imbi ia athu, u nga kuama mu njinda iami ni mu kutema kuami; mbata mbonge iii nga i suekela o pholo iami mukonda dia ku ibha kuâ kuoso.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Jelemiia 50:4

Jihova uixi: Mu izuuʼomo ni kithanganʼokio, anʼa Izalaiele a kʼèza, ni ene ni anʼa Juda kumoxi; mu kuiza kuâ, a kʼèla ia enda ia dila, mu kusota Jihova Nzambi iâ.

Jelemiia 50:5

A kʼèbhula njila ia Ziione, kueneʼoko kuene kua talela jipholo jâ; hádia a kʼèza anga a kà di bunda kua Jihova mu kikutu ki nangenena kia bhingi ki mungu dingi a ki jimba.

Kuditenda 3:11

Ua ngi tungamesa mu jinjila jami, o ki nga ila muengi, kuene kua ngi sasujuila ku idiandu; ua ngi xi nga senguluka.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 14:4

Eme nga-nda kuilula o kuxibhaka kuâ ni kudianguka kuâ, anga ngʼa zola muene ni muẋima uoso, mukonda njinda iami ku thandu diâ ki iala-ku dingi.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Ijila 14:48

Maji-phe, se o nganga kia vutuka mu kutala o inzo, kia zubha o ku i lobokala, mu kubokona-mu uasange kuila hanji kia i lobokala ia di zele, o dibhebhu ki dia sanhe dingi, nganga-phe a i jimbule kuamba inzo ia zele kiá, kuma dibhebho diaii.

Sofoniia 2:1

Dibhongolole, luamukuá dingi, dibhongolole u di tongolole kia mbote eie u muiji kuene ni sonhi!

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

I Samuuele 2:6

Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.

I Samuuele 7:3

Samuuele anga u zuela ni muiji uoso ua Izalaiele, uixi: Se muedi mu vutuka kua Jihova ni muẋima uenu uoso, hé mu tubhula jinzambi ja matumbu ni Axitalote muʼaxaxi kenu, ni mu lunge mixima ienu kua Jihova, ni mu mu bhikile muene ngó ubheka uê; muene-phe u mi kudila bhu maku ma akua Fidíxia.