Hozeia 5:13 - O Mikanda Ikola

¹³ Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.

Hozeia 5:13 ပူးပေါင်းရင်းမြစ်များ

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 16:7

O Akâji-phe anga u tumikisa jiphunga kua Tiglate-Pilesele, sobha ia Asídia, mu ku mu ambela, kuila: Eme, ngana, ngala ngi mubhikʼé, ngi monʼé; banda kunu, u ngi kudile bhu maku a sobha ia Sídia, ni bhu maku a sobha ia Izalaiele, kuma ene a balumuka ni ku ngi balukila.

Izaía 3:7

Mu kizuuʼokio muenhó ua kà di kola, uixi; Ki ngi tena kukala kimbanda kia kusaka; ki ngi moneka mbolo mʼonzo iami, mba ngó kizuatu kioso-kioso; ki mu ngi hingise ukota ua kutumina o mundu.

Jelemiia 30:12

Mukonda Jihova uambe, uixi: Uhaxi ué, ki u xikina ku u saka; o fidila ié iia ni kuxixima.

Izekiiele 23:5

Ohola hé u di bhanga kidianzunga kioso kiala hanji uami; anga u di uabhela ni jisaii jê, o akua Asídia, a zukamene na-u.

Hozeia 10:6

Asídia ue a kà mu bhakula kala ujitu kua sobha Jalebe. Ifalaíme ua-nda kubonga malebhu, o Izalaiele sonhi janda ku mu kuata mukonda dia mahamba mê.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 14:3

Asídia ki muene ua-nda ku tu bhulula; o ku jikabalu ue ki tua-nda kumondala-ku dingi; o kima kia bhange kuala makuʼetu, ki tua-nda ku ki tangela dingi, kuamba: Eie, eie kiá u Nzambi ietu; mukonda o monʼa kitungu, ua kambe tata ni mama, kiadi u ki bongela momué.

Hozeia 2:7

Phala o muene kia kèla ngi kaiela o jisaii jami, ka tena dingi ku di bonga-nâ; uila u a sota, maji utokoka ku a sanga; bhenhobho-phe anga uila uixi: Ngi vutuka, nga kʼàia kua munumeʼami ua diangele; mukonda, o mʼokulu, nga betele kuzediua ni muene, o kiki kana.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Hozeia 8:9

Mbata a bandele ku Asídia mu kukuata-nê ukamba; ua di bhange mukua ni mukete ku milundu ubheka uê mu ku dʼimanena; maji Ifalaíme uala kuta uenji ua jisaii.

Mikeia 1:9

Mukonda o kitalakanha kiê, né a ki tumbu ki iluka dingi, kuma kia bhiẋila ni mu Juda. Kia di zale katé bhu muelu ua akua muiji uami, katé mu Jeluzaleme.