Hozeia 5:15 - O Mikanda Ikola

¹⁵ Anga ngi katuka, hé ngi vutuka ku bhata diami, katé kia-nda kumona kuila a zange, anga a sota o pholo iami; mu kuila a bhondalala kiá, a-nda kudimeneka ku ngi sota.

Hozeia 5:15 ပူးပေါင်းရင်းမြစ်များ

Dimatekenu 42:21

Anga a zuela mudiâ, exi: Ni kidi, etu tuala tu êdi muene; tua bele mukonda dia kiki ki tua bhangele Phangʼietu; tua muene malamba a muxima uê, iú tu dionda, maji nguetu kuivua; kiene kia tu ijiia o uíndua uosʼú.

II Malunda 7:14

o ki kala-phe o mundu uami, kituxi kiʼexana mu dijina diami, a di bhomba kokuami, anga a samba, a sota muene pholo iami, o ku jinjila jâ ja ibha anga a tunda-ku, kieneʼokio-phe eme ku maúlu nga-nda ku a evua, anga ngi loloka ituxi iâ, o ixi iâ ngi i saka.

Jobe 33:27

Ua kà tala ku athu anga u zuela, uixi: Nga te kituxi, o kuiuka nga ku tondala, o kuene ki ngi katula-ku ngó kima, o Nzambi ue ka ngi vutuila kia fuama o ikuma iami.

Jisálamu 107:13

Bhenhobho a dikola kua Jihova mu lamba diâ, muene hé u a kudila mu kubhondalala kuâ.

Jisálamu 107:19

Bhenhobho a dikola kua Jihova mu lamba diâ; muene-phe u a kudila mu kubhondala kuâ.

Jisálamu 107:28

Bhenhobho a dikola kua Jihova mu lamba diâ, muene-phe u a kudila mu kubhondala kuâ.

Jisálamu 107:6

Bhenhobho a dikola kua Jihova mu lamba diâ, muene hé u a kudila mu kubhondalala kuâ.

Jisálamu 132:14

Iú uambe, uixi: Diene dinhohenu diamʼidi, katé ku hádia ni hádia; bhenhabha nga kubu muene, kuma kiene ki nga solo.

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 78:34

Muene uila u a jibha, ene kiene kiua kia mu kenga; a diela hé a vutuka ni kusota Nzambi makidikidi.

Jisálamu 83:16

Pholo ja ezale ni dilebhu, katé kia sota o dijina dié, u Jihova.

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Izaía 18:4

Mbata Jihova ua ngʼambela kiki: Eme nga-nda kudixibhidila bhu bhata diami ni kutala mu kanga, mukuâ ni ki tua muanha ua mediia, o dikumbi anga di kuata kumuika, kala dituta dia mbundu, kibhita dizuza bhu thembu ia kumuna.

Izaía 26:16

Maji, tata, kioso kia a kondo o ngongo, ejiie ku ku sota; kioso ue ki ua a bazela, ene-phe a mbolojoka ni kusamba mu kasuèkele.

Izaía 26:21

Mbata, tala-ze, Jihova ua kà tunda bhu kididi kiê, nda uiza kubhana o njumbu ku iá a tunga mu ngongo, mukonda dia ikuma iâ; o ixi ia kà tukulula manhinga mâ, ki ia kà sueka dingi ió oso a a jibha.

Izaía 26:9

Mʼusuku uenhú, nga ku-indi mu muenhu uami; ni nzumbi ia ngi kala moxi, nga-nda ku dimeneka ku ku sota; kuma matetuluilu mé nʼa kala mu ngongo, akua-xi kulu dia mundu a di-longa o kidi.

Jelemiia 2:27

Athu ala kuila o muẋi exi; Eie-eie u tatʼetu; ambela ditadi, exi: Eie ua ngi vuala; mukonda a ngi te makunda, ka ngi bhana pholo: maji bhu kumbi dia ku toka kuâ a-nda kuila: Balumuka u tu kudile.

Jelemiia 3:13

Hé kima diẋikine ngó kikuma kié: ki ua tondalela Jihova Nzambi ié, eie ua lebhesa o jinjila jé katé kua akua jixi jengi, bhu makota a mixi ioso ia uisu; eie ua kambe ku bhana matui ku dizui diami, kiene kiambe Jihova.

Jelemiia 3:14

Bilukenu, enu mu ana a ẋinuka, Jihova ua ki tange; mbata eme nga-nda ku mi sakana, anga ngi mi katula iú ku mbonge iii, kiiadi ku muiji ua mukuá; hé nga kà mi ambata ku Ziione.

Kuditenda 3:40

Jinjila jetu tu ji tongolole kiambote, tu ji lole muene kioso ki jala, tu alukile kua Jihova.

Izekiiele 10:4

Kienhokio o unéne ua Jihova anga u tunda ku thandu dia xelubini iala bhu muelu ua kubokuena mʼonzo; o mʼonzo anga muizala dituta, o mu lumbu muizala ni kubenha kua unéne ua Jihova.

Izekiiele 11:23

O unéne ua Jihova anga u zangumuka tundé mu kaxi ka mbonge, anga u tula ku thandu dia mulundu ua kexile ku mbandu ia thandu ia mbonge.

Izekiiele 20:43

Muenhomo, hé mua kà xinganeka kiua o jinjila jenu, ni ibhangelu ienu ioso i mua di kasanesa na-iu, hé mua kà di kuatela fuokoso enuʼenu muene, mukonda dia kuiibha kuenu kuoso ku mua bhanga jinga.

Izekiiele 36:31

Kinhókio-phe kiene kiua ki mua kà banza o njila jenu ja ibha, ni ibhangelu ienu, muexi ki i iukile? Anga mua kà di kala ni fokoso enuʼenu-muène, mukonda dia makuiibha menu ni maufusa menu.

Izekiiele 6:9

Kienhokio-phe, amoxi-mu mudienu a-nda kua kà ngi lembalala dingi oso a kà bhulaka mu miji iengi ia makanga, kuene kua ambata ku ubhikʼoko; kuma eme nga luuala mukonda dia kubola kua muẋima uâ, ua ngi xisa eme, ni mukonda dia mesu mâ ma landukila undumbu ua iteka iâ. Hádia-phe a-nda ku di kala ni fuokoso eneʼâmuène, mukonda dia kuiibha kuavulu kua bhange mu maufusa mâ moso.

Izekiiele 8:6

Anga u ngʼambela, uixi: Monʼa muthu, eie u monʼô, kia mu kuenda iá ni kubhanga? O maufusa a isunji ia makota ala mu kuenda ni kubhanga o dibhata dia Izalaiele bhabha, phala eme ngi sanduke ku dibhezelu diami dikola? Maji ua-nda kumona hanji maufusa ma tundu!

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Hozeia 5:6

Eneʼá à kʼ aia ni Jimbudi jâ ni jingombe jâ mu kusota Jihova; maji a kà tokoka ku di mona-nê; mukonda Jihova ua a tundu kiá bhu mbandu iâ.

Mikeia 1:3

Talesa kuma o Jihova u tunda bhu kididi kiê, ua kà tuluka anga ua kèndela ku ididi ia dileka iaʼxi mu ngongo.

Dialuilu 21:7

Kifuẋi anga eza kua Mozé, exi: Tua te kituxi, mukonda tua longolola Jihova ni eie; tu sambele kua Jihova, a tu katule jinhoka ja túbhia. Mozé anga u sambela o kifuẋi.

Luka 13:25

Hádia mukua dibhata kia balumuka, anga u jika ku dibhitu, enu mu kuata kuimajana bhu kanga ni kubunda ku dibhitu, muixi: Ngana, tu jikuile! O muéne u mi vutuila, uixi: Ki nga mʼijiia kuoso ku mua tundu!

Afundixi 4:3

Bhenhobho anʼa Izalaiele anga a dikola kua Jihova, kuma Jabine muene u kala ni hâma ʼvua ia makalu a felu; anga u suína kiavulu ni kubhikisa anʼa Izalaiele mu makuinhi aiadi a muvu.