Hozeia 4:9 - O Mikanda Ikola

⁹ Kienhiki-phe kioso kikala o mundu, kikala ue o nganga; eme nga kà mu bhana kaxtiku mukonda dia mauendelu mê, nga kà mu bhana o futu ia tokala ikalakalu iê.

Hozeia 4:9 ပူးပေါင်းရင်းမြစ်များ

Jisabhu 11:31

Se muthu uaiuka u mona phaxi ni lamba mu ngongo, kuambe dingi o mukua-phulu ni mukua-ituxi.

Jisabhu 12:14

Muthu uene ku di dikila ni mbote i tunda ku ibundu ia uzuelelu ua dikanu diê-muene; o ioso muthu ia bhanga ni maku mê, hádia a mu vutuila-iu.

Jisabhu 5:22

O muthu ua bhumu-ze, ikuma iê iene ia-nda ku mu kuika; a mu kuta muene ni mikolo ia ituxi iê-muène.

Izaía 24:2

Kioso kianda kubhita na-kiu o mundu, kiene ue kia kà bhita na-kiu o nganga; kikala o selevende, kiene ue kià kala ngana iê; kikala o kahatu, kiene kià kala ngana iê ia muhatu; kikala o musumbi, kiene ue kià kala o musumbixi; kikala o musobhexi, kiene ue kià kala o musobhi; kikala u bhana dikongo ni kuvualesa, kiene ue kià kala uoso u futa dikongo ni kuvualesa.

Izaía 3:10

Athu a iuka a tangedienu, kuma alunguʼâ; mbata ku ibundu ia ikalakalu iâ, a-nda kua kà dia-ku.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Izekiiele 44:10

Maji o jilevita, a ngʼixi eme iá a di takuila dikanga, kioso kienda jinga Izalaiele mu kutondala, kioso ene kia xile ima ia a fuama o kubhanga hé a kuata o kubungana ngó, anga a ngi sanduka mbé o kukaiela o mahamba mâ, enhó-phe hinu a kʼàmbata muene o kikuma kiâ ku thandu diâ.

Izekiiele 44:12

Mbata ene a a kexidile akunji bhu pholo ia mahamba mâ, a kitukile kidibhukanu kia Izalaiele mu kubhanga kiaiibha; kiene ue eme ki nga zengela o lukuaku luami ku thandu diâ, o ene-phe ue ia a-nda kuambata o kikuma kiâ ku thandu diâ, Jihova Nzambi ua ki tange.

Hozeia 1:4

Ngana anga u mu ambela, uixi: Mu luke dijina dia Jezelele; mbata bhuanda kubhita ngó kathangana kòfele, manhinga ma Jezelele nga kà mʼebhula ku thanduʼ ʼa diembu dia Jehú, anga o utuminu ua Izalaiele ngi u bhuisa-ku kiá.

Hozeia 10:10

Eme o mundu nga-nda ku a bhana kaxtiku katé ku muẋima uami kua zele; akua jixi a-nda ku a bhongolokela mu kúlua-nâ mvunda, kioso eme ki nga-nda ku a bhana kaxtika mukonda dia kutondala kuâ mu luiadi.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Hozeia 12:3

O kia kexi hanji mu divumu ua naminine mu kasènde ka phangʼiê, o kia bhixila kiá mu ukota, mu kuvula nguzu ua bhânge ni Nzambi.

Hozeia 7:2

Mu muẋima uâ a lémbua kutongolola kuma ngi lembalala o ituxi iâ ioso; o ki tualʼiki-phe ikalakalu iâ ia a kondoloka, ia lulama muene bhu pholo iami.

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.