Hozeia 5:5 - O Mikanda Ikola

⁵ Izalaiele o ízala iê ia-nda ku di jimbulukila mu pholo iê muene; ni Izalaiele ni Ifalaíme a kà dibhala-phe mu ituxi iâ; o Juda ue ua kà dibhala-nâ kumoxi.

Hozeia 5:5 ပူးပေါင်းရင်းမြစ်များ

Jisabhu 11:21

Kisuéia né-mbe maku mê ua ma koteka bhu muẋima, hanji kà kamba mulonga; maji o mbutu ia athu a iuka, ia kà bhulaka.

Jisabhu 11:5

O kuiuka kua muthu ua mbote, ku mu iukixila o njila iê; mukua phulu-phe uséia uê uene u mu dia.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Jisabhu 24:16

Kuma o muthu ua iuka, né ua di bhale lusambuadi, ubalumuka; maji athu abhumu-phe, à ka jikinina mu kibuika.

Jisabhu 30:13

Sai-ko muiji ua athu, o mesu mâ manama bhulu, ibhebhetelu iâ a i tudika bhuluʼobho!

Izaía 3:8

Mbata Jeluzaleme ua di-bhukana, o Juda ua di-bhale; mukonda o uzuelelu uâ ni ibhangelu iâ, ia kubalukila Jihova; mbé o kubheka njinda ku mesu a Jihova ni fuma iê.

Izaía 3:9

O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Izaía 59:12

Mukonda o kubhukumuka kuetu kuavulu bhu pholo ie, o ituxi ietu iene ia tu elesa; kuma itondalu ietu hanji ia tu nhenganana, o ikuma ietu tua ijiia muene kiambote.

Jelemiia 14:7

Kia di kalela kiua kuma o ikuma ietu iene ia tu kundula, Jihova tata, bhanga kima, mu henda ia dijina dié; kuma umbalu uetu ua di sokolola; Eie muene tua ku te muene kituxi.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 14:2

Endenu ni ku di tela mudienu maka a kudiela, phala mu vutuke kua Jihova. Ngana mu tangedienu, kuila: Tu loloke o ikuma ietu ioso, u tu tambulule; bhu kididi kia ku ku satela tungombe, xikina, Ngana, o sata ia ujitu i tunda ku mizumbu ietu, kuma diene dibhôko di tua ku tela.

Hozeia 4:5

Mukonda dia kiki, eie u nganga ua-nda kudibhala mu muanha uatu, o polofeta ua kà dibhala kumoxi ni eie mʼusuku; o mamʼenu ngi mu buikisa ue.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Hozeia 8:14

Mbata o Izalaiele ua jimbi Mubhangi uê, uoso ua mu bhanga, iú uala kuia ni ku di tungila mazemba; Juda ue ua di tungila jimbonge ja kolo; maji eme o jimbânza jâ nga-nda ku ji ta túbhia, o túbhia tu bhuikisa o mazemba mâ.

Amoji 5:2

Kilumba kia muzeletete mu Izalaiele ua di bhale, ka-nda kutena dingi ku balumuka! Ua zeka muene ku thandu a mavu, a mu ehelela, ki bhuala muthu u mu balumuna!

Matesu 23:31

Kienhiki muala mu jimbangi, kuma mu anʼa enhó a jibhile o jipolofeta.

Luka 19:22

Ngana iê uixi: U mubhika ua bhukumuka! Ngi ku belesela mu kanu dié muene. Eie ua ngʼijiia ngi muthu ua tèma, ngi katula ku akuetu o kima ki kia ngi tokala, ngi kanza idima bhuma ki nga kunine-bhu.