Hozeia 5:8 - O Mikanda Ikola

⁸ Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Hozeia 5:8 ပူးပေါင်းရင်းမြစ်များ

II Samuuele 21:6

Eie u kuata sambuadi dia anʼê a mala, u tu bhakuile-nâ, tu a nhenge bhu pholo ia Jihova mu Ngibeia ia Saúlo, ió a mu solele kuala Jihova. Muenexi anga u vutula, uixi: Ngʼa bhana.

I Jisobha 12:29

Anga u tula imoxi mu Betele hé uimika iamukuá mu Dane.

Izaía 10:29

Ia a bhita kiá, a te kibangu mu Jeba: Lama iù teketa kiá; Jibeia ia Saulu iu uia ni lusolo.

Jelemiia 4:5

Bokenu mu Juda, ivisenu mu Jeluzaleme, muila muexi: Xikenu koloneta moxiʼumu! dikodienu ni dizui dia suina, muixi: Bhongolokenu tu bokone mu jimbonge ja nguzu!

Jelemiia 6:1

Enu muʼana a Bejami, mu kaxi ka Jeluzaleme tundenu-mu, mu lengele o muenhu uenu; xikenu ue mbungu mu Tekoua, lekenu ue sama ia túbhia mu Beth-haselene; kuma ku mbandu ia kusuku ku kuijiia kibhidi ni kibuika kia dikota.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 8:1

Tá mbungu ku dikanu dié. Muene iu uiza kala holokoko phala kuvubuka mu dibhata dia Jihova, mukonda ene a matuka o kikutu kiami, o kitumu kiami a ki bhukumukina.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Jouele 2:1

Mu Ziione xikenu-mu mbungu, dikodienu ni dízui dia suína mu mulundu uê ukôla. Ene oso a tunga mu ngongo a tekete, kuma kizuua kia Jihova kì kiza, kiene kia zukama kiá.

Jouele 2:15

Xikenu mbungu mu Ziione, jilenu ni kujila ku kôla; kolenu kizuua kia kufula ioso ni ku di fudisa.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Josuué 7:2

Josuué anga u katula athu bhu Jedikó, u a tuma ku Hai, kua zukama Bete-Avene, ku mbandu ia thunda ia Betele, anga u a ambela, uixi: Bandenu hanji mu londe ixi. Anga a banda a londa Hai.

Afundixi 5:14

A tundu mua Ifalaíme, a kulumuka mu honga kúlua ni Amaleke, ki kua tundu monʼa kilumba Debola, a mi kaiela ku kunda, o mala a Bejamí ni kilombo kiâ mua Makidi mua tundu ilolo ejiia kutumina, mua Nzebulone muene mua tundu o jikabhitango;

I Samuuele 15:34

Kia zubha kubhita imʼiii, Samuuele anga uia ku Lama; o Saúlo anga uia ku bhata diê bhu Ngibeia ia Saúlo.

I Samuuele 7:17

Mu kuvutuka-phe uiza bhu Lama, kuma bhene bhu bhata diê bhua kexi Inzu iê; anga u fundisa jinga Izalaiele bhenhobho; anga u tungila-bhu kalatódio kua Jihova.

I Samuuele 8:4

Kienhokio adiakimi oso a Izalaiele a di bhongolola kumoxi, hé eza kua Samuuele bhu Lama;