Hozeia 5:1 - O Mikanda Ikola

¹ Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Hozeia 5:1 ပူးပေါင်းရင်းမြစ်များ

Jelemiia 11:7

Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Jelemiia 13:18

Tangela sobha ni na mvuale: Ditulululienu, mu xikame bhoxi; mbata o makembu oso a mítue ienu a sonoka kiá, o kitundu kia kizunda kienu.

Jelemiia 46:18

Sobha ua bhingi dijina diê muene Jihova dia Ifuẋi, uambe uixi: Eme ngi nangenena! Kuma ni kidi kiene, kala kiala o mulundu ua Tabolo bhu kaẋi ka milundu ni mulundu ua Kalamelu bhu mbandu ia kalunga, kiene kià kʼeza muene.

Hozeia 10:15

Betele kiene ue kia-nda ku mi bhanga, enu mu akua bhata dia Izalaiele, mukonda dia kuiibha kua ituxi ienu; o kibuika kia sobha ia Izalaiele kia kà di meneka muene mu kimene-mene munhá.

Hozeia 13:8

Ngi di takuila kua ene kala mama ia kitôto a mu nhana tuana tuê, ngʼa sana-sana o jingoji ja phumbulu; ngʼa dila bhenhobho mukuâ ni hoji, ngʼa sasujula muene kala ki bhanga o iama ia mukáu.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 6:9

Kala kilômbo kia ingumba kia batamena muthu, kiene ue kiala o kilunga kia jinganga, ji kuata kujibha athu mu kikoka kia Xikeme; xi, kuma ala kubhanga usuéia.

Hozeia 9:8

O polofeta, ku mbandu ia Nzambi iami ua di bhange mulangidi ua kubilukila Ifalaíme, mukua ni mubhetu ua dinhanga dia jinjila, mu uendelu uê uoso, kifua kisuéia mʼonzo ia Nzambi iê.

Jouele 1:2

O kiki ivuenu-kiu enuʼoso mua kuka kiá! Ividilenu enuʼoso mua tungu mu ngongo! Kiki kia bhiti mu izuua ienu? inga ni mu izuua ia jitata jenu ue?

Amoji 3:1

Ivenu kizuelu kia Jihova, uala kuzuela mu kuzoka ni enu, mu anʼa Izalaiele, enuʼoso mu muiji nga mi tombola mu ixi ia Ijitu, kuamba:

Amoji 7:9

O matala-phe a Izake a kà a sengulula, ni ididi ikôla mua Izalaiele a kà i sengulula-mu; anga nga kà zangumuka ni xibhata mu ku zoka ni dibhata dia Jelubouamu.

Mikeia 3:1

Eme anga ngi zuela dingi, ngixi: Ivenu kindala, enu mu atumini a Jakobo, ni enu mu jingana ja dibhata dia Izalaiele: Ki kia mi fuama enu, kuijiia kioso kiaiuka?

Mikeia 3:9

Ivenu-kiu-phe kindala enu atumini a dibhata dia Jakobo, ni enu mu makota ma dibhata dia Izalaiele, mua dizemba ni kubatula kua iuka, anga muila o ioso ia iuka enu mu i lunguluila muengi.

Mikeia 7:2

Athu akua kubhanga o mbote mu ngongo a jimuka-mu, o ua iuka muʼaxaxe ka athu ka moneka dingi; enhoso aia ni kubatamena phala kubhubhisa manhinga, muthu uia ni kutomba phangʼié ni uanda.

Malakiia 1:6

Mona u xila tatʼâ, o mubhika u xila nganga iê; Eme-phe, se ngi Tata, o ujitu ua ngi fuama, iú kuebhi? Se Eme ngi ngana ienu, o uoma ua ngi tokala, iú kuebhi? Eme ngi Jihova dia Ifuẋi, ngambela enu mu jinganga mua-lu dituna kuxila Dijina diami. Enu-phe muexi: Mu kima kiahi etu mu tua ditunu o kuxila Dijina dié?

Malakiia 2:1

Kiki-phe, enu mu jinganga, kijila kiki kia mi tokala enu.

Afundixi 4:12

Anga a ki tangela Xixela kuila Balake monʼa Abinouamu, ua bande ku mulundu ua Tabola.

Afundixi 4:6

Muene anga u tuma kuixana Balake monʼa Abinouamu, bhu Kadexi ka Nafitali, anga u mu ambela, uixi; Ku kʼijiia kuma Jihova Nzambi ia Izalaiele ua ku tumu kuila: Ndeie u bhongoluele athu ku mulundu ua Tabola, u katule kuinhi dia midi dia mala ku anʼa Nafitali ni anʼa Nzebulone?

I Samuuele 7:16

Mivu ioso ua kexe mu kuila u kondoloka ku Betele ni ku Jidingale ni ku Mixipa; anga u fúndisa Izalaiele mu ididi ioso ioio.

I Samuuele 7:5

Samuuele anga u zuela dingi, uixi: Bhongololenu Izalaiele ioso bhu Mixipa, phala eme ngi mi sambele kua Jihova.

I Samuuele 7:6

Anga a bhongoloka bhu Mixipa, a teka menha, a ma lunduluila bhu pholo ia Jihova, a fula kúdia kizuua kienhókio, a fisala, exi: Tua te ituxi kua Jihova. Samuuele anga u kala mu fundisa anʼa Izalaiele bhu Mixipa.