Hozeia 5:14 - O Mikanda Ikola

¹⁴ Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Hozeia 5:14 ပူးပေါင်းရင်းမြစ်များ

Jobe 10:16

Mbata se eme ngi di zangeleka, eie u ngi tomba mukua ni hoji ia kiluami, anga u bhanga dingi ima ia isunji ni madiuanu mu ku ngi bhanga kia ibha.

Jobe 10:7

Eie ua kʼijiia kiambote kuila ki ngi mukua mulonga; maji né kiki, hanji ki bhuala muthu u ngi bhulula bhu lukuaku lué.

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisálamu 7:2

Kuma a hamena o muenhu uami kala hoje ia bhindamena ku ngi dia; a mesena a ngi sanujuna ku idiandu, sé muthu ku ngi bhângela.

Izaía 5:29

O mutendu uâ kala ua hoji, a kà koma muene kala anʼa hoji, xi, a koma anga mbole aia na-iu, o u i kudila ka moneka.

Jelemiia 25:38

mu fundu iê ua tundu-mu kala monʼa hoji; kuma ixi iâ a i kitula jingundu mukonda dia njinda ia nguma, ni mukonda dia kusuina kua njinda ia Jihova.

Kuditenda 3:10

Uixi kala kitôto mu ku ngi batamena; mukuâ ni hoji ia tela.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Amoji 2:14

Kienhiki-phe muthu hé uedi u bhebhuluka inama, kulenga kuê ki kuanda kutena ku mu kudila; o mukua nguzu, undanda uê ki ua kà mu bhana kima; dizonda ue ua kà tokoka ku bhângela muenhu uê.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Matendelelu 28:31

Ngombe ié a ku jibhila-iu bhu pholo ié-bhene, maji ku tenê kudia-ku xitu. O bulu ié a kà i nhana hé a ku ambata-iu bhene bhu uala, anga iendelela muene. Jimbudi jé a ji tambuisa hé jiia ni jinguma jé, o u ku banda ngó, kamoneka.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.