Hozeia 5:6 - O Mikanda Ikola

⁶ Eneʼá à kʼ aia ni Jimbudi jâ ni jingombe jâ mu kusota Jihova; maji a kà tokoka ku di mona-nê; mukonda Jihova ua a tundu kiá bhu mbandu iâ.

Hozeia 5:6 ပူးပေါင်းရင်းမြစ်များ

Makatukilu 10:9

Kuala Mozé: Ki bhinga etuʼoso tuia, ni anʼa ndenge ni adiakimi, ni anʼetu a mala ni anʼetu a ahatu, ni mbudi jetu ni ngombe jetu, kuma tua-nda kua kà bhange kizokola kua Jihova, Nzambi ietu.

Jisabhu 1:28

kienhokio ene ela adi kola kokuami, eme-phe ki nga kà etaia; o kia kà di meneka ku ngi sota, ka tena ku ngi sanga.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Jisabhu 21:27

Sata ia akua kubhuma, kisinji kua Nzambi; kuambe dingi-phe ki a i bheka ni muẋima ua kubhanga phulu!

Mukumbi ua Mikumbi 5:6

Kazola kami nga mu jikuila dibhitu, maji muene kala-bhu dingi, uaié kiá mu ku mu ivua ngó mbimbi iê muẋima moxi ua ngi sengumuka, kioso muene kia kexi mu ku zuela. Nga mu soto hanji, maji ki ngi mu mono dingi, lémbua; nga muʼixana muene, maji ka ngiʼtaia dingi.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Jelemiia 11:11

Uila kiki Jihova uambe, uixi: talesa, nga-nda ku a bhekela divuua ku thandu diâ, o dienhidi ka-nda kutena ku di bhulaka, a-nda ku dikola kokuami, eme-phe ki nga-nda kua evua.

Jelemiia 11:14

Eie-phe, mundu iú kana ku u sambela, kana ku a tela nzongo ia kudila mba musambu; mbata mu kithangana kia ku dikola kokuʼami ki nga kà evua mukonda dia kuiibha kuâ.

Jelemiia 14:12

Kioso kia jila, eme nzôngo iâ ki nganda ku ivua, o kia bhakula mubhaku ua kuoha, ni mubhaku ua kudia, eme ienhoio ki ia-nda ku ngi uabhela; o kiala-bhu eme nga-nda ku a jikinisa ku xibhata, ni ku nzala ni ku dibhebhu.

Jelemiia 7:4

Ki mu dielele maka ma ngoho, muexi: Tembulu ia Jihova, Tembulu ia Jihova, Tembulu ia Jihova ienhiʼii.

Kuditenda 3:44

Ua di jikila mu matuta, ua lenge misambu ietu, phala ki i ku bhixile.

Izekiiele 8:18

Kala kiki, eme ue nga-nda ku a vutuila ni njinda ioso; o diesu diami ue ki dia-nda kukondeka mba ngi kala ni henda; né-mbe hanji a ngi kolela mu mátui ni nguzu, eme ki nga-nda kua evua.

Izekiiele 8:6

Anga u ngʼambela, uixi: Monʼa muthu, eie u monʼô, kia mu kuenda iá ni kubhanga? O maufusa a isunji ia makota ala mu kuenda ni kubhanga o dibhata dia Izalaiele bhabha, phala eme ngi sanduke ku dibhezelu diami dikola? Maji ua-nda kumona hanji maufusa ma tundu!

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Amoji 8:12

A kà tunda ku musanza iú a kà nhungana katé ku musanza ua mukuá, a kʼàia muene tunde kusuku katé ku thundèlele ku mutundila-kumbi; a kà lengela ku mbandu joso ni kusota o maka ma Jihova, maji a kà tokoka ku a mona.

Mikeia 3:4

Ene a kà di kola kua Jihova, maji muene-phe kʼanda kua evua; kumbi dienhódio ua kà a suekela o pholo iê, mukonda ikalakalu iâ ia bhange a i ibhisa kiavulu.

Malakiia 1:10

Tamano mudienu mua kexile muthu u jika mabhitu phala ki mu uike túbhia tua kalatódio kami mu kingoho. Kuma Jihova dia Ifuẋi uixi kiki: Enu ki mua ngi uabhela dingi; ki ngi xikina kutambula jisata ji tunda bhu maku menu.

Luka 5:16

Muène-phe u kala mu kuomboloka, uia mu mikáu ia hatu mu kusamba.

Nzuá 7:34

Enu mua-ndu ngi sota, maji ki mua-ndu ngi sanga, mukonda kuoso ku ngiia, enu ki mu tena kuizaku.